జనమే జెండా ..సమస్యలే ఎజెండా

తెలంగాణ ఎన్‌. ఆర్‌. ఐల‌లో మ‌రికంటి భ‌వానీ రెడ్డిది ప్ర‌త్యేక‌మైన స్థానం. ఆంట్ర‌ప్రెన్యూర్ గా , తెలంగాణ ఉద్య‌మ కాలంలో ఆమె అంద‌రిని కూడ‌గ‌ట్టింది. ప్ర‌త్యేక రాష్ట్రం కోసం త‌న వంతు కృషి చేసింది. తెలంగాణ సాధన‌లో మ‌మేక‌మైన వారిలో కొంద‌రికి వెన్ను ద‌న్నుగా నిలిచింది. సిద్ధిపేట జిల్లాకు చెందిన భ‌వానీ రెడ్డి కుటుంబానికి చెప్పుకోద‌గిన చ‌రిత్ర వున్న‌ది. మాటివ్వ‌డం..ఇచ్చిన మాట నిల‌బెట్టు కోవ‌డం కోసం అలుపెరుగ‌కుండా కృషి చేయ‌డం ఆమె నైజం. అంద‌రి మ‌హిళ‌ల లాగానే ఆమె కూడా క‌ష్టాల‌ను దాటుకుని అనుకున్న ల‌క్ష్యాన్ని సాధించింది. ఏకంగా త‌న స్వంత కాళ్ల‌పై నిల‌బ‌డేందుకు ప్ర‌భుత్వ ఉద్యోగాన్ని పొందింది. ఆర్టీసీ సంస్థ‌లో మెకానిక‌ల్ ఇంజ‌నీర్‌గా స‌మ‌ర్థ‌వంతంగా విధులు నిర్వ‌హించింది. వ‌న‌ప‌ర్తి జిల్లా పెద్ద‌మందడి మండ‌ల ప‌రిధిలోని పెద్ద మున‌గాల్ చేడ్‌కు చెందిన వ్య‌క్తిని ఆమె పెళ్లి చేసుకుంది. భ‌ర్త‌కు చేదోడు వాదోడుగా వుంటూనే మ‌రో వైపు సామాజిక సేవా కార్య‌క్ర‌మాల‌లో చురుకుగా పాల్గొన్న‌ది. త‌న‌తో పాటు మ‌రికొంద‌రు మ‌హిళ‌ల‌ను భాగ‌స్వాముల‌య్యేలా చేసింది. బ‌తుకు దెరువు కోసం కుటుంబంతో స‌హా ఆస్ర్టేలియాకు వ‌ల‌స...

ఎన్నిక‌ల వేళ‌..దేశ మంతా చ‌ర్చించు కోవాల్సిన స‌మ‌యంలో ఉన్న‌ట్టుండి ఓ మ‌హిళ లైంగిక వేధింపుల‌పై చేసిన కామెంట్స్ సంచ‌ల‌నం రేపాయి. జాతి యావ‌త్తు ఎవ‌రీమె..ఎంత‌టి ధైర్యం..అనుకుంటూ ..ఆమె కోసం సెర్చింగ్ చేయ‌డం మొద‌లు పెట్టాయి. సోష‌ల్ మీడియా దిగ్గ‌జం గూగుల్‌లో ఆమె పేరుతో ల‌క్ష‌లాది మంది వెతికారు. ఇంత‌గా ప్రాచుర్యం పొందిన ఆమె ..ప్ర‌ముఖ త‌మిళ న‌టుడు శ‌ర‌త్ కుమార్ కూతురు ..వ‌ర‌ల‌క్ష్మీ శ‌ర‌త్ కుమార్‌. ప్ర‌ధాని మోదీ, ప్ర‌తిప‌క్ష నేత రాహుల్ గాంధీల‌ను కాద‌ని ఆమె కోసం నెటిజ‌న్లు వెదికారంటే అర్థం చేసుకోవాల‌ని ఆమె చూపిన తెగువ‌కు మెచ్చుకోవాల్సిందే. ఆమె చేసింద‌ల్లా ఒక్క‌టే ..సినిమా రంగంలో త‌మ‌కంటూ హ‌క్కులున్నాయ‌ని..లైంగిక వేధింపులు ఉన్నాయ‌ని కుండ బ‌ద్ద‌లు కొట్టింది. దెబ్బ‌కు దేశ వ్యాప్తంగా కోలివుడ్‌, టాలీవుడ్‌, బాలీవుడ్ అంతా ఆమె మాట‌ల‌పైనే దృష్టి కేంద్రీక‌రించాయి. న‌ట‌నా ప‌రంగా ఇప్ప‌టికే అంద‌రి ప్ర‌శంస‌లు అందుకున్న వ‌ర‌లక్ష్మీ ఇపుడు తోటి తార‌ల‌కు ఓ భ‌రోసా..ఓ ఐకాన్‌. బాధితుల ప‌క్షాన ఓ గొంతుక‌. మేమూ మ‌నుషులమే. మాకూ ర‌క్త‌మాంసాలున్నాయి. మ‌మ్మ‌ల్ని మ‌నుషులుగా చూడ‌టం లేదు. మేమూ రోజంతా క‌ష్ట‌ప‌డుతున్నాం....

పేరుకే ఐఏఎస్ లు ..వీరిలో కొంద‌రు మాత్రం ప్ర‌జ‌ల‌కు ఆప్తులు. ఎన్నో ఏళ్లుగా చూస్తూనే ఉన్నాం. అధికారాన్ని అడ్డం పెట్టుకుని లెక్క‌కు మించిన ఆస్తుల‌ను కూడ‌గ‌ట్టుకుని జ‌నానికి దూరంగా అధికారం చెలాయించే వాళ్లు ఎంద‌రో ఈ దేశంలో ఉన్నారు. అయితే వీరికి భిన్నంగా ప్ర‌జా సేవ‌కే ప‌రిమిత‌మై వృత్తి ధ‌ర్మాన్ని నిర్వ‌ర్తిస్తున్న వారున్నారు. ఉమ్మ‌డి రాష్ట్రంలో ఐఏఎస్ గా ఎన్నో సేవ‌లు అందించిన వారిలో వ‌లేవాన్‌,  కొప్పుల రాజు, అనంత‌రాముతో పాటు అనిల్ కుమార్ సింఘాల్ ను ప్ర ‌త్యేకంగా ఇక్క‌డ ప్ర‌స్తావించ‌క త‌ప్ప‌దు. ఉమ్మ‌డి పాల‌మూరు జిల్లా గ‌ద్వాల‌ స‌బ్ క‌లెక్ట‌ర్‌గా అనిల్ కుమార్ సింఘాల్ వ‌చ్చారు. అప్పుడు నేను ఆయ‌న‌ను క‌లిశా. వార్త దిన‌ప‌త్రికను ఆయ‌నతో ప్రారంభింప చేశాము. రాజ‌కీయ‌ వ‌త్తిళ్ల‌కు ఆయ‌న త‌లొగ్గ‌లేదు. ప్ర‌జ‌ల మ‌ధ్య‌నే ఉన్నారు. జ‌నం కోస‌మే ఆయ‌న విధులు నిర్వ‌హించారు. ఆ త‌ర్వాత ప‌దోన్న‌తిపై క‌లెక్ట‌ర్‌గా కృష్ణా జిల్లా, విశాఖ జిల్లాతో పాటు ప్ర‌స్తుత తెలంగాణ రాష్ట్రంలోని మెద‌క్ జిల్లాకు క‌లెక్ట‌ర్‌గా సింఘాల్ స‌మ‌ర్థ‌వంతంగా ప‌నిచేశారు. ప్ర‌జా స‌మ‌స్య‌ల‌ను ప‌రిష్క‌రించ‌డంలో ఆయ‌న త‌న వంతు కృషి చేశారు. ఎలా...

బాధ్య‌త‌తో వ్య‌వ‌హ‌రించాల్సిన ప్ర‌భుత్వం నిర్ల‌క్ష్యం వ‌హిస్తే ఎలా వుంటుందో తెలుసు కోవాలంటే 108 స‌ర్వీస్ ఒక్క‌టే ఉదాహ‌ర‌ణ‌. ఎందుకు ప్రైవేట్ సంస్థ‌కు అప్ప‌గించారో అర్థం కాని ప‌రిస్థితి నెల‌కొంది. ప్ర‌జ‌ల‌కు నిరంత‌రం అత్య‌వ‌స‌ర సేవ‌లందిస్తూ మ‌న్న‌న‌న‌లు అందుకుంటోంది 108 . నిర్వ‌హ‌ణ భారానికి అయ్యే ప్ర‌తి పైసా ..ఖ‌ర్చంతా స‌ర్కార్‌దే. జాతీయ ఆరోగ్య మిష‌న్ ఆధ్వ‌ర్యంలో ఈ  స‌ర్వీస్ న‌డుస్తోంది. దీని మీదే ఆధార‌ప‌డి బ‌తుకుతున్న వాళ్లు ఎంద‌రో వున్నారు. చాలా మంది చాలీ చాల‌ని వేత‌నాల‌తో బ‌తుకులీడుస్తున్నారు. యాజ‌మాన్యం ఒంటెద్దు పోక‌డ పోవ‌డం, పూర్తిగా జవాబుదారీగా  ఉండ‌క పోవ‌డం లాంటి స‌మ‌స్య‌ల‌తో 108 అల్లాడుతోంది. ఎంద‌రో బ‌లిదానాల సాక్షిగా ఏర్పాటైన తెలంగాణ స‌ర్కార్ హ‌యాంలోనైనా పూర్తిగా ప్రైవేట్ సంస్థ నుండి త‌మ‌కు విముక్తి ల‌భిస్తుంద‌న్న ఆశ‌ల‌పై నీళ్లు చ‌ల్లారు. అప్ప‌ట్లో పేద‌ల‌కు వైద్య సేవ‌లు అందించేందుకు ఏర్పాటు చేసిన ఈ కార్య‌క్ర‌మానికి అన్ని వ‌ర్గాల నుండి సంపూర్ణ మ‌ద్ధ‌తు ల‌భించింది. అయితే నిర్వ‌హ‌ణ బాధ్య‌త‌ను ప్ర‌భుత్వ‌మే త‌న ఆధీనంలోకి తీసుకోగ‌లిగితే మ‌రింత మేలు జ‌రుగుతుంద‌నే భావ‌న స‌ర...

ప్ర‌పంచీక‌ర‌ణ పుణ్య‌మా అంటూ భార‌త్ వెలిగి పోతోంది. విద్యా ప‌రంగా విదేశాల్లో ద్వారాలు తెరుచు కోవ‌డంతో మ‌న దేశానికి చెందిన విద్యార్థులు అపార‌మైన అవ‌కాశాల‌ను అందిపుచ్చుకుంటున్నారు. త‌మ ప్ర‌తిభా పాట‌వాల‌తో ఆక‌ట్టుకుంటున్నారు. ఫారిన‌ర్స్‌ను మెస్మ‌రైజ్ చేస్తున్నారు. వ్య‌వ‌స్థ‌ల‌ను నియంత్రిస్తూ ఎప్ప‌టిక‌ప్పుడు టెక్నాల‌జీలో కొత్త పుంత‌లు తొక్కుతున్న ఐటీ రంగంలో మ‌నోళ్లు టాప్ లేవ‌ల్‌లో ఉన్నారు. సామాజిక మాధ్య‌మాల్లో ఒక ఊపు ఊపుతున్న గూగుల్‌, మైక్రోసాఫ్ట్ కంపెనీలు మ‌న వాళ్ల చేతుల్లో న‌డుస్తున్నాయి. త‌మిళ‌నాడుకు చెందిన సుంద‌ర్ పిచ్చెయ్‌, తెలుగువాడైన స‌త్య నాదెళ్ల , త‌దిత‌రులు ఇండియా పేరు నిల‌బెడుతున్నారు. జీవితంలో ఊహించ‌ని వేత‌నాలు అందుకుంటున్నారు. విప్రో, ఇన్ఫోటెక్‌, ఇన్ఫోసిస్‌, పొలారిస్‌, త‌దిత‌ర కంపెనీల ప్ర‌ధాన విభాగాల్లో ఇండియ‌న్స్ హ‌వా కొన‌సాగుతోంది. మేనేజ్ మెంట్ రంగంలో మ‌న‌వాళ్లే టాప్‌. కార్పొరేట్ కంపెనీల‌ను విజ‌య‌వంతంగా న‌డిపించ‌డంలో స‌క్సెస్ అవుతున్నారు.  ఆనాడు దేశ విముక్తి కోసం మ‌హాత్మా గాంధీ బారిస్ట‌ర్ చ‌దువు కోసం ద‌క్షిణా ఫ్రికాకు వెళితే..దేశ మొద‌టి ప్ర‌ధాని జ‌వ‌హ‌ర్ లాల్ నెహ్...

ఎన్నాళ్ల‌కు ..ఎన్నేళ్ల‌కు ..ఇలాంటి స‌న్నివేశాల కోసం ఎదురు చూసింది. త‌న ఇమేజ్ కోస‌మో లేక దేశ వ్యాప్తంగా ప్ర‌చారం పొందాల‌నే ఉద్దేశంతో ఏపీ ముఖ్య‌మంత్రి చంద్ర‌బాబు నాయుడు త‌న పొలిటిక‌ల్ మార్క్‌ను మ‌రోసారి చూపించారు. ప్ర‌జాస్వామ్యంలో గెలుపు ఓట‌ములు స‌హ‌జం. దానిని ప‌ట్టించు కోవాల్సిన అవ‌స‌రం కూడా లేదు. ప్ర‌జ‌ల సొమ్ముతో ప‌ద‌వులు పొందిన పార్ల‌మెంట్ స‌భ్యులను పూర్తి స్థాయిలో చూసే అవ‌కాశం ల‌భించింది. ఎప్పుడూ లేనంత‌గా దేశం మొత్తం బీజేపీ స‌ర్కార్‌పై అవిశ్వాస తీర్మానం ఏం జ‌రుగుతుందోన‌న్న ఉత్కంఠకు తెర లేపారు. కొత్త‌గా ఎంపీలుగా ప్రాతినిధ్యం వ‌హిస్తున్న వాళ్లు..అనుభ‌వ‌జ్ఞులు ..అన్ని పార్టీల‌కు చెందిన వారంతా ఆసీనుల‌వ‌డం ఆనందం అనిపించింది. ఓ వైపు ప‌వ‌న్ క‌ళ్యాణ్ ఇంకో వైపు జ‌గ‌న్ ఎంత‌గా విమ‌ర్శ‌లు, ఆరోప‌ణ‌లు చేసినా బాబు ఓ ర‌కంగా స‌క్సెస్ అయ్యాడ‌నే చెప్పాలి. టీడీపీకి సంబంధించి కొంత మంది మాత్ర‌మే ఎంపీలున్న‌ప్ప‌టికీ త‌న ఇమేజ్ డ్యామేజ్ కాకుండా చూసుకోగ‌లిగారు. ప‌రిపాల‌న రంగంలో అపార‌మైన అనుభ‌వం వున్న బాబు దేశ వ్యాప్తంగా చ‌ర్చ జ‌రిగేలా చూడ‌టంలో స‌ఫ‌ల‌మ‌య్యారు. దీనిని ఎవ‌రూ కాద‌న‌లేం. తీర్మానం వీగిపోతుంద‌న...

విజ‌యం అంటే ఏమిటో..దాని మ‌జా అంటే ఏమిటో..అదెలా మ‌నిషిని ఇబ్బంది పెడుతుందో ఇపుడు తెలుసొచ్చింది..ప్రిన్స్ మ‌హేష్ బాబుకు. సినిమా అంటే ఎంత ప‌వ‌ర్ ఫుల్ మాధ్య‌మ‌మో భ‌ర‌త్ అనే నేను చూశాక అర్థ‌మ‌వుతుంది అంద‌రికీ. రెండో ఆట‌కు కూడా పిల్లలు..పెద్ద‌లు టాకీసుల ముందు నిల‌బ‌డ‌టం ద‌ర్శ‌కుడి టాలెంట్‌కు ద‌క్కిన గౌర‌వం. అంతేనా ఆర‌డ‌గుల అంద‌గాడు..క‌ల‌ల రాకుమారుడు హీరో అలా వ‌చ్చేస్తుంటే అర్ధ‌రాత్రి అయ్యాక కూడా చ‌ప్ప‌ట్లే చ‌ప్ప‌ట్లు. బ‌హుషా ఇలాంటి స‌న్నివేశాలు సినిమాలలో..లేదా భావోద్వేగాల స‌మ్మేళ‌నాలు ఎక్కువ‌గా క్రికెట్ మ్యాచ్‌ల‌లో గోచ‌రిస్తుంటాయి. రెండేళ్ల పాటు సూప‌ర్ స్టార్‌కు చెప్పుకోద‌గిన విజ‌యాలు లేవు. శ్రీ‌మంతుడు త‌ర్వాత మ‌ళ్లీ కొర‌టాల క‌సితో తీసిన సినిమా ఇది. అందుకేనేమో ద‌ర్శ‌కుల హీరో మ‌హేష్ బాబు అని ఎప్పుడో చెప్పారు. అది వెండి తెర మీద చూస్తే తెలిసి పోతుంది. అంచ‌నాల‌కు మించి దేశ వ్యాప్తంగా ..అటు ప్ర‌పంచ వ్యాప్తంగా రికార్డుల మోత మోగిస్తుంటే మ‌నం ఏం చేయ‌గ‌లం. మ‌ళ్లీ సినిమా చూడ‌టం త‌ప్పా.. ప‌ల్లెల్లో ప‌డుచుద‌నం..గుండెల్లో ప్రేమ‌త‌నం మ‌ళ్లీ గుబాళించిన‌ట్లు మ‌హేష్‌ను చూశాక క‌లిగింది. అంద‌మంటే శ‌రీర...