బిగిల్ వసూళ్ళలో జిగేల్
ఈ సినిమాతో పాటు విడుదలైన ఖైదీ చిత్రం కూడా మంచి టాక్‌తో నడుస్తోంది. కాగా నటుడు విజయ్ ఇంటికి బాంబు అంటూ ఫోన్‌ కాల్‌ రావడంతో పోలీసులు అలర్ట్‌ అయ్యారు. స్థానిక సాలి గ్రామంలోని నటుడు విజయ్ తండ్రి ఇంటికి, నీలాంగరైలోని విజయ్ ఇంటికి గట్టి పోలీస్‌ బందోబస్తును ఏర్పాటు చేశారు. గత 26వ తేదీ రాత్రి చెన్నై పోలీస్‌ కార్యాలయానికి ఒక వ్యక్తి ఫోన్‌ చేసి నటుడు విజయ్ ఇంటిలో బాంబు పెట్టినట్లు చెప్పి పెట్టేశాడు. బాంబు స్క్వాడ్‌ను పిలిపించి, పోలీస్‌ కుక్కలతో రెండు చోట్లా ఇళ్లను క్షణంగా పరిశోధించారు.
అయితే బాంబు లేదని విచారణలో తేలడంతో ఫోన్‌ చేసిన వ్యక్తి గురించి ఆరా తీశారు. ఆ వ్యకి అన్నానగర్‌కు చెందిన వాడని తెలియడంతో అతన్ని పిలిపించి విచారించారు. అతన్ని అరెస్ట్‌ చేసిన పోలీసులు తను చెప్పింది నిజమేనా అన్న విషయం గురించి తీవ్రంగా విచారిస్తున్నారు. బాంబు పెట్టడం అన్నది బూచి అని తేలడంతో విజయ్ ఇంటికి ఏర్పాటు చేసిన పోలీస్‌ బందోబస్తును తొలగించారు. ఇంకో వైపు ఎన్ని ఆరోపణలు చేసినా వాటినన్నింటిని దాటుకుని వసూళ్ళలో చరిత్ర సృష్టించే దిశగా బిగిల్ సాగుతోంది. తెలుగులో దీనిని విజిల్ పేరుతో విడుదల చేశారు.
కామెంట్‌లు
కామెంట్‌ను పోస్ట్ చేయండి