అలుపెరుగని బాటసారి .. అంతులేని విజ్ఞాన వారధి,.!

 భారత దేశ రాజకీయాలలో తెలుగు వారిలో పేరొందిన నాయకులలో మొదటగా గుర్తుకు వచ్చే పేరు ముప్పవరపు వెంకయ్య నాయుడు . సుదీర్ఘమైన రాజాకీయ అనుభవం కలిగిన గొప్ప నాయకుడు. ఎందరికో మార్గదర్శకుడు . విద్యార్ధి నాయకుడి నుంచి నేటి ఉప రాష్ట్రపతి దాకా ఆయన ఎన్నో పదవులు సమర్ధవంతంగా నిర్వహించారు . మొదటి నుంచి భారతీయ సంకృతి , నాగరికత , సాంప్రదాయాలు అంటే వెంకయ్య నాయుడుకు యెనలేని అభిమానం. సమయానికి విలువ ఇవ్వడమే కాదు సందోర్భోచితంగా మాట్లాడటం , ప్రసంగించడం ఆయనకు మాత్రమే చెల్లింది . వ్యంగ్యం ..హాస్యం ..వినోదం ..విజ్ఞానం కలిపితే ఆయనవుతారు .

విధాన సభలో నైనా ..పార్లమెంట్ లోనైనా ఏ అంశంపైనా అనర్గళంగా ..పూర్తి వివరాలతో విపక్షాలు విస్తు పోయేలా చేయడంలో జైపాల్ రెడ్డి ఒకరైతే మరొకరు వెంకయ్య నాయిడు. ఆయన అభిప్రాయలు , సిద్ధాంతాలతో ఏకీభవించక పోయినా సాహిత్యం పట్ల అభిమానం కలిగిన వ్యక్తిగా వెంకయ్యను గౌరవించకుండా ఉండలేం. ఎందుకంటే వృత్తి పరంగా ఎన్నో వత్తిళ్లు ఉన్నప్పటికీ ఆయన నిత్యం చదవడం మాత్రం మానలేదు. ఎంతటి స్థాయికి చేరుకున్నా తన మూలాలు మరిచి పోలేదు . ఇది ఆయనకున్న వ్యక్తిత్వాన్ని సూచిస్తుంది. వెంకయ్య చేసిన ప్రసంగాలతో పుస్తకం రాశారు . దేశంలోని ప్రధాన సమస్యలపై కూడా తక్షణమే స్పందించడం ..వాటి గురించి రాయడం ఆయనకు మాత్రమే సాధ్యం .దేశంలో ఇన్నేళ్ల కాలంలో ఎందరో రాజకీయ నాయకులు వచ్చారు . కొందరు నిలబడ్డారు ..మరికొందరు తెరమరుగయ్యారు.

కానీ వెకయ్య నాయుడు మాత్రం అలాగే చెక్కు చెదరకుండా ఉన్నారు. ఇటీవల కొన్నేళ్ల పాటు తనతో కలిసి నడిచిన బెస్ట్ పార్లమెంటేరియన్ జైపాల్ రెడ్డి మరణించినప్పుడు వెంకయ్య కన్నీటి పర్యంతమయ్యారు . గొప్ప నేతను , అంతకంటే మనసున్న సహచరుడిని కోల్పోయానని వాపోయారు . ప్రకృతి అన్నా , సకల సమస్యలపై పూర్తిగా తెలుసు కోవడం రోజు చేసే దినచర్య. తాజాగా చెన్నైలో స్ఫూర్తి కలిగించేలా పుస్తకాన్ని ఆవిష్కరించారు. ఆయన కార్యదక్షతకు ఇది ఓ మచ్చుతునక. విద్య ఉద్దేశం ఉపాధి ఒక్కటే కాదు. జ్ఞానోదయం, సాధికారత, విజ్ఞాన వికాసం కూడా. ఉన్నత విద్య కోసం విదేశాలకు వెళ్లే యువతకు నాదో సలహా…అక్కడ నేర్చుకోండి, ఆర్జించండి, స్వదేశానికి తిరిగి రండి .. అంటూ వెంకయ్య నాయుడు పిలుపునిస్తున్నారు.