బిల్ గేట్స్ వరల్డ్ బిలియనీర్

మైక్రోసాఫ్ట్ అధిపతి బిల్ గేట్స్ అరుదైన ఘనతను సాధించారు. ఆయన ఏకంగా వరల్డ్ బిలియనీర్ గా అవతరించారు. తాజగా అమెజాన్​ ఓనర్​ కమ్​ సీఈవో జెఫ్​ బెజోస్​ను బిల్​ గేట్స్​ దాటేశారు. మళ్లీ ప్రపంచ కుబేరుడిగా నిలిచారు.బ్లూమ్ ​బర్గ్​ విడుదల చేసిన తాజా ప్రపంచ కుబేరుల జాబితాలో బిల్​గేట్స్​ మొదటి స్థానాన్ని దక్కించు కున్నారు. దాదాపు రెండేళ్ల తర్వాత మళ్లీ ఆయన ఫస్ట్​ ప్లేస్​లోకి వచ్చారు. క్లౌడ్​ కంప్యూటింగ్​ కాంట్రాక్ట్​ను అమెజాన్​కు కాకుండా మైక్రోసాఫ్ట్​కు పెంటగాన్​ అప్పగించడంతో సంస్థ ఆస్తులు మరింత పెరిగాయి. సుమారు 71,635 కోట్ల విలువైన ప్రాజెక్ట్​ను దక్కించు కోవడంతో మైక్రోసాఫ్ట్​ ఆస్తులు 11000 కోట్ల డాలర్లకు చేరుకున్నాయి.

వీటి విలువ దాదాపు 7.88 లక్షల కోట్ల రూపాయలకు చేరుకుంది. ప్రాజెక్టు దక్కడంతో కంపెనీ షేర్ల విలువ కూడా 4 శాతం పెరిగింది. అన్నీ కలిసి మైక్రోసాఫ్ట్​ అధిపతికి లక్​ను తీసు కొచ్చాయి. ఇక వస్తుందనుకున్న కాంట్రాక్ట్​ వేరే కంపెనీ ఎగరేసుకు పోవడంతో అమెజాన్​ షేర్ల విలువ 2 శాతానికి పడి పోయింది. దీంతో బెజోస్​ ఆస్తి 10,870 కోట్ల డాలర్లకు దిగ జారింది. యూరప్​కు చెందిన కోటీశ్వరుడు బెర్నార్డ్​ ఆర్నాల్ట్​ 10270 కోట్ల డాలర్లతో మూడో స్థానంలో నిలిచారు. కాగా బెజోస్​ రెండో స్థానానికి పడి పోవడానికి భార్య మెకంజీతో విడాకులూ ప్రభావం చూపించాయి.

విడాకుల తర్వాత భరణం కింద ఆమెకు బెజోస్​ 2.72 లక్షల కోట్ల రూపాయలు చెల్లించారు. విడాకులు కాక పోయుంటే, బెజోసే ప్రపంచంలో అత్యంత సంపన్నుడిగా ఉండే వారు. కాబట్టి విడాకులే ఆయన ర్యాంకుపై దెబ్బ కొట్టిందన్నది నిజమని నిపుణులు చెబుతున్నారు. ఇక, ఈ జాబితాలో ముఖేశ్​ అంబానీ 14 వ స్థానంలో నిలిచారు. దీంతో ఈ వ్యాపారవేత్త దగ్గర 4.06 లక్షల కోట్ల రూపాయల ఆస్తి ఉన్నది. ప్రపంచ వ్యాప్తంగా మొత్తం 500 మందితో బ్లూమ్​బర్గ్​ ఈ జాబితా విడుదల చేసింది. మొత్తం 17 మంది ఇండియన్లు ఈ జాబితాలో చోటు దక్కించు కోవడం విశేషం.