బంగారు త‌ల్లీ..హిమ‌దాస్ ..నీకో స‌లాం..!
ఇదే క‌సితో నువ్వు మైదానంలోకి అడుగు పెట్టాల. ఒక‌టా రెండా ఎంతో పోటీని త‌ట్టుకుని అయిదు బంగారు ప‌త‌కాలు తీసుకున్న నీకు అభినంద‌న‌లు. నీవు సాధించిన ఈ విజ‌యాలు..ఈ ప‌త‌కాలు ..నీకు మాత్ర‌మే కాదు..నిన్ను క‌న్న‌వారికి..నిన్ను పంపించిన ఊరికి..వంద కోట్ల‌కు పైగా ఉన్న జ‌నానికి నువ్వు ఆద‌ర్శంగా నిలిచావు. గ‌ర్వ‌కార‌ణ‌మై ఉండి పోయావు. ఇండియ‌న్ స్టార్‌గా మ‌రోసారి నిన్ను నీవు నిరూపించుకున్నావు. ప్ర‌పంచ క‌ప్ మాయ‌లో ప‌డిన ఈ బుద్దిలేని జ‌నానికి నువ్వు ఓ పాఠంగా మిగిలి పోతావు. పీటి ఉష, అశ్వ‌నీ నాచ‌ప్ప , మేరీ కోమ్ లాంటి వాళ్ల స‌ర‌స‌న నువ్వు కూడా చేరావు. త‌ల్లీ నువ్వు ఇలాగే ఉండాలి. స్టార్ స్ప్రింట‌ర్‌గా ఇప్ప‌టికే పేరు తెచ్చుకున్న నీవు 20 రోజుల వ్య‌వ‌ధిలో ఐదో స్వ‌ర్ణం తీసుకోవ‌డం ఓ రికార్డు. తాజాగా నోవ్ మెస్టోనాడ్ మెటుజీ గ్రాండ్ ప్రిక్స్ లో అద్భుత‌మైన ప్ర‌ద‌ర్శ‌న చేప‌ట్టి చేజిక్కించుకుంది.
కేవ‌లం 52.09 సెకండ్ల‌లోనే 400 మీట‌ర్ల రేసును పూర్తి చేసింది. 2018 ఏషియ‌న్ గేమ్స్ లో త‌న బెస్ట్ ర‌న్ టైమ్ 50.79 రికార్డును ఆమె తిర‌గ రాసింది. బంగారు ప‌త‌కాన్ని గెలుచుకుంది. హిమ‌దాస్‌కు తెలిసింద‌ల్లా క‌ష్ట‌ప‌డ‌ట‌మే. ఉద‌యం నుంచి ప‌డుకునే దాకా ప‌రుగులు తీయ‌డ‌మే. మొన్న జ‌రిగిన 200 మీట‌ర్ల రేసును ఆమె 23.25 సెక‌న్ల‌లో ముగించి గోల్డ్ మెడ‌ల్ సాధించింది. వీకే విస్మ‌య 23.43 సెక‌న్ల టైమింగ్‌తో ర‌జ‌తం గెల్చుకుంది. మిగ‌తా బంగారు ప‌త‌కాల‌ను ఈనెల 2న జ‌రిగిన పొజ‌న్ అథ్లెటిక్ గ్రాండ్ ప్రీ పోటీలో 200 మీట‌ర్ల రేస్‌ను 23.65 సెక‌న్ల‌తో పూర్తి చేసి తొలి గోల్డ్ సాధించింది. 7న కుంటో అథ్లెటిక్ మీట్‌లో 23.97 సెక‌న్ల టైమింగ్‌తో రెండో ప‌త‌కాన్ని గెల్చుకుంది. 13న క్లాడ్నో అథ్లెటిక్ మీట్‌లో 23.43 సెక‌న్ల రేస్ పూర్తి చేసి మూడో బంగారు ప‌త‌కాన్ని ఒడిసి ప‌ట్టుకుంది. రాబోయే రోజుల్లో హిమ‌దాస్ ప‌రుగులు తీస్తూనే మ‌రిన్ని బంగారు ప‌త‌కాలు తీసుకు రావాల‌ని, దేశానికి గ‌ర్వ‌కార‌ణంగా నిల‌వాల‌ని కోరుకుందాం.
కామెంట్‌లు
కామెంట్‌ను పోస్ట్ చేయండి