అటు అరెస్టులు..ఇటు ఆందోళనలు
దీంతో కార్మికులు చేస్తున్న సమ్మె విరుద్ధమని, నిర్దేశించిన గడువు లోగా విధుల్లోకి చేరాలని, లేకపోతే ఆయా విభాగాలలో పనిచేస్తున్న వారందరిని ఉద్యోగాల నుంచి శాశ్వతంగా తీసి వేస్తామని హెచ్చరించారు. ఆ మేరకు సంబంధిత రవాణా శాఖామంత్రి పువ్వాడ అజయ్ కుమార్ వెల్లడించారు. అయినా ఆర్టీసీ జేఏసీ ఏ మాత్రం ఒప్పుకోలేదు. తమ సంస్థను ప్రభుత్వంలో విలీనం చేసేంత దాకా తమ ఆందోళన కొనసాగిస్తామని జేఏసీ కన్వీనర్ అశ్వత్థామ రెడ్డి హెచ్చరించారు. మొదటి రోజు సమ్మె సక్సెస్ అయ్యింది. కొద్దీ మంది మినహా 90 శాతానికి పైగా కార్మికులు , సిబ్బంది విధుల్లోకి వెళ్ళలేదు. దీంతో ప్రభుత్వం ప్రత్యామ్నాయ ఏర్పాట్లు చేసింది. తాత్కాలికంగా డ్రైవర్లు, కండక్టర్లను నియమించింది. వారికి రోజుకు డ్రైవర్లకు 1500 , కండక్టర్లకు 1000 రూపాయల చొప్పున చెల్లిస్తోంది. అయినా ఎక్కడ కూడా ఆర్టీసీ నేతలు, కార్మికులు అడ్డుకోలేదు. శాంతియుతంగా ఆందోళన చేపట్టారు.
ఇదిలా ఉండగా గన్ పార్కు వద్ద అమర వీరులకు నివాళులు అర్పించేందుకు వెళ్లిన జేఏసీ కన్వీనర్ అశ్వత్థామ రెడ్డి తో పాటు ఇతర నేతలను పోలీసులు అరెస్ట్ చేశారు. ఎక్కడికక్కడ ఆర్టీసీ సంఘాల నేతలను అడ్డుకున్నారు. సర్కార్ బెదిరింపులకు భయపడేదిలేదని, అక్రమ అరెస్టులతో ఉద్యమాన్ని ఆపలేరని అన్నారు. మరో వైపు నేతలు బయటకు వచ్చినట్టు సమాచారం. ఇదిలా ఉండగా ఆర్టీసీ సమ్మెతో ఊళ్లలోకి వెళ్లేందుకు సిద్దమైన జనానికి పండగ వేళ ప్రయాణ కష్టాలు కొనసాగుతున్నాయి. ప్రభుత్వం చేసిన ప్రత్యామ్నాయ ఏర్పాట్లు సరిపోక పోవటంతో ప్రైవేటు వాహనాలను ఆశ్రయిస్తున్నారు జనం. అయితే ఇదే అదునుగా భావిస్తున్న ప్రవేటు యాజమాన్యాలు అందినంత మేర దండుకుంటున్నారు. ప్రభుత్వం మాత్రం ఆర్టీసీ సంఘాల నేతలతో చర్చలు జరిపే ప్రసక్తి లేదని అంటోంది. కాగా తాము అవసరమైతే సుప్రీం కోర్టుకు వెళతామని నేతలు అంటున్నారు.
కామెంట్‌లు
కామెంట్‌ను పోస్ట్ చేయండి