నివాస్ పై నిషేధం
దీనిపై బీసీసీఐ నుంచి మాకు సమాచారం అందింది. అందుకే అతనిపై విచారణ చేపట్టగా తప్పు చేసినట్లు తేలింది అని డీడీసీఏ తెలిపింది. నివాస్ 1996, జూన్‌ 10వ తేదీన పుడితే, బీసీసీఐకి ఇచ్చిన సర్టిఫికేట్‌లో 2001, డిసెంబర్ 12వ తేదీన పుట్టినట్లు ఉంది. ఈ విషయం అతని సెకండరీ ఎడ్యుకేషన్‌ సర్టిఫికేట్‌లో బట్ట బయలు అయ్యింది. ఏకంగా ఐదు ఏళ్ల తేడాతో బోర్డునే బురిడీ కొట్టించాలని చూడటంతో బీసీసీఐ సస్పెండ్‌ చేస్తూ నిర్ణయం తీసుకుంది. బీసీసీఐ క్రికెట్‌ బోర్డులో అతని ఐడీ నంబర్‌ 12968 కాగా, ఢిల్లీ తరఫున రిజిస్టర్ చేసుకున్నాడు.
2018-19 సీజన్‌కు సంబంధించి అండర్‌-19 క్రికెట్‌ కేటగిరీలో అతను రిజస్టర్‌ చేసుకున్నాడు. కాగా, అతని వయసుకు సంబంధించి సర్టిఫికేట్‌ను ఇటీవల బీసీసీఐకి ఇవ్వాల్సి రావడంతో అసలు దొంగ సర్టిఫికేట్‌ వ్యవహారం బయట పడింది. అతనికి సంబంధించి పూర్తి వివరాలను బీసీసీఐ డీడీసీఏకు అంద జేసింది. అందులో అతని జన్మించిన సంవత్సరం 2001గా ఉంది. దీంతో మొత్తం బండారం బట్ట బయలు అయ్యింది. గంగూలీ బిసిసిఐ ప్రెసిడెంట్ పదవి చేపట్టాక ప్రక్షాళన మొదలైంది. తాజాగా ఈ సంఘటన వెలుగు చూసింది. అయితే ఇంకా ఎంతమంది దొంగలు ఉన్నారో విచారణ చేపడితే కానీ తెలియదు.
కామెంట్‌లు
కామెంట్‌ను పోస్ట్ చేయండి