ఆన్ లైన్ లో బిగిల్ .. చిత్ర యూనిట్ కు షాక్
ఈ రెండు చిత్రాలకు పైరసీ దెబ్బ తగిలింది. బిగిల్ చిత్రం విడుదలైన కొన్ని గంటలకే అనధికారికంగా ఆన్‌లైన్‌లో ప్రత్యక్షం అయితే కొంచెం ఆలస్యంగా ఖైదీ చిత్రం ఆన్‌లైన్‌లో హల్‌ చల్‌ చేసింది. అనధికారకంగా, అక్రమంగా ఆన్ లైన్‌లో ప్రచారం చేయొద్దని మద్రాసు హైకోర్టు ఆదేశాలు జారీ చేసింది. కోర్టు ఆదేశాలను భేఖాతరు చేస్తూ తమిళ్ రాకర్స్‌ అనే వెబ్‌ సైట్‌ పైరసీకి పాల్పడడం సినీ వర్గాల్లో చర్చనీయాంశంగా మారింది. పైరసీని అరికట్టడం సాధ్యం కాదనే చర్చ జరుగుతోంది. కాగా బిగిల్ చిత్ర విడుదల సమయంలో నటుడు విజయ్‌ అభిమానులు చేసిన వీరంగం పలు విమర్శలకు దారి తీసింది. కృష్ణగిరిలోని ఒక థియేటర్‌ వద్ద అభిమానులు బీభత్సం సృష్టించారు. దీపావళి సందర్భంగా విడుదలయ్యే చిత్రాలకు ప్రత్యేక ప్రదర్శనలకు అనుమతి నిరాకరించిన ప్రభుత్వం చివరికి డిస్ట్రిబ్యూటర్లు, థియేటర్ల యాజమాన్యం విజ్ఞప్తి మేరకు మొదటి రోజు మాత్రం అనుమతినిచ్చింది.
థియేటర్‌లో ప్రత్యేక ప్రదర్శనకు ఆలస్యం కావడంతో విజయ్‌ అభిమానులు రచ్చ రచ్చ చేశారు. వ్యాపార దుకాణాలపై దాడి చేసి నానా యాగం చేశారు. ఆస్తులను ధ్వంసం చేశారు. ప్రజలను ఇబ్బంది పెట్టారు. విజయ్‌ అభిమానులను అరెస్ట్‌ చేసి కోర్టులో హాజరు పరిచారు. కోర్టు ఆదేశాల మేరకు నాన్‌ బెయిలబుల్‌ కేసులను నమోదు చేసి జైలుకు తరలించారు. ఇటీవల నటుడు విజయ్‌ బిగిల్ ఆడియో ఆవిష్కరణ వేదికపై తన అభిమానులను ఏమన్నా సహించేది లేదు అని ఘాటుగా వ్యాఖ్యానించారు. ఇప్పుడు కృష్ణగిరి సంఘటనతో ఇలాంటి అభిమానులనా విజయ్‌ వెనకేసు కొస్తున్నారు అన్న విమర్శలు వెల్లు వెత్తుతున్నాయి. సినీ, రాజకీయాలకు సంబంధించిన విషయాలపై వెంటనే స్పందించే నటి కస్తూరి విజయ్‌ అభిమానుల చర్యల పై తీవ్రంగా స్పందించారు.
కామెంట్‌లు
కామెంట్‌ను పోస్ట్ చేయండి