గూగుల్ సెలెబ్రెటీ సన్నీ లియోన్

ఇండియాలో మోస్ట్ పేవరబుల్ సెలెబ్రెటీ ఎవరని గూగుల్ లో వెతికితే , ప్రపంచంలో పోర్న్అ స్టార్ గా పేరొందిన సన్నీ లియోన్ టాప్ పొజిషన్ లో ఉండడం నెటిజన్లను విస్తు పోయేలా చేసింది. నెట్ కనెక్టివిటీ పెరగడం, సాంకేతికత అందుబాటు లోకి రావడం, దేనినైనా నిమిషాల్లో తెలుసుకునే వీలు కలగడంతో జనం దీని వైపు ఎక్కువగా మొగ్గు చూపుతున్నారు. జియో ఇండియాలో వచ్చాకా డేటా ఇచ్చి పుచ్చు కోవడం అన్నది జీవితంలో ముఖ్యమైంది. దీని నుంచి తప్పించు కోలేని పరిస్థితి నెలకొన్నది. కోట్లాది మంది ప్రతి రోజు సమాచారం కోసమో లేక వృత్తి విభాగాలలో ఇప్పటికే ఉన్నవారు, విద్యార్థులు , ఉద్యోగులు, ప్రొఫెషనల్స్ , ఇలా ప్రతి ఒక్కరు గూగుల్ మీద ఆధార పడుతున్నారు.

కేవలం సెకన్లలో మనకు కావలిసిన సమాచారాన్ని అందజేస్తుంది. స్మార్ట్ ఫోన్స్ వచ్చాక , ఆండ్రాయిడ్ ప్లాట్ ఫార్మ్ మీద అన్ని మొబైల్స్ పని చేస్తుండడం ..డేటా ఈజీగా వాడుకునే సౌలభ్యం కలగడంతో పిల్లల నుండి పెద్దల దాకా ఇందులోనే కాలక్షేపం చేస్తున్నారు. ప్రపంచం గురించి వదిలి వేస్తే, ఇండియాలో ఎక్కువగా యూత్ తో పాటు పెద్దలు కూడా ప్రతి రోజు బూతు ను చూడకుండా ఉండలేక పోతున్నారని ఓ సర్వేలో తేలింది . ఇది అత్యంత ప్రమాదకరం. విలువలు బోధించాల్సిన వాళ్ళు, బంధాలను పోగేసుకోవాల్సిన వాళ్ళు , మతి గతి తప్పేలా లెక్కలేనంత బూతు నెట్టింట్లో హల్ చల్ చేస్తోంది.

పలుమార్లు సదరు సైట్లపై బ్యాన్ విధించాలని పలువురు కోరినా వాటిని నియంత్రించే సాధనం ఏమీ లేదని చేతులెత్తేశారు. ఇక గూగుల్ లో లెక్కలేనన్ని బూతు సినిమాల్లో నటించిన ఈ అమ్మడి గురించి ఇండియన్ గూగుల్ సైట్ లో కోట్లాది మంది వెతికారట. సాక్షాత్తు గూగుల్ సంస్థనే ప్రకటించింది. సన్నీ లియోన్ తర్వాత భారత ప్రధాని మోదీ, హీరోలు సల్మాన్ ఖాన్ , షారుఖ్ ఖాన్ ల గురించి వెతికారట. ఎంతైనా బూతు భామకే ఓటేసిన ఘనత మనది కావడం గమనార్హం. ఎంతైనా ఇది విచిత్రం కదూ..