హెవీ డిమాండ్..పీకే కు పెరిగిన క్రేజ్
ప్రస్తుతం ప్రశాంత్ కిషోర్ ఇప్పుడు బెంగాల్ దీదీ తో రాజకీయ వ్యూహాలకు పదును పెడుతున్నారు. తన ఐడియాస్ ను ఇంప్లిమెంట్ చేసే పనిలో పడ్డారు. తాజగా ఆయన దృష్టి తమిళనాడుపై పడింది అన్నది వైరల్ గా మారింది. అక్కడ పాలిటిక్స్ ఎక్కువగా సినీ రంగంతో ముడిపడి ఉంటాయి. ఇప్పటికే సూపర్ స్టార్ రజని కాంత్, కమల్ హాసన్, కుష్బూ , శరత్ కుమార్, విశాల్ రెడ్డి తో పాటు తాజాగా ఎనర్జటిక్ స్టార్ విజయ్ కూడా చేరి పోయాడు. ఈ మేరకు ప్రశాంత్ కిషోర్ ..విజయ్ తో బీట్ అయినట్టు సమాచారం. కొద్దిగా కష్టపడితే సీఎం ఖుర్చీ అందుకోవడం పెద్ద కష్టమేమి కాదని చెప్పినట్టు తెలిసింది.
పీకే గతంలో ప్రధాని నరేంద్ర మోదీకి, ఆంధ్రప్రదేశ్‌ ముఖ్యమంత్రి జగన్ మోహన్ రెడ్డికి, బిహార్‌ ముఖ్యమంత్రి నితీశ్‌ కుమార్‌లకు రాజకీయ వ్యూహకర్తగా పని చేశారు. దీంతో ప్రశాంత్ కిషోర్ పేరు తమిళనాడుకు కూడా పాకింది. అక్కడ 2021లో శాసనసభ ఎన్నికలు జరగనున్న విషయం తెలిసిందే. దీంతో తమిళపాడులోని పలు రాజకీయ పార్టీలు ప్రశాంత్ కిషోర్‌ను వ్యూహకర్తగా నియమించు కోవాలని భావిస్తున్నట్లు తెలిసింది. ఇప్పటికే ఈయన మక్కళ్‌ నీది మయ్యం పార్టీకి రాజకీయ వ్యూహకర్తగా బాధ్యతలు నిర్వహిస్తున్నారు. అయితే ప్రశాంత్ కిషోర్‌కు మక్కళ్‌ నీది మయ్యం పార్టీ అధ్యక్షుడు కమలహాసన్‌కు మధ్య భేదాభిప్రాయాలు ఏర్పడినట్లు ప్రచారం జరిగింది.
పార్టీ విధానం విషయంలో ప్రశాంత్ కిషోర్ నిర్ణయాలను కమలహాసన్‌ విభేదించడమే అందుకు కారణం అని తెలిసింది. దీంతో ప్రశాంత్ కిషోర్‌తో మక్కళ్‌ నీది మయ్యం ఒప్పందం రద్దు కానున్నట్లు సమాచారం. కాగా త్వరలో రాజకీయ రంగప్రవేశం చేయడానికి సిద్ధం అవుతున్న రజనీకాంత్‌ కూడా తనకు రాజకీయ వ్యూహకర్తగా ప్రశాంత్ కిషోర్‌ను నియమించు కోవాలను భావిస్తున్నట్లు, వీరిద్దరి మధ్య ముంబాయిలో భేటీ కూడా జరిగినట్లు ప్రచారం జరిగింది. మరో వైపు రైజింగ్ స్టార్ విజయతో ముచ్చట ఇప్పుడు తమిళ నాట హాట్ టాపిక్ గా మారింది.
కామెంట్‌లు
కామెంట్‌ను పోస్ట్ చేయండి