అమ్మకాల్లో షావోమీ సెన్సేషన్
దీంతో అటు ఆఫ్ లైన్ లో ఇటు ఆన్ లైన్ లో దుమ్ము రేపుతున్న సదరు కంపెనీ బడా కంపెనీలకు షాక్ ఇచ్చింది. అమ్మకాల్లో టాప్ రేంజ్ లో దూసుకెళుతూ కోలుకోలేకుండా చేస్తోంది. షావోమి మొబైల్ కంపెనీ 2013 లో స్టార్ట్ అయ్యింది. డిఫరెంట్ డిజైన్స్ తో రెడ్ మీ కంపెనీ మొబైల్స్ ను తయారు చేస్తోంది. అన్నిటికంటే యూత్ ను దృష్టిలో పెట్టుకుని వీటిని రూపొందిస్తున్నారు. బిగ్గెస్ట్ సేల్ పేరుతో అందరిని ఆకట్టుకునే రీతిలో గిఫ్ట్ లను అందజేస్తోంది షావోమి. కంపెనీ స్టార్ట్ చేసి 9 ఏళ్ళు కావస్తున్నా ఈసారి మొబైల్స్ అమ్ముడు పోయినంతగా గతంలో అమ్ముడు పోలేదు. శ్యాంసంగ్ , యాపిల్ కంపెనీలు షావోమి దెబ్బకు ధరలను తగ్గించక తప్పడం లేదు. ఆయా కంపెనీలు కూడా ఆఫర్ల మంత్రం జపిస్తున్నా కొనుగోలుదారులు మాత్రం అటు వైపు చూడటం లేదు. తమ స్నేహితుల ద్వారానో లేదా బంధువుల ద్వారానో బ్రాండ్ మొబైల్స్ ను తెప్పించుకుంటున్నారు. దీంతో మొబైల్స్ అమ్మకాలు పూర్తిగా తగ్గి పోయాయి. షావోమి కొట్టిన దెబ్బకు అబ్బా అంటున్నాయి దిగ్గజ మొబైల్స్ కంపెనీలు.
ఆయా కంపెనీలకు తీసిపోని రీతిలో తమ కంపెనీ మొబైల్స్ ఇస్తోందని, ఎక్కడా కొనుగోలుదారుల నుండి ఫిర్యాదులు రాలేదని చెబుతున్నారు షావోమి ఇండియా కేటగిరీస్ అండ్ ఆన్‌‌లైన్ సేల్స్ హెడ్‌ రఘు రెడ్డి. ఈ పండుగ కాలంలో ఇండియాలో 38 లక్షలకు పైగా స్మార్ట్‌‌ఫోన్లను అమ్మినట్టు వెల్లడించారు. అమెజాన్‌‌లో కూడా బెస్ట్‌ సెల్లింగ్‌ స్మార్ట్‌‌ఫోన్ బ్రాండ్‌‌గా షావోమీ నిలిచినట్టు చెప్పారు. మొత్తం మీద సెకనుకు 535 డివైజ్‌‌లను విక్రయించినట్లు తెలిపారు. కాగా స్మార్ట్‌‌ఫోన్లు, ఎంఐ టీవీలు, ఎంఐ బ్యాండ్స్‌, పవర్ బ్యాంక్‌ లు, ఇయర్ ఫోన్స్, ఏకో సిస్టం డివైజ్ లు, ఇతర యాక్ససరీస్ ప్రొడక్ట్‌‌లను ఎంఐ.కామ్, ఇతర పార్టనర్ ప్లాట్‌‌ఫామ్స్‌‌పై విక్రయిస్తోంది. గతేడాది పండుగ సీజన్‌‌లో 25 లక్షలకు పైగా స్మార్ట్‌‌ఫోన్లను అమ్మగా ఈసారి మాత్రం అన్ని కలిపి 50 లక్షలను దాటేసింది. ఇది కూడా ఓ రికార్డుగానే భావించాలి. రాబోయే రోజుల్లో షావోమి ఇంకెన్ని ఆఫర్స్ ప్రకటించి మార్కెట్ ను షేక్ చేయనుందో వేచి చూడాలి.
కామెంట్‌లు
కామెంట్‌ను పోస్ట్ చేయండి