అనిల్ కు పుత్రోత్సాహం
గతేడాది ఎఫ్‌2తో బాక్సాఫీస్‌ దగ్గర నవ్వులు కురిపించన అనిల్ ప్రస్తుతం సరిలేరు నీకెవ్వరు సినిమాకు పని చేస్తున్నారు. అనిల్ రావిపూడికి కొడుకు పుట్టడంతో కుటుంబంలో సంతోషం నెలకొంది. దీంతో అనిల్ ఇంట్లో సంక్రాంతి పండగ ముందుగానే వచ్చినట్టయింది. కాగా అనిల్, భావనల జంటకు శ్రేయాస్వి అనే కూతురు ఉంది. కూతురుతో ఆడుకోడానికి మరో బుడతడు వచ్చేయడంతో ఆ ఇంట్లో ఆనందం నెలకొంది. ఈ సందర్భంగా సూపర్‌స్టార్‌ మహేశ్‌బాబు అనిల్ రావిపూడికి అభినందనలు తెలిపాడు.
పలువురు సినీప్రముఖులు అనిల్‌కు కంగ్రాట్స్‌ తెలియ జేస్తున్నారు. సరిలేరు నీకెవ్వరు సినిమాలో మహేశ్‌ను మాస్‌ యాంగిల్స్‌లో చూస్తారని, అభిమానులు తప్పకుండా ఆదరిస్తారని ధీమా వ్యక్తం చేశాడు ఈ డైరెక్టర్. అయితే ఈ చిత్రంలో మాస్‌తో పాటు కావాల్సినంత కామెడీ కూడా ఉంటుందని ఆయన పేర్కొన్నాడు. మూవీలో మహేశ్‌ సరసన రష్మిక మందన్నా నటించారు. దేవీ శ్రీ ప్రసాద్‌ సంగీతం అందించిన ఈ చిత్రం త్వరలో విడుదల కానున్న విషయం తెలిసిందే. అయితే సినిమా కోసం ఫ్యాన్స్ ఎంతో ఉత్కంఠతో ఎదురు చూస్తున్నారు.
కామెంట్‌లు
కామెంట్‌ను పోస్ట్ చేయండి