ఇండియా టి20 టీమ్ ఇదే
రిషభ్‌ పంత్ కూడా జట్టులో ఉన్నా, సంజు శామ్సన్‌ను రెగ్యులర్‌ బ్యాట్స్‌మన్‌గా టీమ్‌లోకి తీసుకోవడం విశేషం. చహల్ కూడా కొంత విరామం తర్వాత పునరాగమనం చేశాడు. బుమ్రా, హార్దిక్‌ పాండ్యా, భువనేశ్వర్‌ కుమార్‌ ఇంకా గాయాల నుంచి కోలుకోక పోవడంతో వారి పేర్లను పరిశీలించ లేదు. ఇటీవలి కాలంలో భారత్‌ తరఫున అద్భుతంగా రాణిస్తూ వచ్చిన రవీంద్ర జడేజాకు టీమ్‌లో చోటు దక్కలేదు. నవదీప్‌ సైనీ ఫిట్‌నెస్‌ సమస్యల కారణంగా శార్దుల్‌ను ఎంపిక చేశారు. అయితే సుదీర్ఘ కాలం తర్వాత భారత్‌ తరఫున తొలి మ్యాచ్ ఆడిన షాబాజ్‌ నదీమ్‌కు నిరాశ ఎదురైంది. రాంచీ టెస్టులో నాలుగు వికెట్లతో రాణించి అందరినీ ఆకట్టుకున్నా...బంగ్లాతో సిరీస్‌కు ఛాన్స్ రాలేదు.
దక్షిణాఫ్రికాతో సిరీస్‌ ఆడిన జట్టులో ఉన్న కుల్దీప్ యాదవ్‌ కోలు కోవడంతో బోర్డు విధానం ప్రకారం మళ్లీ అతడినే ఎంపిక చేసింది. ఇదిలా ఉండగా టీమిండియా జట్టు ఇలా ఉంది. టి 20 కి రోహిత్ సారధిగా ఉంటాడు. ధావన్, రాహుల్, అయ్యర్, మనీశ్‌ పాండే, సంజు శామ్సన్, రిషభ్‌ పంత్, దూబే, కృనాల్, వాషింగ్టన్‌ సుందర్, చహల్, దీపక్‌ చహర్, రాహుల్ చహర్, ఖలీల్‌ అహ్మద్, శార్దుల్‌ ఠాకూర్‌ లు ఆడతారు. ఇక టెస్టు జట్టుకు కోహ్లీ సారధిగా ఉండగా మయాంక్, రోహిత్, పుజారా, రహానే, విహారి, సాహా, పంత్, జడేజా, అశి్వన్, షమీ, ఇషాంత్, ఉమేశ్, కుల్దీప్, శుబ్‌మన్‌ గిల్‌ లను ఎంపిక చేశారు.
కామెంట్‌లు
కామెంట్‌ను పోస్ట్ చేయండి