ఓన్లీ రిలయన్స్ అదుర్స్


భారతీయ వ్యాపారాన్ని ఒంటి చేత్తో శాసిస్తున్న రిలయన్స్ గ్రూప్ ఆఫ్ కంపెనీ మరో అరుదైన ఘనతను స్వంతం చేసుకుంది. ఈ కంపెనీ మార్కెట్‌ క్యాప్‌ 10 లక్షల కోట్లకు చేరింది. ఈ స్థాయి మార్కెట్‌ క్యాప్‌ సాధించిన తొలి, ఏకైక ఇండియన్ కంపెనీగా నిలిచింది. ఇంట్రాడేలో ఆల్‌టైమ్‌ హై, 1,584ను తాకిన రిలయన్స్‌ ఇండస్ట్రీస్‌ షేర్‌ చివరకు 0.6 శాతం లాభంతో 1,580 వద్ద ముగిసింది. కంపెనీ మార్కెట్‌ క్యాప్‌ 10,01,555 కోట్లకు చేరింది. ఫలితంగా ఈ కంపెనీ ప్రమోటర్‌ ముకేశ్‌ అంబానీ సంపద 4,28,973 కోట్లకు చేరింది. ఒక్క రిలయన్స్‌ కంపెనీ మార్కెట్‌ క్యాప్‌.. 19 నిఫ్టీ కంపెనీల మార్కెట్‌ క్యాప్‌కు, మొత్తం నిఫ్టీ స్మాల్‌క్యాప్‌ సూచీలోని 250 కంపెనీల మార్కెట్‌ క్యాప్‌కు సమానం.

కంపెనీ షేర్‌ ధరను ఆ కంపెనీ మొత్తం షేర్లతో గుణిస్తే వచ్చే విలువను మార్కెట్‌ క్యాప్‌గా వ్యవహరిస్తారు. అతి తక్కువ కాలంలోనే రిలయన్స్‌ ఇండస్ట్రీస్‌ కంపెనీ 10 లక్షల కోట్ల మార్కెట్‌ క్యాప్‌ మైలురాయిని సాధించడం విశేషమని చెప్పక తప్పదు. వినియోగ ఆధారిత టెలికం, రిటైల్‌ రంగాల్లో పెట్టుబడుల వల్ల రిలయన్స్‌ ఈ ఫలితాన్ని పొందింది. ఈ రెండు విభాగాల వాటా కంపెనీ మొత్తం లాభాల్లో నిలకడగా పెరుగుతూ వస్తోంది. ఈ ఏడాది అక్టోబర్‌ నాటికి రిలయన్స్‌ మార్కెట్‌ క్యాప్‌ 9 లక్షల కోట్లకు పెరిగింది. కేవలం 25 ట్రేడింగ్‌ సెషన్లలోనే మార్కెట్‌ క్యాప్‌ లక్ష కోట్లు పెరిగి 10 లక్షల కోట్లకు చేరింది.

గత ఏడాది ఆగస్టులో 8 లక్షల కోట్ల మార్కెట్‌ క్యాప్‌ సాధించిన తొలి భారత కంపెనీగా అవతరించింది. ఈ ఏడాది ఇప్పటివరకూ సెన్సెక్స్‌ 14 శాతం పెరగ్గా, రిలయన్స్‌ ఇండస్ట్రీస్‌ షేర్‌ మాత్రం 41 శాతం ఎగబాకింది. రుణ రహిత కంపెనీగా నిలవాలన్న కంపెనీ లక్ష్యం, దానికి తగ్గట్లుగా ప్రయత్నాలు చేస్తుండటం, టెలికం టారిఫ్‌లను పెంచనుండటం, వినియోగదారుల వ్యాపారంపై దృష్టిని పెంచడం.. షేర్‌ జోరుకు కారణాలని నిపుణులంటున్నారు.

వచ్చే నెల నుంచి మొబైల్‌ చార్జీలను పెంచనున్నామని రిలయన్స్‌ జియో ప్రకటించినప్పటి నుంచి ఈ షేర్‌ పెరుగుతూనే ఉంది. కాగా ఈ క్యూ2లో రిలయన్స్‌ ఇండస్ట్రీస్‌ కంపెనీ రికార్డ్‌ స్థాయిలో 11,262 కోట్ల నికర లాభాన్ని ఆర్జించింది. ఇటీవల వరకూ అత్యధిక మార్కెట్‌ క్యాప్‌ ఉన్న కంపెనీ అనే ట్యాగ్‌ కోసం రిలయన్స్‌ ఇండస్ట్రీస్, టీసీఎస్‌ల మధ్య పోటీ ఉండేది. ఈ రేసులో ఈ రెండు కంపెనీలు నువ్వా నేనా అనే పోటీ పడేవి. ఇప్పుడు రెండో స్థానంలో ఉన్న టీసీఎస్‌కు, రిలయన్స్‌కు మధ్య తేడా 2 లక్షల కోట్ల మేర ఉండటం విశేషం. 

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

ధిక్కార ప‌తాకం - మూగ‌బోయిన స్వ‌రం - జ‌న నాయ‌కుడు ఇక లేడు..!

చిత్రం
విలువ‌లే ప్రామాణికంగా బ‌తికిన అరుదైన రాజ‌కీయ నాయ‌కుడు జార్జ్ ఫెర్నాండెజ్ ఇక సెల‌వంటూ వెళ్లిపోయారు. ఇందిర ఎమ‌ర్జెన్సీ కాలంలో ఉప్పెన‌లా ఎదిగివ‌చ్చారు. అపార‌మైన అనుభ‌వం క‌లిగిన వ్య‌క్తిగా ఆయ‌న పేరు తెచ్చుకున్నారు. ఈ దేశంలో జ‌రిగిన ప్ర‌ధాన ఉద్య‌మాల‌తో జార్జ్ కు ప్ర‌త్య‌క్షంగానో..లేక ప‌రోక్షంగానో సంబంధం ఉంది. ప్ర‌భాక‌ర‌న్ స్థాపించిన ఎల్ టీటీఇకి ఆయ‌న బేష‌ర‌త్తుగా మ‌ద్ధ‌తు ప్ర‌క‌టించి అప్ప‌ట్లో సంచ‌ల‌నం రేపారు. రాజ‌కీయవేత్త‌గా..మేధావిగా..ర‌చ‌యిత‌గా..జ‌ర్న‌లిస్టుగా..సంపాద‌కుడిగా..కార్మికప‌క్ష నేత‌గా ఎదిగారు. రాజ‌కీయాల‌లో సుదీర్ఘ‌మైన ప్ర‌యాణం చేసిన ఆయ‌న ఎన్నో విప్ల‌వాత్మ‌క మార్పుల‌కు శ్రీ‌కారం చుట్టారు. ఉన్న‌త స్థాయి ప‌ద‌వుల‌ను చేప‌ట్టినా ఏరోజు ప్ర‌జ‌ల‌ను మ‌రిచి పోలేదాయ‌న‌. ప్ర‌పంచ చ‌రిత్ర‌లో అరుదైన రైల్వే స‌మ్మెకు నాయ‌క‌త్వం వ‌హించి రికార్డు సృష్టించారు. మాన‌వుల పక్షాన నిలిచారు. ప్ర‌జ‌ల గొంతుక‌కు ప్రాణం పోశారు. ముంబైలో హాక‌ర్స్ యూనియ‌న్ లీడ‌ర్‌గా జీవితాన్ని ఆరంభించిన ఫెర్నాండేజ్ అంచెలంచెలుగా ఎదిగారు. దేశ రాజ‌కీయాల‌లో విస్మ‌రించ‌లేని నాయ‌కుడిగా త‌న‌ను తాను ప్రూవ్ చేసుకున్నారు. తెల...
మరింత చదవండి