!..వైకల్యాన్ని అధిగమించి..విజేతగా నిలిచి..! జయహో మానసి..!
ఈ అమ్మాయి వర్ధమాన ఆటగాడు పుల్లెల గోపీచంద్ అకాడెమీలో శిక్షణ పొందింది. పరుల పర్మాన్ ను ఓడించి గెలుపొందింది. మహారాష్ట్ర కు చెందిన మానసి జోషి సాఫ్ట్ వెర్ ఇంజనీర్. ముంబైలోని ప్రముఖ కంపెనీలో పని చేస్తోంది. 2011 లో రోడ్డుపై వెళుతుండగా అనుకోకోకుండా ప్రమాదానికి గురైంది. ఈ ప్రమాదంలో ఆమె ఎడమ కాలును తొడ భాగం వరకు తొలగించారు. చేతి వేళ్ళు కూడా చిట్లి పోయాయి. నెలన్నర పాటు బెడ్ మీదే ఉన్నది . అంతా ఇక మానసి పని అయిపోయిందని అనుకున్నారు. కానీ ఆమె ఏరోజైతే ఆస్పత్రిలో చేరిందో ఆరోజే తన వైకల్యాన్ని అధిగమించాలని కంకణం కట్టుకుంది.
చిన్నప్పటి నుంచి మానసికి బ్యాడ్మింటన్ అంటే ఇష్టం. ఈ ఆటలోనే తానేమిటో ఈ ప్రపంచానికి చాటి చెప్పాలని అనుకుంది. 2012 లో కృత్రిమ కాలు ధరించి మళ్ళీ మైదానంలోకి అడుగు పెట్టింది. 2014 లో జాతీయ స్థాయిలో ఆడి సత్తా చాటింది . గోపి అకాడెమీలో ట్రైనింగ్ తీసుకుంటూ నేషనల్, ఇంటర్నేషనల్ స్థాయి పోటీల్లో పతకాలు సాధించింది. సింగిల్స్ పోటీల్లో కాంస్యం గెలుచుకుంది. ప్రపంచం గుర్తు పెట్టుకునేలా ఆడింది మానసి. ఇప్పుడు ఆమెను చూసి ఈ జాతి యావత్తు గర్విస్తోంది. సలాం చేస్తోంది. కాలు కోల్పోయినా విజేతగా నిలిచిన ఆమె ప్రయత్నం గొప్పది కదూ.
కామెంట్‌లు
కామెంట్‌ను పోస్ట్ చేయండి