అమెజాన్‌లో ఆగ‌ని స‌మ్మె - అంత‌టా ఆందోళ‌న బాట
స‌మ్మెలు చేసినా, ఆందోళ‌న‌లు చేప‌ట్టినా..పోరాటానికి దిగినా జీతాలు మాత్రం ఎట్టి ప‌రిస్థితుల్లో పెంచ‌మంటూ స్ప‌ష్టం చేసింది. స‌మ‌స్య మాత్రం ముదిరి పాకాన ప‌డింది. త‌మ ప‌ని టైమింగ్స్ ను మెరుగు ప‌ర్చాల‌ని, జీతాలు స‌రిపోయినంతగా పెంచాల‌ని కోరారు. అమెరికాలోని ప్ర‌ధాన కార్యాల‌యంతో పాటు ఇంగ్లండ్, జ‌ర్మ‌నీ , త‌దిత‌ర దేశాల‌లో ఉద్యోగులు, సిబ్బంది ఆందోళ‌న బాట ప‌ట్టారు. ప్ర‌పంచ వ్యాప్తంగా ప్ర‌త్యేక డిస్కౌంట్ల‌తో అమెజాన్ 15 నుండి ఆఫ‌ర్స్ ఇస్తోంది. దీనికి భారీ ఎత్తున స్పంద‌న ల‌భిస్తోంది. ఈ స‌మ‌యంలో ఉద్యోగులు స‌మ్మె బాట ప‌ట్ట‌డం ఒకింత మార్కెట్‌ను కుదుపుల‌కు లోను చేసింది. ఈ కామ‌ర్స్ రంగంలో ఇప్ప‌టికే టాప్ వ‌న్ రేంజ్‌లో ఉంటోంది. ఉద్యోగులు 70 శాతానికి పైగా విధులు బ‌హిష్క‌రించారు. అమెరికాలోని ఫుల్‌ఫిల్‌మెంట్ సెంట‌ర్‌లో ఎంప్లాయిస్ విధులు బ‌హిష్క‌రించారు. ఆరు గంట‌ల పాటు రోడ్ల‌పైనే ఉన్నారు. ఉద‌యం, సాయంత్రం షిప్టుల్లో ప‌నులు పూర్తిగా నిలిచి పోయాయి. ప‌ని గంట‌లు ఎక్కువ‌గా ఉన్నాయ‌ని, వాటిని త‌క్ష‌ణ‌మే త‌గ్గించాల‌ని డిమాండ్ చేశారు ఉద్యోగులు. మిగ‌తా ఈ కామ‌ర్స్ కంపెనీల కంటే అమెజాన్‌కు భారీ ఆదాయం స‌మ‌కూరినా త‌మ‌ను ప‌ట్టించు కోవ‌డం లేదని ఆరోపించారు.
జీతాలు పెంచాలంటూ గ‌తంలో ప‌లుమార్లు విన్న‌వించినా స్పందించ లేద‌న్నారు. ఫిర్యాదులు అస‌లు ప‌ట్టించు కోవ‌డం లేదని, కంపెనీ ప‌ని భారాన్ని మ‌రింత పెంచిందంటూ విమ‌ర్శించారు. అమెజాన్‌కు ప్ర‌పంచ వ్యాప్తంగా వివిధ దేశాల్లోని శాఖ‌ల్లో 6 ల‌క్ష‌ల మంది ఉద్యోగులు ప‌ని చేస్తున్నారు. 24 గంట‌ల లోపే ప్రొడ‌క్ట్స్‌ను డెలివ‌రీ చేస్తామంటూ ..కంపెనీ హామీ ఇస్తోంద‌ని..దీంతో త‌మ‌పై తీవ్ర ఒత్తిడి ఎక్కువై పోయింద‌ని ఉద్యోగులు ల‌బోదిబోమంటున్నారు. అయితే, అమెజాన్ డోంట్ కేర్ అంటోంది. ఈ స‌మ్మె వ‌ల్ల త‌మ రోజూ వారీ కార్య‌క‌లాపాల‌కు ఎటువంటి ఇబ్బంది క‌ల‌గ‌డం లేదంటూ పేర్కొంది. ఉద్యోగులు, సంఘాలు అడిగిన‌వ‌న్నీ ఇప్ప‌టికే ఇచ్చేశామ‌ని తెలిపింది. ఇదిలా ఉండ‌గా త‌మ జీతాల్లో కోత పెడుతూ ..క‌స్ట‌మ‌ర్ల‌కు డిస్కౌంట్లు ఇస్తున్నారంటూ బాధితులు వారంటున్నారు.
కామెంట్‌లు
కామెంట్‌ను పోస్ట్ చేయండి