విద్యా శాఖ నిర్లక్ష్యం..నిరుద్యోగుల పాలిట శాపం
గతంలో ఉమ్మడి రాష్ట్రంలో మూడు సార్లు ఉపాధ్యాయ నియామక పరీక్ష నిర్వహించారు. ఆ తర్వాత ఒకే ఒక్క సారి నోటిఫికేషన్ ఇచ్చారు. దీనిపై పలు ఆరోపణలు వచ్చాయి. అయినా సర్కార్ నుంచి స్పందన కనిపించలేదు. మరో వైపు ఎంసెట్ లో స్కామ్ జరగం, అది పూర్తిగా రద్దు చేయడం తిరిగి పరీక్ష చేపట్టడం జరిగింది. ఇంకో వైపు ఇంటర్ పరీక్షల్లో గ్లోబరీనా సంస్థ దెబ్బకు పిల్లలు సూసైడ్ చేసుకున్నా సర్కార్ స్పందించలేదు. వారికి కనీస కాంపన్సేషన్ ప్రకటించలేదు. దీనిపై విపక్షాలు గగ్గోలు పెట్టాయి. విద్యా శాఖలో ఎవరు ఏమి చేస్తున్నారో తెలియని పరిస్థితి నెలకొన్నది. వేలాది మంది ఇప్పటికే బిఈడీలు, ఎంఈడీలు, టీటీసీ లు ఉత్తీర్ణులైన వారున్నారు. వీరు ప్రభుత్వ పరంగా లేదా ప్రైవేట్ గా ఉద్యోగాలు పొందాలన్నా లేదా ఇంకా ఎక్కడైనా కొలువు చేయాలంటే తప్పనిసరిగా ఉపాధ్యాయ అర్హత పరీక్ష పాస్ కావాల్సిందే.
టెట్ నిర్వహణకు అనుమతించాలని కోరుతూ ప్రభుత్వానికి పాఠశాల విద్యా శాఖ నాలుగు నెలల క్రితం ప్రతిపాదనలు పంపించింది. ఉపాధ్యాయ పోస్టుల భర్తీలో టెట్ మార్కులకు 20 శాతం వెయిటేజీ ఉంది. దీంతో అభ్యర్థులు ఈ పరీక్షపై ఎక్కువగా దృష్టి పెడుతున్నారు. మార్కులు పెంచుకునేందుకు టెట్‌కు హాజరవుతున్నారు. ప్రైవేటు స్కూళ్లలో టీచర్‌గా పని చేసేందుకు కూడా టెట్ అర్హతను కేంద్ర, రాష్ట్ర ప్రభుత్వాలు తప్పనిసరి చేశాయి. దీంతో డీఈడీ, బీఈడీ పూర్తి చేసిన అభ్యర్థులు భారీ సంఖ్యలో టెట్ కోసం ఎదురుచూస్తున్నారు. దీనికి తోడు గతంలో నిర్వహించిన మూడు టెట్ల కాల పరిమితి ముగిసింది. ఒకసారి టెట్‌లో అర్హత సాధించిన అభ్యర్థికి ఏడేళ్ల వరకు కాల పరిమితి ఉంటుంది. దాటితే మళ్లీ టెట్ పరీక్ష రాయాలి. తెలంగాణ రాష్ట్రం ఏర్పడిన ఆరేళ్లలో కేవలం 2016 , 2017 లలో మాత్రమే టెట్ నిర్వహించారు. ఎన్‌సీటీఈ నిబంధనల ప్రకారం ఏటా రెండుసార్లు నిర్వహించాలి. టెట్ పరీక్ష కోసం లక్షలాది మంది నిరుద్యోగులు, విద్యార్థులు వేచి చూస్తున్నారు. ప్రభుత్వం కొలువులు భర్తీ చేయక పోయినా కనీసం టెట్ ఎగ్జామ్ అయినా చేపడితే బావుంటుందని వేడుకుంటున్నారు.
కామెంట్‌లు
కామెంట్‌ను పోస్ట్ చేయండి