జనమే జెండా ..సమస్యలే ఎజెండా

ప‌దేళ్ల వ‌య‌సున్న‌ప్పుడు ఆ కుర్రాడు మొద‌టి సారిగా క‌ల క‌న్నాడు. అప్పుడే మిణుకు మిణుకుమంటూ టీవీని చూశాడు. అదో అద్భుతంలా అనిపించింది. ఒక రోజు రాత్రంతా మేల్కొన్నాడు. టీవీలో పెట్టిన సినిమాను చూశాడు. ఆ ఊరులో డ‌బ్బున్న‌ది ఒకే కుటుంబానికి . ఆ ఇంట్లోనే టీవీ వుంటుంది. అప్పుడే..ఏదో ఒక రోజు తాను సినిమా తీస్తాన‌ని నిర్ణ‌యించుకున్నాడు. త‌న క‌ల‌ను నిజం చేశాడు. అత‌డే మేఘాల‌య‌లోని గారో హిల్స్‌కు చెందిన డొమ్నిక్ సంగ్మా. ఇపుడు అత‌డు ప్రపంచంలోని పేరెన్నిక‌గ‌న్న కేన్స్ ఫిల్మ్ ఫెస్టివ‌ల్‌లో తాను తీసిన సినిమాకు అరుదైన అవార్డును అందుకున్నారు. ఇది క‌ళ్ల ముందు జ‌రిగిన క‌న్నీటి క‌థ‌.  క‌థ‌లు ఎట్లా రాస్తారు అంటూ ఖాద‌ర్ మోహియుద్దీన్ పుస్త‌కం రాసిన‌ప్పుడు క‌లిగిన సందేహం ఇపుడు క‌లుగుతోంది. అవును..క‌థ‌లు ఎట్లా పుడుతాయి. ప్ర‌తి క‌థ‌కు ప్రారంభం ..ముగింపు వుంటాయి. ప్ర‌తి ఒక్క‌రికి ఏదో క‌థ వుండే వుంటుంది.కానీ కొంద‌రు చెప్పుకోరు..ఇంకొంద‌రు చెప్ప‌టానికి ఇష్ట‌ప‌డ‌తారు. తేడా ఏమిటంటే చిన్న పాటి దూర‌మంతే. ఇక్క‌డే క‌ల‌లు వుంటాయి. క‌న్నీళ్లు వుంటాయి. వెచ్చ‌ని క‌బుర్లుంటాయి. కావాల్సింద‌ల్లా ఆ స‌న్నివేశాల‌కు అనుగుణంగా పోగేసుక...

 స‌మాజంలో స‌గభాగం మ‌హిళ‌ల‌దే. వారు లేకుండా ఈ ప్ర‌పంచాన్ని ఊహించుకోలేం. పున‌రుత్ప‌త్తిలో వారే కీల‌కం. కుటుంబం బాగు ప‌డాల‌న్నా..లేదా నాశ‌నం కావాల‌న్నా మ‌హిళ‌లే కీల‌కం. సంపాద‌న ప‌రంగా పురుషుల‌పై భారం వున్న‌ప్ప‌టికీ ఇంటిని చ‌క్క‌దిద్దేది ఆమెనే. ఆ వాస్త‌వం గుర్తిస్తే ఇన్ని ఇబ్బందులంటూ వుండ‌వు. క‌లిసి కాపురం చేసుకుంటే క‌ల‌త‌లు అన్న‌వి మ‌టుమాయ‌మై పోతాయి. అందుకే క‌లిసి వుంటే క‌ల‌దు సుఖం అన్నారు ఎప్పుడో పెద్ద‌లు. సినీ క‌వి అనంద‌మే జీవిత మ‌క‌రందం అని రాయ‌లేదా. గ‌తంలో మ‌హిళ‌లంటే చుల‌క‌న భావం ఉండింది. మారుతున్న ప‌రిస్థితుల‌కు అనుగుణంగా స‌మాజం మార్పున‌కు లోన‌వుతూ వ‌చ్చింది. వారు కూడా మ‌గ‌వారితో అన్ని రంగాల్లో స‌మాన స్థాయిలో పోటీ ప‌డుతున్నారు. దిగ్గ‌జ కంపెనీల‌ను లాభాల బాట‌లో ప‌య‌నించేలా చేస్తున్నారు. ఛైర్మ‌న్లుగా, మేనేజింగ్ డైరెక్ట‌ర్లుగా, డైరెక్ట‌ర్లుగా, వ్యాపార వేత్త‌లుగా, ఐటీ ఎక్స్‌ప‌ర్ట్స్‌గా, ప్ర‌తి రంగంలో త‌మ‌దైన ముద్ర‌ను క‌న‌బ‌రుస్తూ స్ఫూర్తి దాయ‌కంగా నిలుస్తున్నారు.  కేవ‌లం మ‌హిళ‌ల కోసం కేంద్ర‌, రాష్ట్ర ప్ర‌భుత్వాలు అనేక సంక్షేమ కార్య‌క్ర‌మాలు, ప‌థ‌కాల‌ను అమ‌లు చేస్తున్నాయి. అపార‌మై...

  ఓ వైపు ఐపీఎస్‌గా స‌మ‌ర్థ‌వంతంగా బాధ్య‌త‌లు నిర్వ‌హిస్తూనే మ‌రో వైపు సామాజిక బాధ్య‌త‌గా క‌విత్వంతో క‌ర‌చాల‌నం చేస్తోంది చంద‌నా దీప్తి. జీవితాన్ని ఆవిష్క‌రించే సాధ‌నాల్లో పోయెట్రి ఒక‌టి. సానుకూల దృక్ఫ‌థంతో ఆలోచిస్తే స‌మ‌స్య‌లు చిన్న‌విగా క‌నిపిస్తాయ‌ని , చూసే దృష్టిని బ‌ట్టి లైఫ్ వుంటుంద‌ని ఆమె న‌మ్ముతారు. ఆ దిశ‌గా ఆమె అడుగులు వేస్తున్నారు. క‌విత్వం రాయ‌డంతో పాటు వివిధ అంశాల‌పై ర‌చ‌న‌లు కూడా చేస్తున్నారు. పోలీసు శాఖ అంటేనే చాలా మంది ఇబ్బందిక‌రంగా భావిస్తారు. ప్ర‌స్తుతం చంద‌నా దీప్తి ఎస్పీగా మెద‌క్ జిల్లా బాధ్య‌త‌లు చూస్తున్నారు. జిల్లా వాసులకు బాస‌ట‌గా నిలుస్తున్నారు. ప్ర‌జా స‌మ‌స్య‌ల ప‌రిష్కారం కోసం స్ఫూర్తి దాయ‌కంగా ఉండేలా ర‌చ‌న‌లు చేస్తూ చైత‌న్య‌వంతం చేస్తున్నారు.  చంద‌నా దీప్తి ముందు నుంచి మెరిట్ స్టూడెంట్. ఇండియ‌న్ ఇనిస్టిట్యూట్ ఆఫ్ టెక్నాల‌జీ ఢిల్లీలో సిఎస్ఇ కోర్సు చేశారు. 2012 ఐపీఎస్ బ్యాచ్ ఆఫీస‌ర్‌గా ఎంపిక‌య్యారు. దీప్తి స్వంత ఊరు తెలంగాణ‌లోని వ‌రంగ‌ల్ జిల్లాకు చెందిన వ్య‌క్తి. హైద‌రాబాద్‌లో ఉంటూ క‌ష్ట‌ప‌డి చ‌దివారు. బెస్ట్ స్టూడెంట్‌గా పేరు తెచ్చుకున్నారు. వివిధ సామాజ...

 ప్ర‌తి నెల నెలా వ‌చ్చే నెల‌స‌రి గురించి మాట్లాడాలంటే ఒక‌ప్పుడు జంకేవారు. ఊర్ల‌ల్లో పెద్ద‌వారి ఇండ్ల‌ల్లో యువ‌తుల‌ను, మ‌హిళ‌ల‌ను ఇళ్ల‌ల్లోకి రానిచ్చే వారు కాదు. ఆ నాలుగు రోజులు బ‌య‌టే ఉండాల్సిందే. క‌ఠిన‌త‌ర‌మైన నిబంధ‌న‌లు. కాలం మారడం, ప్ర‌పంచం కొత్త దారుల‌ను వెతుక్కోవ‌డంతో మ‌హిళ‌ల‌కు స్వేచ్ఛ ల‌భించింది. ఎక్కువ‌గా యుక్త వ‌య‌సులోకి వ‌చ్చే బాలిక‌ల ప‌రిస్థితి ద‌య‌నీయంగా ఉంటోంది. ముఖ్యంగా పేద దేశాల్లో. స‌రైన స‌మ‌యంలో ఆహారం అంద‌క పోవ‌డం కూడా ప్ర‌ధాన కార‌ణం కూడా. ఎవ‌రైనా ఎప్పుడైనా అనారోగ్యంతో చికిత్స కోసం వెళితే..మొద‌ట‌గా అడిగేది మీకు మెన్సెస్ స‌రిగా వ‌స్తున్నాయా లేదా అని వాక‌బు చేస్తారు.  ఈ మొత్తం ప్ర‌క్రియ‌లో, జీవ‌న విధానంలో పున‌రుత్ప‌త్తికి ప్ర‌ధాన కేంద్రం ఇదే. బాలిక‌లు, యువ‌తులు, మ‌హిళ‌లు యుక్త వ‌య‌సు వ‌చ్చిన‌ప్ప‌టి నుంచి నెల‌స‌రి ఆగి పోయే దాకా నానా ర‌కాలుగా ఇబ్బందులు ఎదుర్కొంటూనే ఉంటారు. ఇండ్ల‌ల్లో ప‌నులు, వంట చేయ‌డం ద‌గ్గ‌రి నుంచి ..ఉద‌యం నుంచి రాత్రి ప‌డుకునేంత దాకా నానా ర‌కాలుగా గొడ్డు చాకిరి చేస్తూనే ఉంటారు. మ‌ళ్లీ ఉద్యోగాల‌కు వెళ్ల‌డం కూడా. దీంతో వారు శారీర‌కంగా , మాన‌సికంగ...

  నిర్మ‌ల‌మైన ప్ర‌శాంతత కావాలంటే. అల్ల‌క‌ల్లోల‌మైన మ‌న‌సు సేద దీరాలంటే. దుఖఃం నుంచి విముక్తి పొందాలంటే. గుండెల్లో ప్రేమ మొలకెత్తాలంటే..స‌మ‌స్త శ‌రీరం ఆధ్యాత్మిక లోగిలిలో సేద దీరాలంటే..హృద‌యం పునీతం కావాలంటే ఏం చేయాలి. జేబుల నిండా క‌రెన్సీ వుండాల్సిన ప‌నిలేదు. ఆస్తులు, అంత‌స్తులు, హోదాలు, వాహ‌నాల‌తో ప‌ని లేదు. ఎలాంటి ఖ‌ర్చు అక్క‌ర్లేదు. కావాల్సింద‌ల్లా భ‌క్తిని క‌లిగి వుండ‌ట‌మే. ఎదుటి వారి ప‌ట్ల మ‌మ‌కారం వుండ‌ట‌మే. స‌మ‌స్త ప్ర‌పంచంతో మీకు ప‌ని లేదు. ప‌రిచ‌యం అంత‌క‌న్నా అక్క‌ర్లేదు. విజ్ఞానం కావాలంటే..జ్ఞానం పొందాలంటే..చెమ‌ట చుక్క‌లు చిందించాల్సిన అవ‌స‌రం అంత‌క‌న్నా లేదు. జ‌స్ట్..మిమ్మ‌ల్ని మీరు ప్రేమించు కోవ‌డం. మీ ప‌రిమితులు ఏమిటో మీరు తెలుసు కోవ‌డం. దీనికి ప్ర‌త్యేక‌మైన సాధ‌న , కఠోర దీక్ష కూడా అక్క‌ర్లేదు. జ‌స్ట్..సంక‌ల్ప బ‌లం క‌లిగి వుంటే చాలు. మీలో మీరు ఊహించ‌ని శ‌క్తి మిమ్మ‌ల్ని ఆవ‌హిస్తుంది. ఎక్క‌డా దొర‌క‌ని అనుభూతికి మీరు లోన‌వుతారు. ఇదంతా శ్రీ‌శ్రీ‌శ్రీ త్రిదండి చిన్న‌జీయ‌ర్ రామానుజ స్వామీజీని ద‌ర్శించుకుంటే ..స్వామి వా రు స్వ‌హ‌స్తాల‌తో అందించే తీర్థం తీసుకుంటే క‌లుగుతుంది....

  క్రికెట్ ఆట‌కు కొత్త క‌ళ‌ను జోడించి..వెస్టిండీస్ జ‌ట్టుకు కీల‌క ఆట‌గాడుగా వుంటూ..ఎన‌లేని విజ‌యాల‌లో ప్ర‌ధాన పాత్ర పోషించి..రిటైర్ అయిన క్రికెట్ లెజండ్ ..దిగ్గ‌జ ఆట‌గాడు బ్రియ‌న్ లారా అస్వ‌స్థ‌త‌కు గుర‌య్యాడ‌న్న వార్త‌ను అభిమానులు జీర్ణించు కోలేక పోతున్నారు. ముఖ్యంగా ఆ దేశానికి చెందిన ఫ్యాన్స్ ..ప్ర‌పంచంలోని ఇత‌ర ప్రాంతాల‌కు చెందిన వారంతా దేవుడిని కోరుకుంటున్నారు..త‌మ దేవుడిని క‌రుణించ‌మ‌ని. ఏ ఫార్మాట్‌లోనైనా ఆడ‌గ‌లిగే స‌త్తా క‌లిగిన ఆట‌గాళ్ల‌లో లారా ఒక‌డు. కూర్చుని అల‌వోక‌గా బౌండ‌రీలు, సిక్స‌ర్ల‌ను కొట్ట‌గ‌లిగే క్రికెట‌ర్ల‌లో బ్రియ‌న్ నెంబ‌ర్ వ‌న్‌గా నిలుస్తాడు. క‌ళాత్మ‌కంగా, అద్భుతంగా, మెస్మ‌రైజ్ చేసేలా ..చూసే లోపే బంతి క‌నిపించ‌కుండా స్టాండ్స్ లో ప‌డేలా కొట్ట‌గ‌లిగే అరుదైన లెజెండ్స్ ల‌లో మ‌హ్మ‌ద్ అజారుద్దీన్ త‌ర్వాత ..ఎవ‌రి పేరునైనా సూచించాల్సి వస్తే..మొద‌ట‌గా లారాకే ప్ర‌యారిటీ ఇస్తామ‌ని క్రికెట్ పండితులు ఇటీవ‌లే వెల్ల‌డించారు. క‌రేబియ‌న్ ఆట‌గాళ్లు డిఫ‌రెంట్‌గా ఉంటారు. యుద్ధం ఎప్పుడు వ‌చ్చినా సరే ..ఏ జ‌ట్టుతోనైనా ఎక్క‌డైనా ఢీకొనేందుకు రెడీగా వుంటారు. ఒకప్పుడు మార్ష‌ల్, రిచ‌ర్డ...

  పుస్త‌కాలు జీవితాన్ని ప్ర‌భావితం చేస్తాయి. జీవితం ప‌ట్ల‌, స‌మ‌స్త ప్ర‌పంచం ప‌ట్ల‌, స‌మాజం ప‌ట్ల ఎరుక క‌లిగి వుండేలా ..మ‌నుషులు చెడిపోకుండా ఉండేలా చేస్తాయి. భోజ‌నం చేయ‌కుండా , దుస్తులు లేకుండా ఉండ‌గ‌ల‌ను కానీ పుస్త‌కాలు చ‌ద‌వ‌కుండా నేనుండ‌లేనంటాడు ఓ సంద‌ర్భంలో ర‌ష్య‌న్ మ‌హా ర‌చ‌యిత మాగ్జిం గోర్కీ. తాజాగా బుక్ వ‌ర‌ల్డ్ కు సంపాద‌కుడిగా వ్య‌వ‌హ‌రిస్తున్న స్టెఫ‌నీ మెర్రీ వ‌య‌స్సుల వారీగా అత్యుత్త‌మ‌మైన ప్ర‌పంచాన్ని ప్ర‌భావితం చేసిన గొప్ప‌నైన పుస్త‌కాల జాబితాను ప్ర‌క‌టించారు. పుస్త‌క ప్రియుల కోసం , చ‌దువ‌రుల కోసం ఆ పుస్త‌కాలేమిటో తెలుసుకుందాం. మొద‌టి ఏడాదిలో ఎరిక్ కార్లే రాసిన ద వెరీ హంగ్రీ క్యాట‌ర్ పిల్ల‌ర్ పుస్త‌కం మొద‌టి స్థానాన్ని ఆక్ర‌మించింది. రెండు నుంచి 100 దాకా చూస్తే , అన్నా డేవ్డిన్నీ రాసిన లామా లామా రెడ్ ప‌జామా రెండో స్థానాన్ని చేజిక్కించుకుంది. మౌరైజ్ సెండాక్ రాసిన వేర్ ద వైల్డ్ థింగ్స్ ఆర్ పుస్త‌కం మూడో స్థానం పొందింది. ఇక నాల్గో స్థానంలో క్రిష్ ర‌చ్‌కా రాసిన చార్లీ పార్క‌ర్ ప్లేయ్డ్ బి బాప్ పుస్త‌కం, ఐదో స్థానంలో షెల్ సిల్వ‌ర్‌స్టెన్ రాసిన ద గివింగ్ ట్రీ, ఆరో స్థానంలో బె...

ఎన్ని సార్లు విన్నా గుండెల్లో ఏదో వెలితి..ఒక‌టా ..రెండా..వంద‌లా ..కాదు..వేల‌సార్ల‌కు చేరుకుంది ..ఈ పాట విన్న‌ప్పుడ‌ల్లా..శ్రీ‌లంక రేడియో స్టేష‌న్ లో క‌భీ క‌భీ మేరే దిల్ మే ..ఖ‌యాల్ ఆథా హై..అంటూ మంద్ర స్వ‌రంలో వినిపించేది. అలా ఇంటి ముందు..నేల‌పై ఎన్నిసార్లు ప‌డుకుని నిద్ర పోయానో..లెక్క‌లేదు. పైన చంద్రుడు..మ‌ధ్య‌లో వెన్నెల..నిర్మ‌ల‌మైన ఆకాశం..ముఖేష్ గొంతులోంచి జాలు వారుతుంటే ..గుండె ఆగిపోతుందేమోన‌న్న ఆందోళ‌న‌..అయినా ఏమిటీ ఇంత‌టి మ‌హ‌త్తు ఉంటుందా ..ఏమో తెలియ‌దు..ఊహ తెలిసిన‌ప్ప‌టి నుంచి పాట‌లన్నా..కన్నీళ్లు నిండిన క‌విత్వ‌మంటే చ‌చ్చేంత ఇష్టం..వాటిపై అమ‌లిన ప్రేమ‌..ఎడ‌తెగ‌ని ఇష్టం కూడా. జీవిత‌మంటే ఆస్తులు..అంత‌స్తులు..నోట్ల క‌ట్ట‌లు..హోదాలు..ప‌ద‌వులు కాదు..గుప్పెడంత ప్రేమ కావాలి. హృద‌యానికి తోడు లేక పోతే..మ‌న‌సును వెలిగించే ధూపం లేక‌పోతే ఎట్లా..తుజే జ‌మీపే అంటూ ల‌త మార్ద‌వ‌మైన గొంతుతో ఆలాపిస్తుంటే..ఆక‌లి ఎట్లా అవుతుంది..ఏముందు ఆ స్వ‌రంలో ..దేవుడు ముందే అమ‌ర్చి పంపించాడా అనిపించింది. అప్ప‌ట్లో రాజేష్ ఖ‌న్నా పిచ్చి..ఎంతంటే..గుండెలో ప‌ట్ట‌లేనంత అభిమానం. వ్యామోహం కూడా. హ‌మ్ దోనో..దో ప్రేమీ అంటూ...

 1) భ‌క్త బాంధవులారా మీకు మంగ‌ళాశాస‌నాలు ..ప్ర‌తి హృద‌యం ప్రేమ పూరిత‌మైన‌దే అయి వుంటుంది. కావాల్సింద‌ల్లా సంక‌ల్ప బ‌లం. అది కావాలంటే మిమ్మ‌ల్ని మీరు సంస్కరించు కోవాలి. అప్పుడే జ‌న్మ ధ‌న్య‌మ‌వుతుంది.  2) దుస్తులు శ‌రీరానికి క‌ప్పుకోవ‌డానికో లేదా ధ‌రించ డానికో ప‌నికి వ‌స్తాయి. అదే మ‌న‌సును క‌మ్ముకున్న చీక‌టి తెర‌ల‌ను తొల‌గించాలంటే..భ‌క్తి అనే దుప్ప‌టితో శుభ్రం చేస్తే ..హృద‌యం తేలిక‌వుతుంది. ఆ స‌మ‌యంలో ఏ ప‌ని అయినా సుల‌భం అవుతుంద‌న్న న‌మ్మ‌కం ఏర్ప‌డుతుంది.  3) ఎన్ని ఆస్తులు సంపాదించినా..ఎన్ని నోట్ల క‌ట్ట‌లు పోగేసుకున్నా ఏం లాభం . గుండెల్లో ప్రేమ‌త‌నం..మాన‌వ‌త్వం లేక‌పోతే..భ‌క్తిత‌త్వం అల‌వ‌ర్చుకోక పోతే ఉండీ ఏం లాభం. రోజూ కొత్త‌ద‌నాన్ని ఆస్వాదించండి. ప్ర‌కృతిని ప్రేమించండి. దానితో మ‌మేకం అయ్యేందుకు మిమ్మ‌ల్ని మీరు స‌న్న‌ద్ధం చేసుకోండి . 4) ప్ర‌తి ఒక్క‌రు జీవించి ఉన్నారు అంటే అర్థం మ‌నం చేయాల్సిన మంచి ప‌నులు ఇంకా మిగిలి ఉన్నాయ‌న్న మాట‌. అందుకే దేవుడు మీ వైపు చూస్తూనే ఉన్నాడు. అంత‌రాత్మ‌ను మించిన దైవం లేదు. అదెప్పుడూ మ‌న‌ల్ని ఎరుక ప‌రుస్తూనే ఉంటుంది.  5) క‌రుణ , ద‌య‌, జాలి...

 ఎన్ని కోట్లుంటే ఏం లాభం..ఎన్ని ఆస్తులంటే ఏం చేసుకోవాలి. పుట్టిన‌ప్పుడు ఏమీ తీసుకు రాలేక పోయాం..పోతున్న‌ప్పుడు ఏమీ తీసుకెళ్ల‌లేం..ఉన్న‌దంతా ఇక్క‌డే ..జ‌గ‌మంతా మ‌న‌ది అనుకున్నా..ఏదీ మ‌న ద‌రికి చేర‌దు..ఆస్తులు, అంత‌స్తులు..బంధువులు..నా అనుకున్న వారెవ్వ‌రు తోడుండ‌రు..మిగిలేది..వెంట వ‌చ్చేది మాత్రం మ‌నం చేసిన ప‌నులు..ఆదుకున్న వైన‌మే గుర్తుండి పోతుంది. అంద‌రూ మ‌నుషులుగా పుడుతూనే ..చ‌నిపోయారు. కొంద‌రు మాత్రం ..అంద‌రిలాగా ఈ భూమి మీద‌కు వ‌చ్చారు. కానీ మ‌హానుభావులుగా మిగిలి పోయారు. అందుకే వారు చ‌రిత్ర‌లో లిఖించ బ‌డ్డారు. కొంద‌రు కొంత కాలం వ‌ర‌కే ఉండిపోతే..మ‌రికొంద‌రు ప్ర‌పంచాన్ని ఇంకా త‌మ చేత‌ల‌తో..త‌మ వ్య‌క్తిత్వంతో ప్ర‌భావితం చేస్తూనే వున్నారు. వారిలో చేగువేరా..కార్ల్ మార్క్స్..లాంటి వారు ఎంద‌రో. కోట్లాది రూపాయ‌ల ఆస్తులు సంపాదించినా చివ‌ర‌కు ఒక్క పైసా కూడా త‌మ వ‌ద్ద ఉంచుకోకుండా స‌మాజం కోసం దానం చేసిన వారెంద‌రో ఈ ప్ర‌పంచంలో వేల‌ల్లో ఉన్నారు. సాయం చేయాల‌న్న త‌ప‌న‌, ఆదుకోవాల‌న్న కోరిక ఒక‌రు చెబితేనో..లేక బోధిస్తేనో రాదు. వారిలో ఆ భావ‌న క‌ల‌గాలి అంతే. ప్ర‌పంచంలోనే ఇండియ‌న్ ఇనిస్టిట్యూట్ ఆఫ్ ట...

 యూత్ అంతా ఇపుడు స్మార్ట్ ఫోన్ల‌లో టైంపాస్ చేస్తుంటే హైద‌రాబాద్‌లోని ఆక్రిడ్జ్ స్కూల్‌లో చ‌దువు అభ్య‌సిస్తున్న 14 ఏళ్ల త‌మ‌న్నా అగ‌ర్వాల్ పెయింటింగ్స్ తో ఆక‌ట్టుకుంటోంది. చ‌దువుతో పాటు క్రియేటివిటి క‌లిగిన ఈ అమ్మాయి చిత్రాల ద్వారా అద్భుతాలు సృష్టిస్తున్నారు. కొంద‌రు స్టూడెంట్స్ సినిమాలు, క్రికెట్ , గేమ్స్, వీడియోస్‌ల‌లో మునిగి పోతుంటే ఈ అమ్మాయి మాత్రం త‌న లోకమే వేరంటూ ముందుకెళుతోంది. ఆర్ట్ ఈజ్ ది ఫామ్ ఆఫ్ డిఫ‌రెంట్ వే. క‌ళ జీవితాన్ని ప్ర‌తిఫ‌లించే సాధనాల‌లో అత్యుత్త‌మ‌మైన‌ది. సాహిత్య రంగంలో క‌ళ‌కు అజ‌రామ‌మైన చోటు ద‌క్కింది. క‌విత్వం లైఫ్‌ను ఆవిష్క‌రించేందుకు ప్ర‌య‌త్నం చేస్తే..క‌ళ ..పెయింటింగ్స్ దానిని ప్ర‌తిఫ‌లించేలా చేస్తాయి. క‌ళాత్మ‌క‌త అనేది కొంద‌రికి పుట్టుక‌తో వ‌స్తే మ‌రికొంద‌రికి క‌ష్ట‌ప‌డితే ద‌క్కుతుంది.  అమేజింగ్ క‌ల‌ర్స్‌ను ఉప‌యోగిస్తూ చిత్రాల‌కు ప్రాణం పోసింది త‌మ‌న్నా అగ‌ర్వాల్. పిల్ల‌ల్లో సృజ‌నాత్మ‌క‌త పెంపొందించేందుకు ఆక్రిడ్జ్ స్కూల్ యాజ‌మాన్యం ప్ర‌య‌త్నం చేస్తోంది. ఈ యంగ్ ఆర్టిస్ట్ ఇదే స్కూల్‌లో 10వ త‌ర‌గ‌తి చ‌దువుకుంటోంది. హైద‌రాబాద్ న‌గ‌రంలో టాప్ స్కూళ్ల‌లో ఆ...

 ఈ దేశం నిన్ను ఎప్ప‌టికీ మ‌రిచి పోదు..త‌ల్లీ హిమ‌వ‌ర్షిణి..నీ ప్ర‌య‌త్నం గొప్ప‌ది. నీ త్యాగం నిరుప‌మానం. నీ ప‌ట్టుద‌ల ముందు ఆట ఓడిపోయింది. క‌ష్టాలు వ‌చ్చినా..క‌న్నీళ్లు దిగ‌మింగుకుని బంగారు ప‌తాకాన్ని ముద్దాడ‌డం నీకు మాత్ర‌మే చేత‌న‌వును..హిమ‌దాస్. నిన్ను చూసిన‌ప్పుడ‌ల్లా అభివృద్ధికి దూరంగా ఉన్న ప‌ల్లెలు గుర్తుకు వ‌స్తున్నాయి. చిరుత పులుల గురించి సినిమాల్లో, డిస్క‌వ‌రీ ఛాన‌ల్స్‌లో చూడ‌ట‌మే త‌ప్పా..నిజ జీవితంలో నువ్వు నిజ‌మైన చిరుతవి హిమ‌. వ‌య‌సు రీత్యా 19 ఏళ్ల‌యినా ఇంకా ఎంతో భ‌విష్య‌త్ ఉన్న‌ప్ప‌టికీ ..నీ అడుగులు త‌ప్ప‌లేదు. నీ ల‌క్ష్యం గురి ప‌క్క‌కు వెళ్ల‌లేదు. నీ చూపు..నీ ధ్యాసంతా ఆట మీద‌నే. క‌ష్టాన్ని న‌మ్ముకుంటే..ప‌ట్టుద‌ల‌తో ఉంటే దేనినైనా సాధించ‌వ‌చ్చ‌ని నిరూపించిన నీకు వేలాది వంద‌నాలు త‌ల్లీ. నువ్వు ఇలాగే ఆడాల‌.  ఇదే క‌సితో నువ్వు మైదానంలోకి అడుగు పెట్టాల. ఒక‌టా రెండా ఎంతో పోటీని త‌ట్టుకుని అయిదు బంగారు ప‌త‌కాలు తీసుకున్న నీకు అభినంద‌న‌లు. నీవు సాధించిన ఈ విజ‌యాలు..ఈ ప‌త‌కాలు ..నీకు మాత్ర‌మే కాదు..నిన్ను క‌న్న‌వారికి..నిన్ను పంపించిన ఊరికి..వంద కోట్ల‌కు పైగా ఉన్న జ‌నానికి ...

 కండ్ల‌కుంట్ల శ్రీ‌నివాసాచార్యులు అంటే ఎవ‌రికీ తెలియ‌క పోవ‌చ్చు. కానీ కె.శ్రీ‌నివాస్ అంటే తెలంగాణ‌లో ఎవ‌రైనా ఇట్టే గుర్తు ప‌డ‌తారు. అపార‌మైన విజ్ఞానం, అంతులేని మేధోత‌నం, అద్భుత‌మైన ర‌చ‌నా విన్యాసం, వ్య‌క్తిత్వంలోను ..ఉప‌న్యాసం ఇవ్వ‌డంలోను…ఏ విష‌యంపైన నైనా సులువుగా అర్థ‌మ‌య్యేలా చెప్ప‌డంలో ఆయ‌న‌కు ఆయ‌నే సాటి. సాహితీ పిపాస‌కుడిగా, పాఠ‌కుడిగా, అధ్య‌య‌న‌శీలిగా, సంపాద‌కుడిగా, విశ్లేష‌కుడిగా, విమ‌ర్శ‌కుడిగా, ఇలా ప్ర‌తి ఫార్మాట్‌లో కుండ బ‌ద్ద‌లుకొట్టిన‌ట్టు మాట్లాడ‌ట‌మే కాక‌..సూటిగా ..తూటాలు గుండెల్ని చీల్చిన‌ట్లు ఆయ‌న అక్ష‌రాలు మ‌న‌ల్ని క‌దిలింప చేస్తాయి. మ‌ళ్లీ మ‌ళ్లీ ఆలోచించేలా చేస్తాయి. అంతేనా ప‌డుకున్నా స‌రే వెంటాడుతాయి. మ‌నం ఎక్క‌డున్నామో..గుర్తు చేస్తాయి. మ‌నుషుల ప‌ట్ల‌..స‌మ‌స్త ప్ర‌పంచం ప‌ట్ల‌..స‌మాజం పోక‌డ‌, జీవిత ప్ర‌యాణం, కాల‌పు ప్ర‌వాహ‌న్ని ఎలా ఒడిసి ప‌ట్టుకోవాలో అల‌వోక‌గా ..అంటుక‌ట్టిన‌ట్టు మ‌న‌కందిస్తారు ఆయ‌న‌. స‌రిగ్గా గురువు గారితో అనుబంధం ఆబిడ్స్ లో మొద‌లైంది. ఇపుడున్నంత అవ‌కాశాలు, చ‌దువుకునే వీలు, ప‌నిచేసే మార్గాలు లేవు. బిక్కుబిక్కుమంటూ వార్త దిన‌ప‌త్రిక‌లో చేరాక తెలిసి...

  ఆకాశంలో స‌గమే కాదు అభివృద్ధిలో ..అన్ని రంగాల్లో మ‌హిళ‌లు లేకుండా విజ‌యాలు సాధించ‌డం క‌ష్టం. ఇటీవ‌ల మ‌హిళ‌లు రాజ‌కీయ‌, క్రీడా, ఆర్థిక‌, వ్యాపార‌, శాస్త్ర‌, సాంకేతిక రంగాల‌లో పాలుపంచుకంటూ త‌మ‌దైన ముద్ర క‌న‌బ‌రుస్తున్నారు. శారీర‌కంగా, మాన‌సికంగా తీవ్ర వివ‌క్ష‌కు లోనైన మ‌హిళలు ఇపుడు మారుతున్న ప్ర‌పంచంలో త‌మ వాయిస్ ను బ‌లంగా వినిపిస్తున్నారు. తాజాగా 19 ఏళ్ల వ‌య‌సు క‌లిగిన హిమ‌దాస్ అద్భుత‌మైన గెలుపును సాధించింది. అసాధార‌ణ‌మైన విజ‌యాల‌ను న‌మోదు చేసింది. రాష్ట్ర‌ప‌తి రామ్‌నాథ్ కోవింద్ ట్వీట్ చేసే దాకా ఆమె సాధించిన స‌క్సెస్ గురించి ఈ దేశ వాసులకు తెలియ‌లేదు. అయిన దానికి కాని దానికి చిన్న విష‌యాన్ని పెద్ద‌దిగా చేసి 24 గంట‌లు ప్ర‌సారం చేసే జాతీయ మీడియా హిమ‌దాస్ గురించి అస్స‌లు ప‌ట్టించు కోలేదు.  ఇక నేష‌న‌ల్, స్టేట్ ప్రింట్ మీడియా కూడా కావాల్సినంత స్పేస్ ఇవ్వ‌లేదు. కానీ సోష‌ల్ మీడియాలో మాత్రం హిమ‌దాస్ గురించి భారీ ఎత్తున నెటిజ‌న్లు మ‌ద్ధ‌తు ప‌లికారు. ఆమె సాధించిన విజ‌యానికి జేజేలు ప‌లికారు. త‌ర్వాత ప్రింట్, మీడియాలు ఆమె గురించి రాశాయి. గోల్డెన్ గ‌ర్ల్‌గా ఇపుడు కీర్తిస్తున్నారు. మేరీ కోమ్...

  తెలుగు వాకిట మూడక్షరాలు ..తలచుకుంటేనే మనసు జలదరిస్తుంది . గుండె మండుతుంది . హృదయం సముద్రమవుతుంది ..ఆయన పేరుకు యెనలేని చరిత్ర ఉన్నది . ఆయన నీడలో వుంటే చాలు అనుకునే వాళ్ళు ఎందరో. తెలుగు పత్రికా రంగంలో ఎబికె అన్న పదం విస్మరించలేని ప్రపంచం . ఆయన ఏది రాసినా అదో ప్రవాహమై  మనల్ని చుట్టేస్తోంది . వెల్లువలా అల్లుకుపోతుంది . అంతలా తనను తాను అందనంత ఎత్తుకు ఎదిగారు. ప్రపంచం ఎలా ఉంటుందో ఇంకెక్కడో వెతకాల్సిన పనిలేదు . గూగుల్ కు ఉన్నంత సామర్త్యం ఆయనకు ఉంది . అందుకే ఎబికె అంటేనే ఉద్వేగం ..ఉత్సాహం ..పోరాటం ..అద్భుతం కలిస్తే గురువు గారు అవుతారు. ఈ పత్రిక అయినా ఆయన పేరు పెట్టాల్సిందే .ఆర్థికం ..సామాజికం ..సాహిత్యం ..ప్రపంచం ..జీవితం ..ఉద్విగ్నత ..అన్నీ కలగలిస్తే ఆయనే. ఎంతలా అంటే ..గురువు గారు పేరు చెబితే చాలు వాళ్లకు కొన్ని ప్రత్యేకతలు ఉంటాయి . వాళ్ళు ముందు మనుషులు ..సభ్య సమాజం పట్ల ప్రత్యేక భాద్యత కలిగిన వారుగా ఉంటారు . ఆయన సారధ్యంలో పని చేయడం అంటే కొత్త జన్మ ఎత్తినట్లు అన్నమాట. ఎబికె ఎలా ఉంటారు . ఒక్కసారి కలిసే అవకాశం వస్తే చాలు అనుకునే వేలాది జర్నలిస్టులలో నేనూ ఒకడిని . అందరితో నేనూ ఆయనను స...

  మెరుగైన సౌకర్యాలు ..అద్భుతమైన అవకాశాలు ఉండడంతో భాగ్యనగరం వెలిగి పోతోంది . ఏ ముహూర్తాన కులీకుతుబ్ షా ఈ సుందర నగరాన్ని నిర్మించాడో ఇక అప్పటి నుంచి హైదరాబాద్ ప్రపంచాన్ని ఆకట్టుకుంటోంది. పర్యాటకులను ఆకర్షిస్తోంది. ఐటీ , ఫార్మా , ఆటోమొబైల్ , లాజిస్టిక్ , తదితర రంగాలకు ఈ సిటీ కేరాఫ్ గా మారింది . ఎక్కడ చూసినా మాల్స్ , నగల దుకాణాలు దర్శనమిస్తున్నాయి. ఓ వైపు ఇండియా ఆర్ధిక మంద గమనంతో కొట్టుమిట్టాడుతుంటే మరో వైపు తెలంగాణ అన్ని రంగాలలో దూసుకు వెళుతోంది . ఇది మార్కెట్ వర్గాలను విస్తు పోయేలా చేస్తోంది. ఇది మంచి పరిణామం. ఇప్పటికే ఐటి పరంగా బెంగళూర్ టాప్ రేంజ్ లో వుంటే, ఇప్పుడు హైదరాబాద్ దాని సరసన వచ్చి చేరింది. వివిధ దేశాలకు చెందిన ప్రధాన కంపెనీలన్నీ ఈ నగరానికి క్యూ కడుతున్నాయి. ఇక మెజారిటీ కంపెనీలు మొదటి ప్రయారిటీ దీనికే టిక్ పెడుతున్నాయి  .తెలంగాణ సర్కార్ నూతన పారిశ్రామిక పాలసీని తీసుకు వచ్చింది . వ్యాపారులకు , పారిశ్రామికవేత్తలకు దరఖాస్తు చేసుకున్న వెంటనే అంటే ఏడు రోజుల్లో అనుమతి ఇస్తోంది. దీంతో దేశంలో ఎక్కడా లేని విధంగా ఈ పాలసీ ఉండడంతో అంతా ఇటు వైపు మొగ్గుచూపుతున్నారు . మిగతా నగరాలకంటే...

  ఎన్ని సార్లు విన్నా అదే గొంతు మళ్ళీ మళ్ళీ వెంటాడుతూ …మనసును తరుముతోంది. మల్లెలా ..గులాబీలా..గూడు కట్టుకున్న గుండెలోకి కిషోర్ గాత్రం చేరుతోంది ..మెల్లగా తాకుతోంది. ఊహ తెలిసినప్పటి నుంచి అతడి పాటలు వింటూ సాగింది జీవితం. లైఫ్ బోర్ గా మారినప్పుడు..జేబు ఖాళీగా ఉన్నప్పుడు . రోడ్డు వెంట ఒక్కడినే నడుచుకుంటూ వెళుతున్నప్పుడు ఆ మహోన్నత గాయకుడి మాధుర్యాన్ని తలుచుకుంటూ ..కిషోర్ దా పాటలు వింటూ గడిపా. ఖాదర్ మొహియుద్దీన్ రాసిన ప్రత్యేక స్టోరీ చూసాక అతడిపై అభిమానం మరింత పెరిగింది . 1929 ఆగస్టు 4 న జన్మించిన కిషోర్ అసలు పేరు ..అభాస్ కుమార్ గంగూలీ. ఆయన గాయకుడే కాదు సంగీత దర్శకుడు.రచయిత . నటుడు . నిర్మాత . డైరెక్టర్ కూడా. ఏది పాడినా అది ఆకట్టుకునేలా .. వెంటాడేలా ..మనసుకు  జోల పాడేలా చేస్తుంది. పాటల రచయితగా కిషోర్ పేరు పొందారు. కిషోర్ కుమార్ లో లెక్కలేనన్ని కళలు ఉన్నాయి. నవ్వించడం ..నటించడం ఆయనకు మాత్రమే చెల్లింది. వందలాది పాటలు పాడారు.మన హృదయాల్లో శాశ్వతంగా నిలిచి  పోయేలా జ్ఞాపకానికి వస్తూనే ఉన్నాయి . హిందీ లో పేరున్న గాయకుల్లో ఒకరిగా గుర్తింపు పొందారు.  ‘ట్రాజెడీ కింగ్’ గా కిషోర్ పేర...

  భారత దేశ రాజకీయాలలో తెలుగు వారిలో పేరొందిన నాయకులలో మొదటగా గుర్తుకు వచ్చే పేరు ముప్పవరపు వెంకయ్య నాయుడు . సుదీర్ఘమైన రాజాకీయ అనుభవం కలిగిన గొప్ప నాయకుడు. ఎందరికో మార్గదర్శకుడు . విద్యార్ధి నాయకుడి నుంచి నేటి ఉప రాష్ట్రపతి దాకా ఆయన ఎన్నో పదవులు సమర్ధవంతంగా నిర్వహించారు . మొదటి నుంచి భారతీయ సంకృతి , నాగరికత , సాంప్రదాయాలు అంటే వెంకయ్య నాయుడుకు యెనలేని అభిమానం. సమయానికి విలువ ఇవ్వడమే కాదు సందోర్భోచితంగా మాట్లాడటం , ప్రసంగించడం ఆయనకు మాత్రమే చెల్లింది . వ్యంగ్యం ..హాస్యం ..వినోదం ..విజ్ఞానం కలిపితే ఆయనవుతారు . విధాన సభలో నైనా ..పార్లమెంట్ లోనైనా ఏ అంశంపైనా అనర్గళంగా ..పూర్తి వివరాలతో విపక్షాలు విస్తు పోయేలా చేయడంలో జైపాల్ రెడ్డి ఒకరైతే మరొకరు వెంకయ్య నాయిడు. ఆయన అభిప్రాయలు , సిద్ధాంతాలతో ఏకీభవించక పోయినా సాహిత్యం పట్ల అభిమానం కలిగిన వ్యక్తిగా వెంకయ్యను గౌరవించకుండా ఉండలేం. ఎందుకంటే వృత్తి పరంగా ఎన్నో వత్తిళ్లు ఉన్నప్పటికీ ఆయన నిత్యం చదవడం మాత్రం మానలేదు. ఎంతటి స్థాయికి చేరుకున్నా తన మూలాలు మరిచి పోలేదు . ఇది ఆయనకున్న వ్యక్తిత్వాన్ని సూచిస్తుంది. వెంకయ్య చేసిన ప్రసంగాలతో పుస్తకం రాశార...

  ప్రపంచంలో మనదైన ముద్ర అంటూ లేకపోతే ఎలా..? ఒకరితో పోటీ పడాలన్నా..అందరికంటే ముందు ఉండాలన్నా కావాల్సింది కష్టపడాలి. అన్నిటికంటే మనం మారాలి. మహిళలమన్న భావన నుండి బయట పడాలి. లేకపోతే మనం వున్నా చోటనే వుండి పోతాం అంటోంది సోయగాల నటీమణి ప్రియాంక చోప్రా. ప్రతి రంగంలో పోటీ అన్నది సర్వ సాధారణం. అలాగని భయపడుతూ కూర్చుంటే ఎలా అంటోంది ఈ అమ్మడు . ఉన్నది ఒక్కటే జిందగీ. పొద్దస్త మానం దీని గురించే ఆలోచిస్తూ కూర్చోవడం కంటే, టైం ను ఒడిసి పట్టుకునే ప్రయత్నం చేస్తే అద్భుతంగా రాణించవచ్చు. ఇక్కడ ఎవ్వరూ ఎక్కువ కాదు ..ఇంకొకరు తక్కువ కాదు. ప్రతి ఒక్కరికి సమాన అవకాశాలు ఉన్నాయి. సమాజంలో కొందరే గొప్ప వారనుకుని మీ సున్నితమైన మనసుల్ని ఎందుకు పాడు చేసుకుంటారని ప్రశ్నిస్తోంది చోప్రా. సమాజంలో మనకంటూ ఓ గుర్తింపు ఉంది . దానిని కాపాడు కోవడమే మనల్ని మనం మరింత బలోపేతం చేసు కోవడం . ప్రతి ఒక్కరం మగాళ్లు మారాలని కోరుకుంటారు. అసలు ముందు మహిళలమైన ..అమ్మాయిలమైన మనం ఎందుకు మారాలని అను కోవడం లేదు . సినిమా రంగంలో ప్రతిసారి నన్ను అడుగుతుంటారు..మీకు ఎవరితో పోటీ అని. నాకు నవ్వు వస్తూ ఉంటుంది. ఇది సిల్లీ క్వచ్చన్. మగాళ్లు, ఆడవాళ్లు వ...