జనమే జెండా ..సమస్యలే ఎజెండా

  మ‌న‌సుంటే మార్గాలు ఎన్నో. కావాల్సింద‌ల్లా సంక‌ల్పం. మ‌నుషుల ప‌ట్ల కాసింత అభిమానం. చాలా మంది క‌లెక్ట‌ర్లు అధికార ద‌ర్పాన్ని ప్ర‌ద‌ర్శిస్తారు. ఇంకొంద‌రైతే దైవాంశ సంభూతులుగా భావిస్తారు. కానీ క‌ష్ట‌ప‌డి పైకి వ‌చ్చి..జాతీయ స్థాయిలో సివిల్ స‌ర్వీసెస్ కు ఎంపికైన వారిలో ఎలాంటి డాబూ..ద‌ర్పం ఉండ‌దు. సింపుల్ గా వుంటారు..ప్ర‌జ‌ల‌ను ప్రేమిస్తారు. వారి కోసం ఏమైనా చేయాల‌ని త‌ప‌న‌తో ఉంటారు. అలాంటి వారిలో కోవే ఒక‌రు. ఈ క‌లెక్ట‌ర్ ఏకంగా జ‌నంతో క‌లిసి కొన్నేళ్లుగా అప‌రిష్కృతంగా ఉన్న రోడ్డుకు మోక్షం క‌ల్పించారు. ప్ర‌పంచం ఈ క‌లెక్ట‌ర్ చేసిన ప్ర‌య‌త్నాన్ని ప్ర‌శంస‌ల‌తో ముంచెత్తింది. కొంద‌రు అధికారులు జ‌నంతో, అధికారుల‌తో మాట్లాడేందుకు సైతం ఇష్ట‌ప‌డరు. కానీ వ‌రంగ‌ల్ జిల్లా అర్భ‌న్ క‌లెక్ట‌ర్ ప్ర‌శాంత్ జీవ‌న్ పాటిల్ భిన్నంగా ఆలోచించారు. కొత్త ఐడియాకు శ్రీ‌కారం చుట్టారు. రాష్ట్రం మొత్తం ఆశ్చ‌ర్య పోయేలా ..మిగ‌తా జిల్లాల క‌లెక్ట‌ర్లు నివ్వెర పోయేలా చేశారు. కార్పొరేట్ కాలేజీలు, స్కూల్స్ పిల్ల‌ల‌తో క‌లెక్ట‌ర్లు ఫోటోలు దిగుతున్నారు. ఎక్క‌డ‌లేని ప్ర‌చారం చేసుకుంటున్నారు. ఒక ర‌కంగా స‌మాజానికి ఆద‌ర్శంగా ఉండాల్సిన...

నియాన్ లైట్ల వెలుతురులో నా న‌గ‌రం వెలిగి పోతోంది. గుండె గుండెలో ప్రేమ జ‌ల్లుల‌ను చ‌ల్లుకుంటూ. రంజాన్ వేళ‌ల్లో నిండు చంద‌మామ క‌దులుతూ వుంటే..లాడ్ బ‌జార్ లో గాజుల గ‌ల‌గ‌ల‌లు హృద‌యాల‌పై చెర‌గ‌ని రాగాల‌ను అద్దుతాయి. అప్పుడే పూసిన పూలు..విచ్చుకున్న పెద‌వుల మ‌ధ్య న‌వ్వుల కేరింత‌లు..కుల‌మ‌తాల‌కు అతీతంగా జ‌నం ఒక‌రినొక‌రు చూసుకుంటూ స‌ముద్రంలోని ఇసుక రేణువుల్లా త‌చ్చ‌ట్లాడుతూ వుంటే ..మ‌ళ్లీ ప్రేమ‌త‌న‌పు జ్ఞాప‌కాలు మ‌న‌సులో చిగురిస్తాయి. ప్రేమంటే గుండెల క‌ల‌యిక‌. తాను ప్రేమించిన ..త‌న కోసం జీవితాన్ని అర్పించిన భాగ్‌మ‌తి కోస‌మే క‌దా ఈ న‌గ‌రం రూపు దిద్దుకున్న‌ది. అదే భాగ్య‌న‌గ‌ర‌మై భాసిల్లుతోంది. కోట్లాది ప్ర‌జ‌ల ఆత్మ‌ల‌న్నీ ఒక్క‌టై న‌గ‌రాన్ని అల్లుకు పోయేలా చేస్తోంది. ఈ ప్రాంతంలో అడుగు పెడితే చాలు ప్రేమ ఉప్పొంగుతుంది. వెల్లువ‌లా చుట్టేస్తుంది. అటు చూస్తే చార్మినార్ ..న‌గ‌ర‌పు వాసుల ఉమ్మ‌డి ఆస్తి. ప్ర‌పంచానికే పాఠం నేర్పిన చ‌రిత్ర ఈ న‌గ‌రానిదే. త‌రాలు మారినా వ‌న్నె త‌గ్గ‌లేదు. అప్ర‌హ‌తిహ‌తంగా త‌న ఖ్యాతిని దిగంతాల‌కు వ్యాపించేలా భాగ్య‌న‌గ‌రం త‌న‌ను తాను మ‌లుచుకుంది. ప్రేమ కోసం కోట్లాది రూపాయ‌ల ఆస్తు...

  నాలుగు గ‌దుల్లో దాచు కోవాల్సినవ‌న్నీ ఇపుడు బ‌హిర్గ‌త‌మై పోతున్నాయి. ఇన్ఫ‌ర్మేష‌న్ టెక్నాల‌జీ పుణ్య‌మా అంటూ మంచి కంటే చెడు ఎక్కువ‌గా ముక్కు ప‌చ్చ‌లార‌ని యువ‌తీ యువ‌కుల‌ను టార్గెట్ చేస్తోంది. భోజ‌నం లేకుండా ఉండ‌గ‌ల‌రమో కానీ మొబైల్స్ లేకుండా ఉండ‌లేని స్థితికి వ‌చ్చేశారు. కాదంటే బాధ‌..వ‌ద్దంటే కోపం..క‌న్న‌వారి మీద క‌సురు కోవ‌డాలు..కుటుంబం అంటే గౌర‌వం లేదు. పాఠాలు చెప్పే వారి ప‌ట్ల కృత‌జ్ఞ‌త లేదు. బ‌ట్టీ ప‌ట్ట‌డాలు..ర్యాంకుల మోత‌లు..ఇలా చెప్పుకుంటూ పోతే దిగ్భ్రాంతిక‌ర‌మైన వాస్త‌వాలు వెలుగు చూశాయి. చెప్పుకోవాలంటే సిగ్గు చేటు. 60 ఏళ్లకే రావాల్సిన అనుభవం ఇపుడు 10 ఏళ్ల పిల్ల‌ల‌కు అర్థ‌మై పోతోంది.  ఇదేమిటంటే స్మార్ట్ ఫోన్లు ఉన్నాయిగా..పేరెంట్స్ త‌మ బాధ్య‌త‌ల‌ను విస్మ‌రిస్తున్నారు. నూటికి 90 శాతం పిల్ల‌ల‌ను ప‌ట్టించు కోవ‌డం లేదు. గాలికి వ‌దిలి వేస్తున్నారు. పాఠాలు బోధించాల్సిన వాళ్లు సైతం ప్రేమ పాఠాలు వ‌ల్లె వేస్తున్నారు. బంధాల‌కు అర్థం లేకుండా పోయింది. డాల‌ర్ల మాయ‌లో ప‌డిన వీరంతా దేశాన్ని ఏం ర‌క్షిస్తారో తెలియ‌డం లేదు. సామాజిక మాధ్యమాల్లో ..గూగుల్ వ‌చ్చాక‌..రిల‌య‌న్స్ జియో ఎంట‌ర్ అయ్య...

  నిలువెల్లా గాయాల‌ను త‌ట్టుకుని ..ఉద్విగ్న‌మైన పోరాటాన్ని ఊపిరిగా చేసుకుని ..ప్ర‌పంచం నివ్వెర పోయేలా చేసిన ఘ‌న‌త ఒక్క తెలంగాణ ప్రాంతానికి మాత్ర‌మే వున్న‌ది. ఇది చారిత్రాత్మ‌క‌మైన ఘ‌ట్టం. నూత‌న ఒర‌వ‌డికి ప్రాణం పోసింది. కోట్లాది ప్ర‌జ‌లు స్వ‌చ్ఛంధంగా త‌మ ప్రాంత‌పు అస్తిత్వం కోసం సాగించిన అరుదైన ఉద్య‌మం ఇక్క‌డిదే. ఇలాంటి పోరాటాలు, ఆందోళ‌న‌లు, స్వ‌చ్చంధ నిర‌స‌న‌లు, సంబండ వ‌ర్ణాలు ఒక్క‌టై ..ఒకే ల‌క్ష్యం కోసం ల‌క్ష‌లాది అడుగులు ఏక కాలంలో సాగింది ఇక్క‌డే. తెలంగాణ రాష్ట్రం కోసం సాగించిన అలుపెరుగ‌ని న్యాయ‌మైన డిమాండ్‌కు ప్ర‌పంచ వ్యాప్తంగా మ‌ద్ధ‌తు ల‌భించింది. ప్రాంతాల‌కు , కులాల‌కు, వ‌ర్గాల‌కు అతీతంగా కూలీల నుంచి కార్పొరేట్ ఉద్యోగ‌స్తుల దాకా అంతా త‌మ ప్రాంత‌పు విముక్తి కోసం ఉద్య‌మించారు. కాలికి బ‌ల‌పం క‌ట్టుకుని మేధావులు, జ‌ర్న‌లిస్టులు, నిరుద్యోగులు, వృద్దులు, పిల్ల‌లు, మ‌హిళ‌లు, దివ్యాంగులు, మైనార్టీలు, బీసీలు, ద‌ళిత బ‌హుజ‌నులు..ఇలా ప్ర‌తి ఒక్క‌రు మ‌మైక‌మై సాగారు. ఈ పోరాటం ఎంద‌రికో స్ఫూర్తినిచ్చింది. ఇంకెంద‌రికో పాఠం నేర్పింది. క‌రుడుగ‌ట్టిన స‌మైక్య‌వాదులుగా ఉన్న చంద్ర‌బాబు నాయుడు, దివం...

  తెలంగాణ‌కు చెందిన మ‌హిళా రైతులు తమ శ‌క్తి సామ‌ర్థ్యాలు ఏమిటో ప్ర‌పంచానికి చాటి చెప్పారు. భూమిని న‌మ్ముకుంటే న‌ష్టం వుండ‌ద‌ని, ప‌ర్యావ‌ర‌ణం కోసం పాటు పడాల‌ని ద‌క్క‌న్ డెవ‌ల‌ప్‌మెంట్ సొసైటీకి చెందిన స్వ‌యం స‌హాయ‌క మ‌హిళా రైతులు పిలుపునిస్తున్నారు. ఎలాంటి ఎరువులు, మందులు లేకుండానే ప్ర‌కృతి వ్య‌వ‌సాయంతో సాగు చేస్తున్నారు. మ‌నం మ‌రిచి పోయిన పాత కాలం నాటి గింజ‌ల‌న్నీ ఇక్క‌డ ల‌భిస్తాయి. తాజాగా యునైటెడ్ నేష‌న్స్ డెవ‌ల‌ప్ మెంట్ ప్రోగ్రాం ( యుఎన్‌డిపి) అంత‌ర్జాతీయ సంస్థ డిడీఎస్ కు చెందిన మ‌హిళా రైతులు మైస‌న‌గారి ర‌త్న‌మ్మ‌, బ్యాగ‌రి తుల్జ‌మ్మ‌, నాగ్వార్ సునంద‌మ్మ‌, ఎర్రోళ్ల క‌న‌క‌మ్మ‌, అంజ‌మ్మ‌, అనసూయల‌కు ప్ర‌తిష్టాత్మ‌క‌మైన ఈక్వెటార్ ప్రైజ్‌ను 2019 సంవ‌త్స‌రానికి ప్ర‌క‌టించింది. ఇది గ‌త కొన్నేళ్లుగా స‌తీష్ నేతృత్వంలో నిర్వ‌హిస్తున్న డీడీఎస్ సంస్థ‌కు ద‌క్కిన గౌర‌వంగా భావించాలి. ఆయ‌న ఎన్నో ఏళ్లుగా దీనినే అంటిపెట్టుకుని వున్నారు. వ్య‌వ‌సాయం దండ‌గ కాద‌ని పండ‌గ‌ని నిరూపించారు. వాస్త‌వానికి మ‌నం ఎక్క‌డికి వెళ్లినా నీళ్లుండ‌వు. ఒక‌వేళ వుంటే అదే వ‌రి అవే జొన్న‌లు లేదంటే సాగుకు డ‌బ్బులుండ‌వు. ఆత్మ...

 ఎవ‌రైనా మ‌లి వ‌య‌సులో జీవితం హాయిగా వుండాల‌ని అనుకుంటారు. వ‌చ్చిన డ‌బ్బుల‌ను భ‌ద్రంగా దాచుకుంటారు. బ్యాంకుల్లో ఫిక్స్ డ్ డిపాజిట్ల‌లో మ‌దుపు చేస్తారు. ఇంకొంద‌రు ఎక్కువ వ‌డ్డీ వ‌స్తుంద‌నే ఆశ‌తో బంధువుల‌కో లేదా తెలిసిన వారికి ఇస్తారు. అవ‌స‌ర‌మైన‌ప్పుడు డ‌బ్బులు ప‌నికొస్తాయ‌ని ఆలోచ‌న అంతే. ఇంకొంద‌రు ప‌ద‌వీ విర‌మ‌ణ పొందాక ఇళ్ల‌లో విశ్రాంతి తీసుకుంటారు. కానీ ఒడిస్సా రాష్ట్రం కియోంజిహార్ జిల్లా కాన్పూర్ గ్రామానికి చెందిన గంగాధ‌ర్ రౌత్ మాత్రం అంద‌రిలా ఆలోచించ‌లేదు. ప‌శు సంవ‌ర్ద‌క శాఖ‌లో లైవ్ స్టాక్ ఇన్స్ పెక్ట‌ర్‌గా ప‌నిచేసి రిటైర్డ్ అయ్యారు. వ‌చ్చిన పెన్ష‌న్ డ‌బ్బుల‌తో త‌న క‌ర్త‌వ్యం ఏమిటో ఆలోచించాడు.  ఏకంగా ఊరికి ఇబ్బందిగా మారిన వంతెన నిర్మాణం గురించి ప‌దుగురితో చ‌ర్చించాడు. వారి నుంచి స్పంద‌న రాలేదు. తానే అడుగులు వేశాడు. ఇందు కోసం స్వంతంగా త‌న డ‌బ్బుల‌ను వినియోగించాల‌ని నిర్ణ‌యించుకున్నాడు. రౌత్..ఈ ప‌నిని సామాజిక బాధ్య‌త‌గా గుర్తించాడు. ఇందు కోసం తానే ముందుకు క‌దిలాడు. ఊరు దాటాలన్నా..రావాల‌న్నా ..సాలంది న‌దిని దాటాల్సిందే. వ‌ర‌ద‌లు వ‌చ్చినా, వాన‌లు భారీగా కురిసినా ఊరుకు క‌ష్టం వ‌...

  లక్ష‌లాది మంది పిల్ల‌ల ఆక‌లి తీరుస్తూ వారు చ‌దువుకునేలా అక్ష‌య‌పాత్ర ఫౌండేష‌న్ సంస్థ‌కు అంత‌ర్జాతీయ ప‌రంగా అరుదైన గౌర‌వం ల‌భించింది. ప్ర‌తి ఏటా బిబిసి వ‌ర‌ల్డ్ స‌ర్వీస్ గ్లోబ‌ల్ ఫుడ్ ఛాంపియ‌న్ అవార్డును 2019 సంవ‌త్స‌రానికి గాను అక్ష‌య‌పాత్ర‌ను ఎంపిక చేసింది. సంస్థ కార్యాల‌యంలో అక్ష‌య‌పాత్ర ఫౌండేష‌న్ వైస్ ఛైర్మ‌న్ చంచ‌ల‌ప‌తి దాస యునైటెడ్ కింగ్‌డంలోని బ్రిస్ట‌ల్ సిటీ కౌన్సిల్‌లో జ‌రిగిన స‌న్మాన కార్య‌క్ర‌మంలో పుర‌స్కారాన్ని అందుకున్నారు. యుకె అక్ష‌య‌పాత్ర సిఇఓ భ‌వానీ షెఖావ‌ర్ కూడా హాజ‌ర‌య్యారు. 2018లో జోష్ ఆండ్రెస్ ఈ అవార్డును పొందారు. చెఫ్‌గా ప‌నిచేస్తూ వ‌చ్చిన ఆదాయంతో 3.4 మిలియ‌న్ల మందికి ఉచితంగా ఆహారాన్ని అంద‌జేశారు. ఇది ఓ రికార్డు. హ‌రికేన్ మ‌న పేరుతో స్వీక‌రించారు. బెంగ‌ళూరు కేంద్రంగా మొద‌టిసారిగా 2000 సంవ‌త్స‌రంలో అక్ష‌య‌పాత్ర ఫౌండేష‌న్ త‌న కార్య‌క‌లాపాల‌కు శ్రీ‌కారం చుట్టింది. స్వ‌చ్ఛంధంగా బ‌డి బ‌య‌ట‌నే వుంటూ..బాల్యాన్ని కోల్పోతున్న బాల‌బాలిక‌ల‌కు చేయూత ఇవ్వాల‌ని సంక‌ల్పించింది. ఇందు కోసం ఏకంగా ఆయా దాత‌లు ఇచ్చిన విరాళాల‌తో వ‌చ్చిన డ‌బ్బుల‌తో మెరుగైన‌, నాణ్య‌వంత‌మైన‌, రుచిక‌ర...