పసిడి ధరతో పరేషాన్
దేశీయంగా ఇదే ధోరణి నెలకొంది. దేశ రాజధానిలో మంగళవారం 191 పెరిగి 10 గ్రాముల ధర 39,239 పలికింది. అటు వెండి ధర కూడా ఇదే బాటలో పయనించింది. ఒక్క రోజే 943 పెరగడంతో కేజీ వెండి ధర 47,146కు చేరింది. అంతర్జాతీయ మార్కెట్లో ఔన్స్‌ పసిడి ధర 6 డాలర్లు పెరిగి 1,495 స్థాయికి చేరింది. పసిడి ఈ స్థాయిని అందుకోవడం ఇదే తొలిసారి. అమెరికా ఎగుమతులు క్షీణించడంతో నాలుగో త్రైమాసికంలో వృద్ధిపై అనుమానాలు రేకెత్తాయి. అంతర్జాతీయ ట్రెండ్‌కు అనుగుణంగానే దేశీయ ఎంసీఎక్స్‌ మార్కెట్లో పసిడికి కొనుగోళ్లకు మద్దతు లభిస్తోంది.10 గ్రాముల పసిడి ధర 101లు పెరిగి 38358.00 వద్ద ట్రేడ్‌ అవుతోంది.
అమెరికాలో పసిడి ర్యాలీ కారణంగా 266 లాభంతో 38,257ల వద్ద స్థిర పడింది. క్రిస్మస్‌, కొత్త సంవత్సరం తదితర పండుగల నేపథ్యంలో డిమాండ్‌ స్వల్పంగా పుంజుకునే అవకాశం ఉందని బులియన్‌ వర్తకులు భావిస్తున్నారు. మహిళలు ఎక్కువగా బంగారం కొనేందుకు ఆసక్తి చూపుతుండడంతో ధరలు స్థిరంగా ఉండడం లేదు. దీంతో ఇండియాలో చిరు వ్యాపారులు, పని చేసే వృత్తి నైపుణ్యం కలిగిన కార్మికులకు పనులు దొరకడం లేదు. కేంద్ర సర్కార్ కఠిన చర్యలు తీసుకోవడం మొదలు పెడితే దాని ప్రభావం ఎక్కువగా పెద్ద వ్యాపారస్తుల కంటే గ్రామీణ వ్యాపారుల ఉపాధికి గండి పడే ప్రమాదం పొంచి ఉంది.
కామెంట్‌లు
కామెంట్‌ను పోస్ట్ చేయండి