అట్లీ క్రియేషన్..విజిల్ సెన్సేషన్
రీల్ పరంగా పూర్తి కమిట్మెంట్ తో ఉండే ఈ డైరెక్టర్ టేకింగ్ విషయంలో తనకు తానే సాటి. విజిల్ సినిమాను దేశ వ్యాప్తంగా దీపావళి పండుగకు విడుదల చేసేందుకు ప్లాన్ చేశారు. సినిమా రైట్స్ కోసం పలువురు పోటీ పడుతున్నారు. తమిళనాడులో ఇప్పటికే ఏర్పాట్లు పూర్తి కాగా బాలీవుడ్ లో మాత్రం ఎవ్వరికి ఇచ్చారనే విషయం ఇంకా వెల్లడించలేదు. అయితే విజిల్ సినిమాకు అట్లీ ఏకంగా 28 కోట్లు తీసుకున్నాడని వార్తలు గుప్పుమన్నాయి. ఇదిలా ఉండగా బాలీవుడ్ దిగ్గజ నటుడు షారుఖ్ ఖాన్ ఏకంగా 30 కోట్లు ఇచ్చి , సినిమా చేయబోతున్నట్టు వైరల్ అయ్యింది.
అట్లీ గొప్ప దర్శకుడిగా ఇప్పటికే పేరు తెచ్చుకోగా, మరో వైపు అద్భుతమైన ప్రేమికుడిగా వినుతికెక్కారు. ఆయన తమిళ సినిమాలో పేరున్న నటి ప్రియ ను ప్రేమించి పెళ్లి చేసుకున్నారు. అట్లీ అంటే విజయ్ కు అభిమానం. ప్రేమ విఫలం తర్వాత జీవితం ఉంటుంది. ప్రేమలో ఓడిపోయాక కూడా ప్రేమ నిలిచే ఉంటుంది అంటూ తన సినిమా ద్వారా చెప్పే ప్రయత్నం చేసిన అట్లీ యూత్ ను ఎంతగానో ప్రభావితం చేశాడు. రాజా రాణి అట్లిది మొదటి సినిమా. ఈ మూవీ కోట్లు కురిపించింది. మొత్తం మీద అట్లీ ప్రేమికుడు..భావుకుడు..మనకు దక్కిన దర్శకుడు. ఇలాంటి వాళ్ళే ఇండియాకు కావాలి. విజిల్ మరింత సక్సెస్ సాధించాలని ఆశిద్దాం.
కామెంట్లు
కామెంట్ను పోస్ట్ చేయండి