జనమే జెండా ..సమస్యలే ఎజెండా

అనిల్ రావిపూడి ద‌ర్శ‌క‌త్వంలో రిలీజ్ అయిన ఫ‌న్ అండ్ ఫ్ర‌స్టేష‌న్ సినిమా అంచ‌నాలు దాటేసింది.. రికార్డుల‌ను తిర‌గ రాస్తోంది. కంటెంట్ ప‌రంగా ప‌వ‌ర్ ఫుల్ గా లేక పోయినా కామెడీ మాత్రం పంట పండ‌డంతో వ‌ద్దంటే డ‌బ్బులు వ‌చ్చి ప‌డుతున్నాయి. విడుద‌లైన రోజే పాజిటివ్ టాక్ తెచ్చుకుంది. విక్ట‌రీ వెంక‌టేశ్, నేచుర‌ల్ స్టార్ వ‌రుణ్ తేజ్ ల కాంబినేష‌న్లో వ‌చ్చిన ఈ మూవీ అన్ని వ‌ర్గాల ప్రేక్ష‌కుల‌కు వినోదం పంచుతోంది. దిల్ రాజు నిర్మించిన ఈ సినిమా ఇపుడు టాప్ వ‌న్ పొజిష‌న్‌లో ఉంది. హాస్యానికి ఎక్కువ ప్రాధాన్య‌త ఇవ్వ‌డంతో పిల్ల‌లు, పెద్ద‌లు, మ‌హిళ‌లు అంతా టాకీసుల‌కు క్యూ క‌డుతున్నారు. అత్త గారి పాత్ర‌లో ప్ర‌గ‌తి..అల్లుళ్లుగా వెంకీ, తేజ్ ల న‌ట‌నకు వంద మార్కులు ప‌డ్డాయి. త‌మ‌న్నా ప‌ర్వాలేద‌నిపించినా ..ప్ర‌కాశ్ రాజ్, పృథ్విల కామెడీ మ‌రింత ఆక‌ట్టుకునేలా చేసింది. ఫైట్లు, ద్వందార్థాలు ఏవీ లేక పోయినా..రొమాన్స్ కొంచెం శృతి మించినా కాసుల వ‌సూలుకు అడ్డు లేకుండా పోయింది. విడుద‌లైన అన్ని థియేట‌ర్ల‌లో ఎఫ్ 2 హౌస్ ఫుల్ క‌లెక్ష‌న్ల‌తో ప్ర‌ద‌ర్శింప ప‌డుతోంది. ఇప్ప‌టికే 100 కోట్ల రూపాయ‌లు దాటేసింద‌ని నిర్మాత దిల...

టెక్నాల‌జీ ప‌రంగా ఎంతో అభివృద్ధి సాధించినా మోసాలు మాత్రం రోజు రోజుకు పెరిగి పోతున్నాయి. కొలువుల ఆశ చూపి కోట్లు కొల్ల‌గొట్ట‌డం మామూలై పోయింది. ప్ర‌భుత్వాల ఉదాసీన వైఖ‌రి, చ‌ట్టాల‌లో నెల‌కొన్న లొసుగులు నేర‌గాళ్లు, మోస‌గాళ్ల‌కు మ‌రింత వెస‌లుబాటు క‌లుగుతోంది. త‌మ‌కు ఉద్యోగం వ‌స్తుంద‌నే ఆశ‌తో నిరుద్యోగులు లెక్క‌కు మించి డ‌బ్బులు క‌న్స‌ల్టెన్సీల‌కు క‌డుతున్నారు. చాలా మ‌టుకు ఐటీ దిగ్గ‌జ కంపెనీల‌న్నీ ముందే ఆయా కాలేజీలు, సంస్థ‌లు, యూనివ‌ర్శిటీల‌తో ఒప్పందం చేసుకుంటున్నాయి. త‌మ కంపెనీల అవ‌స‌రాల‌కు త‌గిన‌ట్టు శిక్ష‌ణ అంద‌జేస్తున్నాయి. కొన్ని సంస్థ‌లు ముందు జాగ్ర‌త్త చ‌ర్య‌గా డైరెక్టుగా అభ్య‌ర్థుల‌కు ప‌రీక్ష‌లు నిర్వ‌హించి అపాయింట్‌మెంట్ లెట‌ర్స్ ఇస్తున్నాయి. ఇంకొన్ని జాబ్ క‌న్స‌ల్టెన్సీలను సంప్ర‌దిస్తున్నాయి. దీనినే ఆస‌రాగా చేసుకున్న కొంద‌రు ఏకంగా కోట్ల‌కు ఎస‌రు పెట్టారు. వేలాది మంది ఉద్యోగార్థుల నుండి కోట్లు వ‌సూలు చేసి..భారీ మోసానికి పాల్ప‌డిన సంఘ‌ట‌న హైద‌రాబాద్ లో చోటు చేసుకుంది. ఎనీ టైం ఎంప్లాయిమెంట్ పేరుతో ..జాబులిస్తామంటూ జేబులు గుల్ల చేశారు. విదేశాల్లో, ఇండియాలో ఉన్న‌త‌మైన కంపెన...

గ్రామ పంచాయ‌తీ ఎన్నిక‌ల‌లో అధికార పార్టీకి చెందిన అభ్య‌ర్థులు త‌మ సత్తా చాటారు. అసెంబ్లీ ఎన్నిక‌ల్లో గులాబీ ద‌ళాలు దూసుకు వెళితే..ఈసారి ప‌ల్లెల్లో సైతం త‌మ‌కు అడ్డు లేదంటూ చెప్ప‌క‌నే చెప్పారు. పంచాయ‌తీల‌లో స్థానికుల‌కే అధిక ప్రాధాన్యం ఉన్న‌ప్ప‌టికీ ఎక్కువ శాతం ప్ర‌భుత్వం వైపే మొగ్గు చూపారు. ప‌నులు పొందాల‌న్నా ..నిధులు రాబ‌ట్టు కోవాల‌న్నా..నిధులు మంజూరు కావాల‌న్నా..లేదా ఏ ప‌నైనా చేసుకోవాలంటే ప‌వ‌ర్ లో ఉన్న వారికే మ‌ద్ధ‌తు తెల‌పాల్సి ఉంటుంది. దీనినే అభ్య‌ర్థులు ఫాలో అయ్యారు. కొన్ని చోట్ల ప్ర‌తిప‌క్షాలు త‌మ ఉనికిని కాపాడుకునేందుకు శ‌త‌విధాలుగా చేసిన ప్ర‌య‌త్నాలు బెడిసి కొట్టాయి. ఎన్నిక‌ల ప్ర‌క‌ట‌న‌కు ముందే ఆ పార్టీ కార్య‌నిర్వాహ‌క అధ్య‌క్షుడిగా ఉన్న కేటీఆర్ ..ఏక‌గ్రీవంగా ఎన్నుకుంటే 25 ల‌క్ష‌లు ఇస్తామ‌ని ప్ర‌క‌టించారు. దీని భారీ ఎత్తున స్పంద‌న ల‌భించింది. క్యాష్ కోసం ఏకంగా ఎమ్మెల్యేలు , ఎంపీలు రంగంలోకి దిగారు. త‌మ వారికి ప‌ద‌వులు ద‌క్కించుకునేలా పావులు క‌దిపారు. టీఆర్ఎస్‌తో ఢీకొనేందుకు టీడీపీ, కాంగ్రెస్, బీజేపీ, సీపీఐ, సీపీఎం , త‌దిత‌ర పార్టీల మ‌ద్ధ‌తుతో అభ్య‌ర్థులు పోటీ చేశార...

జీవితంలో అత్యున్న‌త‌మైన ప‌ద‌వుల‌ను అధిరోహించే క్ష‌ణాలు చాలా గొప్ప‌వి. భార‌త దేశ‌పు జెండాను త‌లుచుకున్న‌ప్పుడు..రాజ్యాంగాన్ని చ‌దువుతున్న‌ప్పుడు..ల‌క్ష‌లాది ప్ర‌జ‌ల సాక్షిగా జాతికి ప్ర‌తినిధిగా ఉన్న రాష్ట్ర‌ప‌తి చేతుల మీదుగా అందుకుంటున్న‌ప్పుడు క‌లిగే ఉద్వేగం అక్ష‌రాల‌కు అంద‌నిది. ఎప్పుడూ లేనివిధంగా ఈ సారి తెలుగు వారు మెరిసారు. త‌మ నైపుణ్యానికి న‌గిషీలు చెక్కి కాల‌గ‌మ‌నంలో ఎన్నో ఆటుపోట్ల‌ను ఎదుర్కొని విజేతులుగా నిల‌బ‌డ్డ వారున్నారు. అన్నీ కోల్పోయి అత్యున్న‌త‌మైన స్థానాన్ని అందిపుచ్చుకున్న అతిర‌థ మ‌హార‌థులు కొలువుతీరారు. జాతిని ప్ర‌భావితం చేసి..స్ఫూర్తి దాయ‌కంగా నిలిచే ఇలాంటి పుర‌స్కారాలు..గౌర‌వాలు మ‌రింత బాధ్య‌త‌ను పెంచుతాయి. గ‌తంలో గ‌డిచిన జీవితం వేరుగా ఉంటుంది. కానీ ఒక్క‌సారిగా జాతీయ స్థాయిలో అవార్డులకు ఎంపిక‌య్యాక ప‌రిస్థితిలో మార్పు వ‌స్తుంది. వ్య‌క్తిగ‌తంగా కొన్ని విలువ‌ల‌కు క‌ట్టుబ‌డి ఉంటూనే వృత్తిని..ప్ర‌వృత్తిని మ‌లుచు కోగ‌ల‌గాలి. ఇది మ‌రింత క‌ష్టంగా అనిపిస్తుంది. ప‌నిలో నైపుణ్యం..ప్ర‌వృత్తిలో విభిన్న‌త‌..సాధించిన గెలుపులు..మ‌లుపుల‌కు ద‌క్కిన గౌర‌వ‌మే ఇది. ఈ మ‌ట్టిల...

నీ ద‌గ్గ‌ర ఏమున్న‌ది. మందీ మార్బ‌లం..అంద‌లాలు ఎక్కంచే మ‌నుషులు. పొగిడే వాళ్లు..అధికార ద‌ర్పాన్ని ..రాజ‌సాన్ని ప్ర‌ద‌ర్శించే వాళ్లు ..లేక‌పోతేనేం..గుండె నిండా ధైర్య‌మున్న‌ది. అంత‌కంటే ప్ర‌పంచాన్ని శాసించే ప‌ట్టుద‌ల నీ స్వంతం అయ్యాక‌. ఇక నిన్ను ఆపే ద‌మ్ము ఎవ‌రికి ఉన్న‌ది క‌నుక‌. పేరులో హిమం ఉన్న‌దేమో కానీ క‌ష్టాలు దాటుకుని..క‌న్నీళ్ల‌ను దిగ‌మింగుకుని ..యుద్ధ క్షేత్రంలో ఒంట‌రి సైనుకురాలి పాత్ర‌ను పోషించిన నీ తెగువ కోట్లాది ప్ర‌జ‌ల‌కు అంతులేని బ‌ల ాన్ని క‌లుగ చేసింది. త‌ల్లీ నువ్వు సాగించిన ఈ పోరాట స్ఫూర్తి ఎంద‌రో త‌ల్లిదండ్రుల‌కు భ‌రోసా ఇచ్చింది. దేశం నిద్ర‌లో జారుకున్న వేళ‌..నువ్వొక్క దానివి చిరుత పులి కంటే వేగంగా..రాకెట్ కంటే ఎక్కువ‌గా మైదానాన్ని చుట్టుముట్టిన ఆ క్ష‌ణాలు ..కోట్లాది భార‌తీయుల గుండెల‌ను ఛిద్రం చేసిన‌వి. ఎంద‌రో నిన్ను చూసి కంట‌త‌డి పెట్టారు. ఇంకొంద‌రు మౌనంగా రోదించారు. కార్పొరేట్ కంపెనీల మాయ‌జాలంలో ప‌డి ..జాతీయ ప‌తాకాన్ని ఎగ‌తాళి చేసే వాళ్ల‌కు..జాతి కంటే క‌రెన్సీకే ప్రాముఖ్య‌త ఇచ్చే ప్ర‌బుద్దులు ఉన్న ఈ కాలంలో నువ్వో ధృవ‌తార‌లా వెలుగొందావు. ఏ కుల‌మైతేనేం..ఏ మ‌తమైతేనే...

బాబాలు, గురువులు, మెంటార్స్‌, లైఫ్ స్కిల్స్ ట్రైన‌ర్స్‌తో ఈ దేశం వెలిగి పోతోంది. ఎక్క‌డ పుస్త‌కం క‌నిపించినా చ‌ద‌వాల‌న్న ఉత్సుక‌త క‌లిగిన నాకు అనుకోకుండా పుస్త‌క ప్ర‌ద‌ర్శ‌న‌లో ఐ ల‌వ్ యు మ‌నీ కొత్త‌గా క‌నిపించింది. ప‌నిగ‌ట్టుకుని మిత్రుడొక‌రు దానిని నా చేతిలో పెట్టారు. ఓ వైపు వ్య‌క్తిత్వ , వికాస‌, తాత్విక‌, సామాజిక‌, ఆర్థిక‌, రాజ‌కీయ‌, సాంస్కృతిక‌, సాహిత్య‌, క్రీడా రంగాల‌పై అమితాస‌క్తి ఒకింత న‌న్ను ఉండ‌నీయ‌లేదు. ఎందుకు చ‌ద‌వాలి అని ఓ ప్ర‌శ్న వేశా. నువ్వు ఇలా అంటావ‌నే ఇది నీకు నా వైపు నుంచి ..తీసుకో అన్నాడు. గురువు గ‌డియారం గారు ఎప్పుడూ అంటూ వుండే వారు..ఏదీ ఉచితంగా తీసుకోకు అని..అలా అలవాటైతే వ్య‌క్తిత్వం కోల్పోవ‌డమేన‌ని చెప్పాక‌..ధ‌ర చిన్న‌దే అయినా కొంత స‌మ‌ర్పించుకున్నా. స‌హ‌చ‌రుడు వ‌ద్ద‌న్నా చేతిలో పెట్టా. సామాన్యంగా త‌ను చ‌దివి..ఆలోచించి..త‌న‌ను తాను త‌ర్కించుకొని పుస్త‌కాన్ని వ‌ద‌ల‌ని మ‌న‌స్త‌త్వం క‌లిగి ఉండ‌డంతో నేను కాద‌న‌లేక పోయా. రెండున్న‌ర గంట‌ల ప్ర‌యాణం. హోరు గాలి..ఊపిరి తీసుకోనీయ‌కుండా వ‌ర్షపు జ‌ల్లులు ..కిటికీ ప‌క్క‌నే కూర్చోవ‌డం. ప్ర‌కృతిని చూడటం అల‌వాటు. చేతిలో సురేష...

ఎక్క‌డ చూసినా తెలంగాణ ప‌ద‌మే ఇనిపిస్తోంది. వివ‌క్ష‌కు లోనై ..స్వీయ అస్తిత్వంతో త‌న‌కంటూ ప్ర‌పంచంలోనే ఓ బ్రాండ్‌ను ఏర్పాటు చేసుకున్న ఘ‌న‌త ఈ ప్రాంతానిదే. ప్రింట్ అండ్ మీడియాలో ఓ ప్రాంత‌పు ఆధిప‌త్యానికి చెక్ పెడుతూ తెలంగాణ యాస‌, భాష జెట్ స్పీడ్ కంటే వేగంగా దూసుకెళుతోంది. సోష‌ల్ మీడియా పుణ్య‌మా అని..డిజిట‌ల్ మీడియా దెబ్బ‌కు సామాన్యులు విజేత‌లుగా నిలుస్తున్నారు. త‌మ క‌ల‌ల ప్ర‌పంచానికి మెరుగులు దిద్దుతూ ..ప్ర‌తిభ‌కు ప‌దును పెడుతూ రోజు రోజుకు న‌యా ట్రెండ్స్‌కు శ్రీ‌కారం చుడుతున్నారు. మా జింద‌గీ మా ఇష్టం అంటూ ఇండిపెండెంట్ గానే రికార్డులు తిర‌గ రాస్తున్నారు. ఒక‌ప్పుడు ఏ యాస‌ను ప‌ట్టించు కోకుండా అణ‌గ దొక్కారో వారే ఇపుడు నెత్తిన పెట్టుకుని పూజిస్తున్నారు. ఇగ చూస్కో..గూగుల్‌, ఫేస్ బుక్‌, ట్విట్ట‌ర్‌, ఇన్‌స్టాగ్రాం..ఇలా చెప్పుకుంటూ పోతే ప్ర‌తి సోష‌ల్ మీడియా ఫ్లాట్ ఫాం నిండా అచ్చ‌మైన తెలంగాణ క‌నిపిస్తోంది..ఇంపుగా వినిపిస్తోంది..బేకార్ మాట‌ల‌ను బంద్ చేసి..స్వ‌చ్ఛ‌మైన ప‌ల్లెకు ప‌ట్టం క‌డుతూ మ‌ట్టి బిడ్డ‌లు..త‌మ మాట‌ల‌తో గార‌డీ చేస్తున్న‌రు. గాయ‌బ్ కాకుండా చూస్తున్న‌రు..జ‌నం ఒకే గొంతుకై జాన‌ప‌ద‌...

జీవితాన్ని సుఖ‌వంతం చేసి..గడ్డ‌క‌ట్టుకు పోయిన మ‌న‌సు ముంగిట్లో స‌రాగాల ముగ్గుల్ని చ‌ల్లే ఆ స్వ‌ర విన్యాసం నిన్న‌టి దాకా ఎక్క‌డుందో కానీ ఇవ్వాళ ప్ర‌పంచాన్ని త‌న గాత్ర మాధుర్యంతో తాకుతోంది. గ‌జ‌ల్స్‌, భ‌జ‌న్స్‌..ఆధ్యాత్మిక సాగ‌రంలో ఓల‌లాడేలా చేసేస్తోంది గీతాంజ‌లి రాయ్‌. ప్ర‌పంచ వ్యాప్తంగా త‌న స్వ‌ర విన్యాసంతో ఆక‌ట్టుకుంటోంది. గుండె గుండెలో ప్రేమ‌త‌న‌పు జ‌ల్లుల్ని చ‌ల్లుకుంటూ సేద తీరేలా చేస్తోంది. యూట్యూబ్ పుణ్య‌మా అని ప్ర‌పంచాన్ని త‌మ‌దైన ముద్ర‌తో పాట‌ల‌తో ఉర్రూత‌లూగిస్తున్న వారంతా అడ్డుగోడ‌ల‌ను దాటుకుంటూ సంగీత ప్రేమికుల‌కు ద‌గ్గ‌ర‌వుతున్నారు. అలాంటి వారిలో ముఖ్యంగా గ‌జ‌ల్స్ గాయ‌నీగాయ‌కుల్లో గీతాంజ‌లి త‌న‌దైన ఒర‌వ‌డితో ఒక ట్రెండ్ సృష్టించారు. విభిన్న‌మైన క‌ళ‌ల‌ను పుణికి పుచ్చుకున్న ఆమె స్వ‌స్థ‌లం అమృత్‌స‌ర్ . ముంబైలో స్థిర‌ప‌డ్డారు. అక్క‌డే విద్యాభ్యాసం సాగింది. ముంబ‌యి యూనివ‌ర్శిటీలో క్లినిక‌ల్ సైకాల‌జీలో పీజీ చేశారు. టీచ‌ర్‌గా, గురుణిగా, ఆధ్యాత్మిక సింగ‌ర్‌గా, మోటివేష‌న‌ల్ స్పీక‌ర్‌గా, లైఫ్ కోచ్‌గా ప‌నిచేస్తున్నారు. ల‌క్ష‌లాది మందిని గానామృతాన్ని పంచుతూ భ‌క్తుల‌కు అలౌకిక‌మైన ఆనంద...

సినిమా రంగాన్ని రారాజులుగా ఏళుతున్న వాళ్లు ..త‌మ‌కు తాము గొప్ప‌వాళ్ల‌మ‌నుకుని భావించుకునే వాళ్లు..తాత‌లు..ముత్తాత‌లు..ఆపై త‌రాల పేరు చెప్పుకుని ఊరేగుతున్న వాళ్లు ..కార్పొరేట్ కంపెనీల‌కు బ్రాండ్ అంబాసిడ‌ర్లుగా..డ‌బ్బులు పోగేసుకుంటూ ఫోజులు కొడుతున్న వాళ్లు సిగ్గుప‌డేలా వీళ్లు ..తెర మీద‌నే కాదు నిజ జీవితంలో కూడా తాము హీరోల‌మేనంటూ నిరూపించుకున్నారు. అన్న‌మో రామ‌చంద్ర అంటూ లెక్క‌నేంత మంది రైతులు ఆత్మ‌హ‌త్య‌ల‌కు పాల్ప‌డుతున్నారు. ప్ర‌భుత్వాలు మారినా ..ఎన్న ి కార్య‌క్ర‌మాలు అమ‌లు చేస్తున్నా వారి త‌ల‌రాత‌లు మార‌డం లేదు. ఈ దేశ అభివృద్ధిలో అధిక భాగం వ్య‌వ‌సాయ రంగానిదే. ప్ర‌పంచ బ్యాంకు ఆధిప‌త్యం. .విదేశాల జోక్యం దెబ్బ‌కు మార్కెట్ రంగం కుదేలై పోయింది. పుణ్యంకొద్దీ దొరికిన ఈ పాల‌కులు ప్ర‌జ‌ల బాగోగుల గురించి ప‌ట్టించు కోవ‌డం మానేశారు. ఆరుగాలం క‌ష్ట‌ప‌డి..అప్పులు చేసి ..తిప్ప‌లుపడి పంట పండిస్తే..మ‌ద్ధ‌తు దొర‌క‌ని దుస్థితి దాపురించింది. ఎక్క‌డ చూసినా ఆక‌లికేక‌లు..అన్నార్థుల ఆర్త‌నాదాలు..త‌ట్టుకోలేక మ‌ధ్య‌లో త‌నువులు చాలిస్తున్న మ‌ట్టి బిడ్డ‌లు. ధాన్యంపై ద‌ళారీల పెత్త‌నం పెరిగి పోవ‌డంతో పండించే ...

మాన‌వ జాతి మ‌నుగ‌డ‌లో ముఖ్య భూమిక‌ను పోషించే మ‌హిళ‌లు అనాది నుండి నేటి ఆధునిక ప్ర‌పంచం దాకా అన్నీ అవ‌స్థ‌లే.ఎదుర్కొంటున్నారు. .అడుగ‌డుగునా అడ్డంకులే. పుట్టిన‌ప్ప‌టి నుంచి పెరిగి ..పెళ్ల‌యి ..అత్తారింటికి వెళ్లే దాకా..అక్క‌డి నుంచి కాటికి ప్ర‌యాణం చేసే వ‌ర‌కు అంతులేని క‌ష్టాలు..అంతు చిక్క‌ని ఇబ్బందులు. పురుషులకున్నంత వెస‌లుబాటు వీరికి లేకుండా పోయింది. ఎక్క‌డో ఒక చోట వివ‌క్ష‌కు లోన‌వుతున్నారు. చిరునామా లేని చావుల‌కు గుర‌వుతున్నారు. హ‌త్య‌లు, ఆత్మ‌హ‌త్య‌లు, మాన‌భంగాలు, ఈవ్ టీజింగ్‌లు..ఇలా ప్ర‌తి చోట కొన‌సాగుతున్న‌వి. ఎన్ని చ‌ట్టాలు చేసినా..ఇంకెంత‌గా ఐ వాచ్ చేసినా ప్ర‌మాదాలు చోటు చేసుకుంటున్నాయి. వీటిని నియంత్రించ‌డంలో పాల‌కులు , ఉన్న‌తాధికారులు తీవ్ర వైఫ‌ల్యం చెందుతున్నారు. మెరుపు మెరిస్తే వాన కురిస్తే ఆనందించే రోజులు పోయాయి. ఆధునిక ప్ర‌పంచ‌పులో మార్కెట్ మ‌నుషుల్ని పీల్చి పిప్పి చేస్తోంది. వ‌స్తువుల కంటే హీనంగా మార్చేస్తోంది. త‌రాల నుంచి ఎంతో క‌ష్టంతో కాపాడుకుంటూ వ‌స్తున్న సంస్కృతి, సాంప్ర‌దాయాలు మంట‌గ‌లిసి పోతున్నాయి. మ‌నిషిని మ‌నిషి గౌర‌వించే ప‌రిస్థితులు ఏనాడో పోయాయి. ఉన్న‌దంత...

చ‌రిత్ర పుటల్లో మ‌లుపులు ఎన్నో..విజ‌యాలు మ‌రెన్నో. విజ‌యాన్ని చేజిక్కించు కోవాల‌ని..ప్ర‌పంచం నివ్వెర పోయేలా ఏదో సాధించాల‌న్న క‌సి ఈ మ‌ధ్య యువ‌త‌రంలో ఎక్కువై పోయింది. రోజుకో టెక్నాల‌జీలో మార్పులు చోటు చేసుకోవ‌డంతో కొత్త కొత్త ఆవిష్క‌ర‌ణ‌లు వెల్లువ‌లా వ‌చ్చి ప‌డుతున్నాయి. వీటిని నియంత్రించ‌డం ఏ సంస్థ‌కూ చేత కావ‌డం లేదు. మ‌నుషులే పెట్టుబ‌డి. డాల‌ర్ల సంపాదన‌పైనే గురి. బ‌ల‌మైన బంధాలు మ‌రింత ప‌లుచ‌నై మ‌స‌క‌బారి పోతున్నాయి. దీంతో వ‌స్తువులే కొల‌మానంగా నిలుస్తున్నాయి. విలువ‌ల‌ను పెంపొందింప చేసే సామాజిక శాస్త్రాల‌ను ప‌క్క‌న పెట్ట‌డం పెను సంక్షోభానికి గురి చేస్తోంది. ఇది ప్ర‌మాద సూచిక‌ను గుర్తు చేస్తోంది. ఇన్మ‌ర్మేష‌న్ టెక్నాల‌జీ ఆధిప‌త్యం చేస్తున్న త‌రుణంలో సామాన్యులు విజేత‌లుగా నిల‌వ‌డం ఇత‌రుల‌ను విస్మ‌య పరుస్తోంది. దేశ పురోభివృద్ధికి పునాదులు వేసే నాగ‌రిక‌త‌, సంస్కృతి త‌న ప్రాధాన్య‌త‌ను కోల్పోతోంది. వాచ్ డాగ్‌గా వుండాల్సిన పాల‌కులు ప‌క్క‌దారి ప‌ట్ట‌డంతో ప్ర‌పంచం ధ‌నార్జ‌న‌కే పెద్ద‌పీట వేస్తోంది. చ‌మురు, ప‌సిడి, వ‌స్తువుల మాయాజాలం ఊరేగుతున్న లోకంలో అత్యంత సామాన్యులు అసాధార‌ణ‌మైన...

ఎటు చూసినా జై శ్రీమన్నారాయణ స్మరణ. వేలాది మంది భక్తులు ..లక్షలాది కళ్ళు ..ఒకే చూపై వేచి చూస్తూనే ఉన్నాయి . ఆ స్వరం కోట్లాది ప్రజలను కొన్నేళ్ల నుండీ ప్రభావితం చేస్తూనే ఉన్నది . ఇసుక వేస్తే రాలనంత నిశ్శబ్డం అక్కడ అలుముకుంది. అంతటా ఆ నారాయణుడు ఎలా ఉంటారో చూద్దామనుకుని ఉన్న వాళ్ళు కొందరైతే ..ఇంకొందరు సర్వం ఆయన కోసం అర్పించేందుకు సైతం ముందుకు వచ్చిన వాళ్ళు .అన్ని కులాలకు ..మతాలకు చెందిన వారున్నారు. ఇదంతా కథ కాదు ..ఈ కలియుగంలో ధర్మం కోసం ..అంతరించిపోతున్న విలువల పునరుద్ధరణ కోసం ..మానవులంతా ఒకే సమూహమని ..అదే అంతిమంగా మానవత్వమే తన మతమని చాటి చెబుతున్న ఆధునికత సంతరించుకున్న తేజో మూర్తి ..శ్రీ శ్రీ శ్రీ త్రిదండి చినజీయర్ స్వామిజీ. అన్నార్తులు ..అభాగ్యులు ..ఆదరణకు నోచుకోని వాళ్ళు ..సమస్యలతో వేగలేక తల్లడిల్లుతున్న ఆనాధలు ..జీవితంపై విరక్తి చెందిన వాళ్ళు అంతా ఆయన చల్లని చూపుల కోసం ఎదురు చూస్తుంటారు. సాటి మనుషుల పట్ల ..తోటి జీవుల ..ప్రాణుల పట్ల స్వామిజీకి అపారమైన ప్రేమ .అంతకంటే ఎక్కువగా ఈ ప్రకృతి అంటే వల్లమాలిన అభిమానం . అదే ఆయనను వ్యక్తి నుండి వ్యవస్థగా మార్చేలా చేసింది . దీనజనోద్ధరణే మార్గంగా...

ఆధునికత హవా కొనసాగుతున్నా. సోషల్ మీడియా రాజ్యమేలుతున్నా ..స్మార్ట్ ఫోన్లు జిగేల్ మనిపిస్తున్నా ..సినిమా మాత్రం పవర్ ఫుల్ మాధ్యమంగా విరాజిల్లుతోంది. ఇప్పటి దాకా ఎందరో బతుకును పారేసుకున్న వాళ్ళు ఉన్నారు. ఆశల ఆరాటాలతో ఏదో జరగక పోతుందా అన్న నమ్మకంతో ట్రై చేస్తున్న వాళ్ళు వున్నారు. ఇండియన్ సినిమాను శాసించే స్థాయిలో తెలుగు సినిమా రికార్డులు తిరుగ రాస్తోంది. ఈ క్రమంలో కొందరు వెనుదిరిగిన వాళ్ళు వున్నారు . ఇంకొందరు గెలుపు ఓటములు ..జయాపజయాలు పరిగణలోకి తీసుకోకుండా తమ దారుల్లో వెళుతున్నారు. ఇప్పుడు క్రియేటివిటీ కి పెద్దపీట లభిస్తోంది. యూట్యూబ్ పుణ్యమా అంటూ సినిమా అప్రహతిహతంగా విరాజిల్లుతోంది. ఇదో మాయా మార్కెట్. ప్రేక్షకుల .. వీక్షుకుల పై ఆధారపడడంతో సినిమా అత్యంత నిర్ణయాత్మక పాత్రను పోషిస్తోంది.  అప్పటికి ఇప్పటికీ తెలుగు సినిమా కొంగొత్త మార్పులతో పరుగులు తీస్తోంది. ఇటీవలి కాలంలో బడ్జెట్ ఎక్కువ కావడంతో వర్ధమాన యువతీ యువకులు తమ కలలకు జీవం పోసేందుకు లఘు చిత్రాలను ఎంచుకుంటున్నారు. వీరికి సీనియర్ దర్శకులు సలహాలు ..సూచనలు అందజేస్తూ ప్రోత్సహిస్తున్నారు. అలాంటి వారిలో సినీ దర్శకుడు పోతుగంటి విద్య...

ప్రపంచాన్ని ఉద్విగ్న పరిచి కోట్లాది అభిమానుల గుండెల్లో మంటలు రేపి కుల, జాతి , మతాలకు అతీతంగా ప్రాంతాల సరిహద్దులను చెరిపేసే అరుదైన ఆటల్లో క్రికెట్ ముందుంటుంది. అలాంటి క్లిష్టమైన ఆటలో నెగ్గుకు రావాలంటే చాలా కష్టపడాల్సిందే. ఇలాంటి ఫీట్ ను సాధించిన కొద్దిమంది ఆటగాళ్లలో మహమ్మద్ అజారుద్దీన్ మొదటి వాడు. పక్కా హైదరాబాదీ. పక్కా తెలంగాణా బిడ్డ. ప్రపంచాన్ని శాసించిన వారిలో , లోకాన్ని ప్రభావితం చేసిన మహనీయులు , వ్యక్తులు , లీడర్లలో . అన్ని రంగాలలో అరుదైన వారిని దగ్గరుండి చూస్తే కొన్ని బలహీనతలు కనిపిస్తాయి. అలా అని వారిని మనం పక్కన పెట్టలేం. చూసుకుంటూ పోతే, పరిశీలిస్తే విజయం సాధించిన వారిలో ఏదో ఒక లోపం ఉంటుంది. అది కాదనలేని సత్యం. దానినే ప్రామాణికంగా తీసుకుంటే ఈ అరుదైన ఆవిష్కరణలు వచ్చేవి కావు. కాలపు ప్రవాహంలో మార్పు సహజం. భిన్నమైన మతాలు, కులాలు , జాతులు కలిగిన ఈ దేశాన్ని ఒకే భారతీయ జెండా కిందకు తీసుకువచ్చిన ఘనత క్రికెట్ కే చెల్లింది. సంపన్న వర్గాలకే పరిమితమైపోయిన క్రికెట్ ను భూమార్గం పట్టించిన చరిత్ర మన అజ్జూ భాయ్ దే. అటు టెస్ట్ క్రికెటర్ గా ఇటు వన్ డే క్రికెట్ కే వన్నె తెచ్చిన ఆటగాడిగా అతడికి పే...

జ‌న‌మే జ‌నం..ఎక్క‌డ చూసినా ఆక‌లి కోసం అల‌మ‌టించే అన్నార్థులు ఉన్న ఈ దేశంలో త‌రాలు మారినా..పాల‌కులు మారినా..లెక్క‌లేన‌న్ని సంక్షేమ ప‌థ‌కాలు..కార్య‌క్ర‌మాలు అమ‌లు జ‌రుగుతున్నా నాటి నుంచి నేటి వ‌ర‌కు అమ్మా ఆక‌లి అంటూ ఆర్త‌నాదాలు మిన్నంటుతూనే వున్నాయి. వ్య‌వ‌స్థ ఈ ఆక‌లి కేక‌ల నుండి రక్షించేందుకు నానా అవ‌స్థ‌లు ప‌డుతోంది. కోట్లాది రూపాయ‌లు నీళ్ల‌లాగా ఖ‌ర్చు చేస్తున్నా ఆశించిన ఫ‌లితం అగుపించ‌డం లేదు. కోట్లాది రూపాయ‌లు కోల్పోతున్నా అంత‌కంత‌కూ ఆక‌లి చావులు ఆగ‌డం లేదు. అన్నార్థుల బాధలు తీర‌డం లేదు. పుట్ట‌కొక‌రు చెట్టుకొక‌రు అన్న‌ట్టు ల‌క్ష‌లాది మంది పిల్ల‌లు..అభాగ్యులు కూటి కోసం వేడుకుంటున్నారు. ఆక‌లి అనే మ‌హ‌మ్మారి నుండి త‌ట్టుకోలేక క‌న్నీటి ప‌ర్యంత‌మ‌వుతున్నారు. అయినా ఎక్క‌డ వేసిన గొంగ‌ళి అక్క‌డే వుంది. చూస్తే పిల్ల‌లు..పాపం వాళ్ల‌ది కాదు..ఈ స‌మాజానికి . లెక్క‌లేనంత‌..లెక్కించ లేనంత సంప‌ద అంతా కొద్ది మంది చేతుల్లోనే వుంటే ఈ ఆక‌లి బాధ‌లు ఎట్లా తీరుతాయి. ఉన్నోడు క‌డుపు నిండే వాళ్ల కే పెడుతుంటే మ‌రి ఈ పేద‌బిడ్డ‌ల ప‌రిస్థితి ఎట్లా. ఈ స‌మ‌యంలోనే ప్ర‌పంచ వ్యాప్తంగా ప‌లు శాఖ‌ల‌ను క‌లిగిన ఇస్కా...

ఎక్క‌డ చూసినా టి హ‌బ్ . ఏమిటిది అనుకుంటున్నారా. ఇటీవ‌ల ప్ర‌తి ఒక్క‌రు త‌మ అదృష్టాన్ని ప‌రీక్షించుకునేందుకు స‌న్న‌ద్ధ‌మ‌వుతున్నారు. ఇదో కొత్త ఒర‌వ‌డి. డ‌బ్బులు లేవ‌ని బాధ ప‌డాల్సిన ప‌నేలేదు. నీ ద‌గ్గ‌ర ద‌మ్ముందా. ఒక‌రి కింద ప‌నిచేయ‌డం . ఇంకొక‌రు చెబితే చేసే రోజులు పోయాయి. కొత్త ఐడియా ఉంటే చాలు. ఎంచ‌క్కా పెట్టుబ‌డితో పాటు వెంచ‌ర్ కేపిట‌ల్ కూడా మ‌న‌వ‌ద్ద‌కే వ‌స్తుంది. ఇంకెందుకు ఆల‌స్యం. హై టెక్ సిటీలోని మాదాపూర్ లో టీ – హ‌బ్ ‌ను సంద‌ర్శించండి. మీ ప్ర‌తిభ‌కు మెరుగులు దిద్దుకోండి. అపార‌మైన అవ‌కాశాలు. ఎల్ల‌లు లేని ఉప‌యోగాలు. కావాల్సింద‌ల్లా గుండె ధైర్యం కావాలి. నీతో పాటు మ‌రో ప‌ది మందికి ఉపాధి చూపించే స‌త్తా నీకుండాలి. ఇక్క‌డ రిజ‌ర్వేష‌న్లు ఉండ‌వు. కుల‌, మ‌తాల ప్ర‌స‌క్తి రానే రాదు. ఒన్ అండ్ ఓన్లీ నువ్వే. నీకు నీతోనే పోటీ. నీ ద‌గ్గ‌ర ఎవ్వ‌రీ వ‌ద్దా లేని ఆలోచ‌న‌. దానికి కావాల్సిన ముడి స‌రుకు. మార్కెట్‌లో నీదైన బ్రాండ్ నువ్వు క్రియేట్ చేసుకోగ‌లిగితే. డాలర్ల వ‌ర్షం కురుస్తుంది. టాటా, ఇన్ఫోటెక్‌, గూగుల్‌, ఫేస్ బుక్‌, పొలారిస్‌, అడోబ్ ఇలా చెప్పుకుంటూ పోతే కోకొల్ల‌లు..కంపెనీలు నీ ముందు వాలి...