మనోడికి కోటిన్నర ఆఫర్

తెలంగాణకు చెందిన కుర్రాడు సాయి చరిత్ రెడ్డి తన సత్తా చాటాడు. ఏకంగా కోటిన్నర వార్షిక వేతనాన్ని పొందాడు. కష్టపడితే ఏదైనా సాధించవచ్చని నిరూపించాడు ఈ కుర్రాడు. ఏదో తరగతి వరకు నల్లగొండ లో చదివిన ఈ కుర్రాడు జాక్ పాటు కొట్టడంతో ఇప్పుడు సోషల్ మీడియాలో వైరల్ గా మారాడు. ఐఐటీ బాంబే లో కంప్యూటర్ ఇంజనీరింగ్ చదువుతున్న ఈ స్టూడెంట్ ఓ చరిత్రను క్రియేట్ చేశాడు. ఇంజనీరింగ్ పూర్తి కాకుండానే క్యాంపస్ ప్లేస్మెంట్స్ లో ఐటీ దిగ్గజ కంపెనీ మైక్రో సాఫ్ట్ లో జాబ్ దక్కించుకున్నాడు. ఎంతో మంది పోటీలో ఉన్నా ఇతనొక్కడినే కంపెనీ ఎంపిక చేసుకుంది. అంటే ఇతడి సత్తా ఏమిటో అర్థం చేసుకోవచ్చు. మొత్తం 11 మందిని ఇంటర్వ్యూకు పిలిచారు. ఇందులో ముగ్గురిని మాత్రమే కంపెనీ ఎంపిక చేసింది. స్వస్థలం మాడ్గులపల్లి మండలం ధర్మపురం.

ముందు నుంచి ఇంజనీరింగ్ అంటే ఇష్టం. అందుకే ప్రతి పరీక్షలో టాప్ లో ఉంటూ వచ్చాడు. అన్ని టెస్టుల్లో సెలెక్ట్ అవుతూ రాణించాడు ఈ కుర్రాడు. స్వంతంగా నోట్స్ ప్రిపేర్ చేసుకోవడం. నిరంతరం ఇన్ఫర్మేషన్ సేకరించడం, మెంటార్స్, లెక్చరర్స్ తో డిస్కస్ చేయడం చేస్తూ వచ్చాడు. మాక్ టెస్టులకు కూడా అటెండ్ అయ్యాడు. జేఈఈ అడ్వాన్స్ లో 51 వ ర్యాంక్ సాధించాడు. ఇండియాలోని టాప్ ఐఐటీలలో ఒక్కటైన బాంబే ఐఐటీని ఎంచుకున్నాడు. అక్కడ కంప్యూటర్ సైన్స్ ఇంజనీరింగ్ కోర్సులో జాయిన్ అయ్యాడు. ఐఐటీలో అందరు అనుకున్నట్టు తీవ్ర వత్తిడి ఉంటుందని అనుకుంటారు. కానీ తానెప్పుడూ అలాంటి వత్తిళ్లకు లోను కాలేందన్నారు రెడ్డి.

చాలామంది కుర్రాళ్ళు సీటు వస్తే చాలని అనుకుంటారు. ఆ తర్వాత చదవడంపై కాన్సెన్ట్రేషన్ చేయరు. దీని వల్లనే వారు వత్తిళ్లకు లోనవుతారని అంటాడు ఈ కుర్రాడు. ఏరోజుకు ఆరోజు సిలబస్ పూర్తి చేసుకోవడం, సందేహాలు నివృత్తి చేసుకుంటే చాలు సక్సెస్ అదంతట అదే వస్తుందని అంటున్నాడు ఈ కుర్రాడు. సాయి చరిత్ తల్లిదండ్రులు మధ్యతరగతి కుటుంబం. వీరికి ఇద్దరు కొడుకులు. ఇద్దరూ కూడా మెరికల్లాంటి కుర్రాళ్ళు. పెద్దోడు మైక్రోసాఫ్ట్ కు ఎంపిక కాగా రెండో కొడుకు ప్రస్తుతం ఐఐటి చెన్నైలో చదువుతున్నాడు. మొత్తం మీద మన కుర్రాళ్ళు తెలంగాణకు పేరు తెస్తున్నారు ఈ రూపకంగా.