వినోద రంగంలో విప్లవం
ఈ మేరకు విలీన పథకానికి సంబంధించి తుది అంశాలపై కసరత్తు చేసే పనిలో నిమగ్నమయ్యాయి. ఎయిర్‌టెల్‌ డిజిటల్ టీవీ, డిష్‌ టీవీలు కలవడం వల్ల డైరెక్ట్‌ టు హోమ్‌ టీవీ ప్రసారాల పంపిణీ మార్కెట్లో ఆధిపత్యానికి అవకాశం ఏర్పడుతుంది. 87 శాతం మార్కెట్‌ కేవలం రెండు సంస్థల చేతుల్లోనే ఉంటుంది. ఎయిర్‌టెల్‌ డిజిటల్, డిష్‌ టీవీ విలీన కంపెనీకి 4 కోట్ల కస్టమర్లు ఉంటారు. తద్వారా 62 శాతం మార్కెట్‌ వాటా ఈ సంస్థ చేతుల్లోనే ఉంటుంది. డిష్‌ టీవీకి 23.94 మిలియన్‌ చందాదారులు, ఎయిర్‌టెల్‌ డిజిటల్‌కు 16.21 మిలియన్‌ చందాదారులు ఉన్నారు.
టాటా స్కై 25 శాతం మార్కెట్‌ వాటా కలిగి ఉంది. మిగిలిన వాటా సన్‌ టీవీకి చెందిన సన్‌ డైరెక్ట్‌ సొంతం. టెలికం మార్కెట్‌ మాదిరే డీటీహెచ్‌ మార్కెట్లోనూ ఒకప్పుడు ఆరుగురు ప్లేయర్లు ఉండేవారు. ఎస్సెల్‌ గ్రూపునకు చెందిన డిష్‌ టీవీ, కొంత కాలం క్రితం వీడియోకాన్‌ డీటీహెచ్‌ను కొనుగోలు చేసింది. రిలయన్స్‌ డిజిటల్ టీవీని వేరొక సంస్థ కొనుగోలు చేసింది. కానీ, ఈ సంస్థ సేవలు చాలా నామ మాత్రంగానే ఉన్నాయి. భారతీ టెలీమీడియాలో 20 శాతం వాటాను వార్‌బర్గ్‌ పింకస్‌ 2017 డిసెంబర్‌లో కొనుగోలు చేసింది.
ఇందుకు 350 మిలియన్‌ డాలర్లు పెట్టుబడి పెట్టింది. తాజా విలీనం తర్వాత కూడా వార్‌బర్గ్‌పింకస్‌ తన పెట్టుబడులను కొనసాగించనుంది. డీల్‌ అనంతరం భారతీ టెలీమీడియాను స్టాక్‌ మార్కెట్లలో లిస్ట్‌ కూడా చేయనున్నారు. డిష్‌ టీవీ డీటీహెచ్‌ వ్యాపారాన్ని భారతీ టెలీమీడియాలో విలీనం తర్వాత.. నాన్‌ డీటీహెచ్‌ సేవలతో కొనసాగుతుంది. ఇందులో డిష్‌ ఇన్‌ఫ్రా సేవలు ఉంటాయి. అలాగే, సీఅండ్‌ఎస్‌ మీడియానెట్‌లో 51 శాతం వాటా కలిగి ఉంటుంది. ఈ రెండూ దిగ్గజ కంపెనీలు కలవడం వల్ల వినోద రంగంలో పెను మార్పు చోటు చేసుకోవడం ఖాయం.
కామెంట్‌లు
కామెంట్‌ను పోస్ట్ చేయండి