ముఖేష్ అభయం..జియోకు లాభం
ఇంకేం ఇండియన్ మార్కెట్ ఒక్కసారిగా కుదుపునకు లోనైంది. టెలికం రంగంలో జియో సంచలనం రేపింది. దాని దూకుడుకు అడ్డే లేకుండా పోయింది. ఒకే ఒక్క ప్రకటనతో గత జూన్ నెలలో 33 కోట్ల మందితో ఉన్నకస్టమర్లు ఏకంగా ఒక్క రోజులోనే మరో 82 లక్షల మంది జియో కనెక్షన్ కొత్తగా తీసుకున్నారు. ఇది ఓ రికార్డ్ . ఇదే సమయంలో ఇప్పటి దాకా టాప్ పొజిషన్ లో ఉన్న ఎయిర్ టెల్ , వోడాఫోన్ , ఐడియా టెలికం కంపెనీలు అంతకంతకు తమ కస్టమర్లను కోల్పోతున్నాయి. వీరికి చెందిన కస్టమర్లు జియో లోకి మారి పోతున్నారు. జూన్ నెలలో ఈ రెండు కంపెనీలు ఏకంగా 41 లక్షలకు పైగా చందాదారులను కోల్పోయాయి. ఈ వివరాలను టెలికం రెగ్యులేటరీ అథారిటీ ఆఫ్ ఇండియా - ట్రాయ్ తాజాగా వెల్లడించింది.
భారీ ఎత్తున కస్టమర్లను కోల్పోతుండడం తో ఆయా కంపెనీలకు పెద్ద మొత్తంలో నష్టం వాటిల్లుతోంది. వోడా ఫోన్ నుండి 41 లక్షల మంది వెళ్లి పోతే , ఎయిర్ టెల్ నుంచి 29,౮౮౩ మంది చందాదారులు మరో నెట్ వర్క్ కు మారారు. దీంతో ఆ నెలాఖరు నాటికి వోడాఫోన్ , ఐడియా కస్టమర్లు 38 కోట్లకు పది పోగా రిలయన్స్ రెండో స్థానంలో , ఎయిర్ టెల్ మూడో ప్లేస్ లో ఉండి పోయింది. అయితే విచిత్రం ఏమిటంటే ప్రైవేట్ టెలికం ఆపరేటర్ల చందాదారులు ఇతర నెట్ వర్క్ లోకి మారిపోతే , బీఎస్ ఎన్ ఎల్ కస్టమర్లు మాత్రం అంతకంతకు పెరుగుతూ ఉండడం మార్కెట్ వర్గాలను విస్తు పోయేలా చేసింది. ఇదే నెలలో ఈ ప్రభుత్వ కంపెనీకి 2 లక్షల మంది కొత్తగా కనెక్షన్ తీసుకున్నారు. జియో రాకతో ఆర్థిక ఇబ్బందులు ఎదుర్కొన్న వొడాఫోన్‌ ఐడియా, ఎయిర్‌టెల్‌ సంస్థలు వాటి నుంచి గట్టెక్కేందుకు.. ‘ప్రతినెలా కనీస రీఛార్జి చేసుకుంటేనే, ఇన్‌కమింగ్‌ సేవలు లభిస్తాయనే’ షరతు విధించాయి. దీంతో చందాదారులను కోల్పోవాల్సిన పరిస్థితి ఏర్పడింది.
కామెంట్‌లు
కామెంట్‌ను పోస్ట్ చేయండి