షెఫాలీ పరుగులు..రికార్డు బద్దలు
రోహిత్ 20 సంవత్సరాల 143 రోజుల వయసులో అర్ధ సెంచరీ సాధించగా, షెఫాలీ 15 సంవత్సరాల 285 రోజుల్లోనే ఆ ఘనత సాధించింది. యూఏఈకి చెందిన ఎగో డాజ్ 15 ఏళ్ల 267 రోజుల్లోనే అర్ధ సెంచరీ సాధించి ఈ జాబితాలో అగ్ర స్థానంలో ఉండగా, షెఫాలీ వర్మ రెండో స్థానంలో నిలిచింది. ఇక, ఈ మ్యాచ్‌లో తొలుత బ్యాటింగ్ చేసిన భారత మహిళల జట్టు నిర్ణీత 20 ఓవర్లలో నాలుగు వికెట్లు మాత్రమే కోల్పోయి 185 పరుగులు చేసింది. షెఫాలీ వర్మ 73, స్మతి మంధాన 67, కెప్టెన్ హర్మన్‌ ప్రీత్ కౌర్ 21 పరుగులు చేశారు.
అనంతరం 186 పరుగుల విజయ లక్ష్యంతో బ్యాటింగ్ ప్రారంభించిన విండీస్ మహిళల జట్టు 20 ఓవర్లలో 9 వికెట్లు కోల్పోయి 101 పరుగులు మాత్రమే చేసి ఓటమి పాలైంది. ఆ జట్టులో షెమైన్ క్యాంప్‌ బెల్ చేసిన 33 పరుగులే అత్యధికం. మిగతా ఆటగాళ్లలో ఒక్కరంటే ఒక్కరు కూడా పట్టుమని 15 పరుగులు చేయలేక పోయారు. షెఫాలీ వర్మకు ‘ప్లేయర్ ఆఫ్ ద మ్యాచ్’ అవార్డు దక్కింది. దీంతో వర్మ ఇప్పుడు వైరల్ గా మారారు.
కామెంట్‌లు
కామెంట్‌ను పోస్ట్ చేయండి