రాములో రాములా రికార్డులు భళా
విడుదల చేసిన కొద్దీ సేపట్లోనే యూట్యూబ్ ను షేక్ చేసింది. ఇది కూడా ఓ చరిత్రే. చిన్నప్పటి నుంచి నాటకాలు అంటే పడి చచ్చే కాసర్ల ఎన్నో పాటలు, గేయాలు రాశారు. పలు పాటల ఆల్బమ్స్ కూడా విడుదల చేశారు. అను కోకుండా సినిమా రంగంలోకి ఎంటర్ అయ్యాడు. తెలంగాణ నేపధ్యంలో చాలా పాటలు రాశారు. వరంగల్ శంకర్, సారంగపాణిలు కాసర్లకు అవకాశాలు ఇచ్చారు. తెలుగు యూనివర్సిటీలో ఎంఏ ఫోక్‌ ఆర్ట్స్‌ చదివాడు. ఆకాశవాణిలో యువవాణి కార్యక్రమాన్ని నిర్వహించారు. తాజాగా అల వైకుంఠపురములో కోసం రాసిన రాములో రాములా సౌత్‌ ఇండియాలోనే 24 గంటల్లో 8.3 మిలియన్‌ మంది యూట్యూబ్ లో వీక్షించారు.
20 రోజుల్లో 50 మిలియన్‌ మంది వీక్షించారు. ప్రముఖ హీరో వెంకటేష్, నాగచైతన్య నటిస్తున్న వెంకీ మామ, సాయిధరమ్‌ తేజ్‌ నటిస్తున్న ప్రతి రోజు పండగే, నితిన్‌ నటిస్తున్న భీష్మ ఇలా పలు సినిమాల్లోనూ పాటలు రాశారు కాసర్ల. ఇక బస్‌ స్టాప్‌ సినిమాలోని కలలు పాటకు 2012లో సంతోషం అవార్డు, వంశీ ఇంటర్నేషనల్‌ వారు సినారే అవార్డు, తెలుగు రచయితల అసోసియేషన్‌ నుంచి విశిష్ట రచన పురస్కారం, సింగిడి అవార్డులు ఆయనకు దక్కాయి.
మొదటి సారిగా శ్యామ్ కు 2003 లో డైరెక్టర్ బి.జయ చంటిగాడు సినిమాలో ఛాన్స్ ఇచ్చారు.
కృష్ణవంశీ మహాత్మాలో నీలపురి గాజులు రాసిన పాట హిట్ సాంగ్ గా నిలిచింది. అయినా ఛాన్స్ లు రాలేదు. మారుతి దర్శకత్వంలో వచ్చిన ఈ రోజుల్లో సినిమాలోని రింగ్‌ ట్రింగ్‌ పాటతో వెనక్కి తిరిగి చూసుకోలేదు. దేవిశ్రీప్రసాద్‌తో వర్క్‌ చేయాలనుకున్న కోరిక ఎఫ్‌2 సినిమా ద్వారా తీరింది. ఈ మూవీలోని రెచ్చి పోదాం బ్రదర్‌ పాట మోస్ట్ పాపులర్ సాంగ్ గా నిలిచింది. ఆ సినిమా బిగ్గెస్ట్ మూవీగా రికార్డు తీరుగా రాసింది. ఇస్మార్ట్‌ శంకర్ సినిమాలో దిమాక్‌ కరాబ్‌ అనే పాట కూడా మంచి పేరు తీసుకొచ్చింది. ఇప్పటి దాకా 150కు పైగా చిత్రాల్లో 350కు పైగా పాటలు రాశారు.
కామెంట్‌లు
కామెంట్‌ను పోస్ట్ చేయండి