వైరల్ గా మారిన ఉపాసన ట్వీట్
ఈ విషయాన్ని మోదీ ట్విటర్‌లో సైతం పంచుకున్నారు. అయితే మోదీ హిందీ ప్రముఖలను మాత్రమే కలవడంపై ఉపాసన అసహనం వ్యక్తం చేశారు. సౌత్ ఇండియా చిత్ర పరిశ్రమ నుంచి ఒక్క కళాకారుడికి కూడా ఆహ్వానం అందక పోవటంపై ఆమె అభ్యంతరం వ్యక్తం చేశారు. దక్షిణాది చిత్ర పరిశ్రమను పట్టించుకోవడం లేదని అభిప్రాయ పడ్డారు. ఈ విషయంపై ఆమె ప్రధానిని సూటిగా ప్రశ్నించడం..అంతటా చర్చనీయాంశంగా మారింది. ప్రధాని నరేంద్ర మోదీ.. మీరు ప్రధాని అయినందుకు దక్షిణాది ప్రజలు గర్విస్తున్నారు.
కానీ మీరు దక్షిణాది కళాకారులను ఖాతరు చేయక పోవటం మాత్రం నన్ను ప్రత్యేకంగా బాధించింది. దీన్ని మీరు అర్థం చేసుకుంటారని భావిస్తున్నాను అంటూ ఉపాసన కామినేని ట్వీట్ చేసింది. కాగా ఇక్కడి చిత్ర పరిశ్రమను చిన్న చూపు చూడటం అనాది నుంచి వస్తోంది. అయితే ఈ విషయంపై ప్రధానిని ధైర్యంగా గొంతెత్తి ప్రశ్నించిన ఉపాసనకు అన్ని వర్గాల నుంచి పెద్ద ఎత్తున మద్దతు లభిస్తోంది. ప్రస్తుతం ఆమె చేసిన పోస్ట్ వైరల్ గా మారింది.
కామెంట్‌లు
కామెంట్‌ను పోస్ట్ చేయండి