యురేనియం వద్దే వద్దు.. హ్యాట్స్ ఆఫ్ యూ..శేఖర్ కమ్ముల..!
వీళ్ళు తెరపై హీరోలు ..నిజ జీవితంలో జీరోలు. సినిమాల్లో చిలుక పలుకులు ..కానీ ఆదాయంపైనే మక్కువ ఎక్కువ. సామాజిక భాధ్యతను వీరు స్వీకరించేందుకు ఇష్టపడరు. శీతల పానీయాల వల్ల ఎన్నో రోగాలు వస్తున్నాయని పలువురు హెచ్చరిస్తుంటే, యాడ్స్ లలో నటిస్తూనే ఉన్నారు. ఇక తాజా విషయానికి వస్తే దర్శకుడు శేఖర్ కమ్ముల నల్లమల పై సంచలన కామెంట్స్ చేశారు. దయచేసి నల్లమలలో యురేనియం తవ్వకాలు తక్షణమే నిలిపి వేయాలని , దీనిని చేపట్టడం వల్ల మానవాళికి తీవ్ర ప్రమాదం ఏర్పడనుందని ఆవేదన వ్యక్తం చేశారు. ఈ విషయాన్ని ట్విట్టర్ ద్వారా పంచుకున్నారు. ప్రకృతి సౌందర్యానికి, అడవి బిడ్డలకు, జంతు జీవాలకు అది కేంద్రంగా ఉందని పేర్కొన్నారు.
యురేనియం పేరుతో పర్యావరణానికి హాని తలపెట్టేలా ప్రభుత్వం చేయవద్దంటూ విన్నవించారు. చుట్టూ పక్కల ప్రజలు రోగాల బారిన పడతారు. నల్లమలను నమ్ముకున్న ఆదివాసులు క్యాన్సర్ రోగానికి బలవుతారని ఆందోళన వ్యక్తం చేశారు. చెంచులు, ఇతర అటవీ వాసులు నివశిస్తున్న ప్రాంతం అయిన నల్లమల సమూలంగా నాశనం అవుతుంది. కృష్ణ , దాని ఉపనదులు కలుషితం అవుతాయి. ఇప్పటికే చాలా మంది ప్రమాదకరమైన వ్యాధుల బారిన పడ్డారు. దయచేసి యురేనియం నిక్షేపాల కోసం తవ్వకాలను జరపవద్దంటూ కోరారు శేఖర్ కమ్ముల. ప్రభుత్వం యుద్ధ ప్రాతిపదికన యురేనియంపై పునరాలోచించాలి. తక్షణమే చెంచులను, ఇతర ఆదివాసులను, పర్యావరణాన్ని మొత్తంగా నల్లమల అడవులను, అందాలను కాపాడాలి అని కోరారు. ఇదే అంశాన్ని కేటీఆర్ కు ట్వీట్ చేశారు. పొద్దాస్తమానం బంగారు తెలంగాణ అంటూ మాట్లాడే ప్రజాప్రతినిధులు, మంత్రులు ఈ దర్శకుడిని చూసి నేర్చుకోవాలి. కవులు, కళాకారులు, నటీ నటులు, దర్శకులు, రచయితలు, గాయకులు, ప్రజాస్వామిక వాదులు, నిబద్దత కలిగిన జర్నలిస్టులు , పర్యావరణ వేత్తలు, సామాజిక కార్యకర్తలు పాలకుల చర్యలను ఖండించాల్సిన అవసరం ఎంతైనా ఉంది.
కామెంట్‌లు
కామెంట్‌ను పోస్ట్ చేయండి