జ‌గ‌న్ ప్ర‌జా ద‌ర్బార్ - జ‌నంతో ముఖాముఖి
అవినీతి, అక్రమాల‌కు తావు ఉండ‌రాద‌ని, ఎవ‌రైనా అడిగినా లేదా డిమాండ్ చేసినా త‌క్ష‌ణ‌మే త‌నకు నేరుగా ఫోన్ చేయాల‌ని జ‌గ‌న్ సూచించారు. ఆ మేర‌కు వెంట‌నే త‌న నెంబ‌ర్ ఇవ్వాల‌ని ఆదేశించారు. మ‌రో వైపు కీల‌క‌మైన నిర్ణ‌యం తీసుకున్నారు. జూలై 1 నుంచి ప్ర‌జా ద‌ర్బార్‌ను ప్రారంభిస్తున్న‌ట్లు వెల్ల‌డించారు. ప్ర‌తి రోజూ ఒక గంట పాటు సామాన్య ప్ర‌జ‌ల కోసం కేటాయించ‌నున్న‌ట్లు తెలిపారు. దీని ద్వారా ప్రజలు త‌న పాల‌న గురించి ఏమ‌నుకుంటున్నారో తెలుసుకునే వీలు క‌లుగుతుంద‌ని, అంతేకాకుండా తాను ఇంకేం చేయాలో కూడా తెలుస్తుంద‌ని, అందుకే ఈ కార్య‌క్ర‌మానికి శ్రీ‌కారం చుట్టాన‌న్నారు. ఈ కార్య‌క్ర‌మం త‌న క్యాంపు కార్యాల‌యంలో ఉంటుంద‌న్నారు. గ‌తంలో త‌న తండ్రి ఉమ్మ‌డి ఏపీకి సీఎంగా ఉన్న త‌న తండ్రి డాక్ట‌ర్ వై.ఎస్. రాజశేఖ‌ర్ రెడ్డి సైతం ఉద‌యం వేళ‌ల్లో ప్ర‌జ‌ల‌ను క‌లుసుకునే వారు.
అప్ప‌టిక‌ప్పుడే సంత‌కాలు చేసేవారు. సంబంధిత శాఖాధికారుల‌కు ఆదేశాలు వెళ్లేవి. సేమ్ టు సేమ్..త‌న తండ్రి అడుగు జాడ‌ల్లో కొడుకు న‌డుస్తున్నాడ‌ని అనుకోవాలి. ఏపీ ప్రజలు ఓ ర‌కంగా సంతోషానికి లోన‌వుతున్నారు ఈ యువ నేత పాల‌న‌ను చూసి. ఇందు కోసం ఉన్న‌తాధికారులు ఏర్పాట్ల‌లో నిమ‌గ్న‌మ‌య్యారు. ప్ర‌జ‌ల‌కు మెరుగైన పాల‌న అందించాల‌న్నా, సంక్షేమ ప‌థ‌కాలు అమ‌లు కావాల‌న్నా కేవ‌లం క‌లెక్ట‌ర్లు, ఆర్డీఓలు, ఇత‌ర ఉన్న‌తాధికారుల వ‌ల్ల కాద‌ని జ‌గ‌న్ తెలుసుకున్నారు. అందుకే ప్ర‌తి గ్రామానికి వాలంటీర్ ను నియ‌మిస్తున్న‌ట్లు వెల్ల‌డించారు. ఇంట‌ర్ అర్హ‌త ఉండాల‌ని, వారికి ప్ర‌తి నెలా 5 వేల రూపాయ‌ల గౌర‌వ వేత‌నం ఇస్తున్న‌ట్లు ప్ర‌క‌టించారు. త‌న క్యాంపు కార్యాల‌యం ఆవ‌ర‌ణ‌లో ఓ వైపు ఆయ‌న కోసం వ‌చ్చే సంద‌ర్శ‌కులు వేచి ఉండేందుకు ఓ షెడ్యును ఏర్పాటు చేస్తున్నారు. వ‌స‌తి సౌక‌ర్యాలు క‌ల్పిస్తున్నారు. ప్ర‌జాద‌ర్బార్ లో ప్ర‌జ‌ల నుంచి వ‌చ్చే విన‌తులు, నివేద‌ల‌ను సీఎం స్వీక‌రిస్తారు.
కామెంట్‌లు
కామెంట్‌ను పోస్ట్ చేయండి