ఓయో బంప‌ర్ ఆఫ‌ర్..హోట‌ల్ ఓన‌ర్స్‌కు ల‌క్కీ ఛాన్స్
అందివ‌చ్చిన టెక్నాల‌జీని ఉప‌యోగించుకుని మొత్తం ప్ర‌పంచ‌లోని ప్ర‌తి హోట‌ల్‌తో అనుసంధానం అయ్యేలా చేశాడు రితీష్. అత‌డి దెబ్బ‌కు ఇపుడు త్రీ, ఫోర్, ఫైవ్ స్టార్ హోట‌ళ్ల‌న్నీ ఓయో స‌క్సెస్‌ను చూసి షాక్‌కు గుర‌వుతున్నాయి. ఇండియాలో టాప్ రేంజ్‌లో ఉన్న హోట‌ల్స్ రూమ్స్ బుకింగ్ ఇపుడు అంత‌ర్జాతీయ మార్కెట్‌లోకి ప్ర‌వేశించింది. ఎక్క‌డి చైనా..అక్క‌డ నెగ్గుకు రావాలంటే ఎంత ద‌మ్ముండాలి. అక్క‌డి మార్కెట్‌ను ఈజీగా అర్థం చేసుకున్న రితేష్..పూర్తిగా చైనా హోట‌ళ్ల‌తో ఓ బిగ్ నెట్ వ‌ర్క్‌నే ఏర్పాటు చేశాడు. ఇపుడు చైనాలో ఓయో ఓ సెన్సేష‌న్. త‌న మార్కెట్‌ను మరింత విస్త‌రించేందుకు డిఫ‌రెంట్‌గా ప్లాన్ చేశాడు..ఓయో అధిప‌తి. ఆయా హోట‌ల్ య‌జ‌మానుల‌కు బంప‌ర్ ఆఫ‌ర్ ఇచ్చాడు. క‌స్ట‌మ‌ర్లు ఒక్క‌సారి ఓయోతో క‌నెక్ట్ అయితే తిరిగి త‌మ సేవ‌ల‌ను పొందేలా ఉండేందుకు మ‌రిన్ని సౌక‌ర్యాల‌ను క‌ల్పించేందుకు ప్ర‌ణాళిక రూపొందించాడు.
ఇందు కోసం ఆధునికంగా హోట‌ళ్ల‌ను తీర్చిదిద్దాల‌ని నిర్ణ‌యం తీసుకున్నారు రితేష్. ఇందుకోసం క‌స్ట‌మ‌ర్లు ఫుల్ సంతృప్తి చెందేలా ..ఓయో హోట‌ళ్లన్నింటిని స‌రికొత్త రీతిలో డిజైన్ చేస్తున్నారు. దీని కోసం త‌మ కంపెనీతో టై అప్ అయిన హోట‌ల్ య‌జ‌మానుల‌కు క్యాష్ ఇన్ బ్యాంక్ కార్య‌క్ర‌మం కింద 45 కోట్ల రూపాయ‌ల‌ను అంద‌జేసింది. హోట‌ల్ ప‌రిశ్ర‌మ రంగంలో ఇలాంటి కార్య‌క్ర‌మం చేప‌ట్ట‌డం ఇదే మొద‌టిసారి. ఈ ప్రోగ్రామ్ కింద 9 వేల మందికి పైగా ల‌బ్ది పొంద‌నున్నారు. ఇదే స‌మ‌యంలో నాణ్య‌మైన స‌ర్వీసులు, సౌక‌ర్యాలు ఏర్పాటు చేయ‌ని 1000 మంది హోట‌ల్ య‌జ‌మానులపై జ‌రిమానా కూడా విధించింది ఓయో. ఇండియాలో, సౌత్ ఏషియాలో త‌న‌కున్న 10 వేలకు పైగా ఉన్న హోట‌ల్స్‌లో 3సీ ఎవాల్యూయేష‌న్ ప్రోగ్రామ్‌ను చేప‌డుతోంది. దీనిలో భాగంగా ఫైన్ విధించింది. క‌స్ట‌మ‌ర్లు, టూరిస్టుల‌కు స్వ‌ర్గ‌ధామంగా ఫీల్ అయ్యేలా చేయ‌డం త‌మ ముందున్న క‌ర్త‌వ్య‌మంటున్నారు ఓయో సిఇఓ. అత‌డి క‌ల నెర‌వేరాల‌ని ఆశిద్దాం.
కామెంట్‌లు
కామెంట్‌ను పోస్ట్ చేయండి